|
ارجوكم ردو علي بسرعه
السلام عليكم ورحمه الله
بنات انا زوجي مره عصبي قبل اسبوع رحت بيت ابوي وقال ابوي بيروح للخبر وطبعا انا قبل كل مشوار اعلم زوجي المهم دقيت عليه وقلت له يجينا قال مشغول طيب رحت بيت عمي با الخبر والمفاجئه ان عمي بيطلع وبيروحون للسوق المهم ايش اسوي امري لله اروح معهم رحت معهم ونسيت اقول لزوجي المهم رجعت للبيت تعبانه ولا دقيت عليه يوم صحيت الصبح دقيت عليه وعلمته وزعل وتهاوش معي وقال بيطلقني حاولت فيه قلت له ربك يرحم انت ماترحم ولا رضي بنات تكفون قولو لى انا ايش سويت يعني ربنا لاتواخذنا ان نسينا او اخطئنا والله ليومكم مايكلمني وقال بيجيب اغراضي وبياخذ اعيالى علموني شسوي وربي ضايق صدري حيل ارجوكم ردو على بسرعه |
رد: ارجوكم ردو علي بسرعه
حبيبتي ارسليله رساله اكتبي فيها
انك ماتقدري تستغني عنه وانها غلطه وانك ماراح تعيدها بيني انك مره ندمانه وان شاء الله اكون افدتك |
رد: ارجوكم ردو علي بسرعه
لحظه غضب لااكثر
انتي بينتي عذرك وش يبي تنذلين له عشان يسامحك على غلطه وماتتسمى من الاساس غلطه طلعتي مع عمك فخليه وهو مصيره يهدى ويتصل عليك بس انتي خليك هاديه والله يعين على الدنيا |
رد: ارجوكم ردو علي بسرعه
اختي (حياتي اناِ)والله رسلت له رساله وحلفت اني مااطلع مرة 2
بس مافاد اشكرك على الرد يالغاليه اختي(sweetmoon) بينت العذر ودقيت على امه وقالت انتي الغلطانه طيب ابغي افهم مافي احد ينسي با الدنيا انا قدمت عذري والله اني حيل متضايقة يعني انا ماسويت كبيرة من كبائر الذنوب بس ماادري ايش اعمل دقيت عليه من اشوي ولا رد على كنت بخلى ولدي يكلمه حتي ولده مايبي يكلمه مو حرام :( والله لو غريب مابيسوي معاه كذا ابي حل ابيه يكلمني افيدوني جزاكم الله خير |
رد: ارجوكم ردو علي بسرعه
لا تكلميه الان خليه لين يهدى
|
رد: ارجوكم ردو علي بسرعه
حبيبتي لاتكلميه هالايام وحسسيه انك انتي كمان زعلتي من ردة فعله
..انتي غلطتي بس مو لدرجة انه يتعامل معاكي كذا كان قلتيله انك طلعتي مع اهلك مو مع احد ثاني بس ماقلتي وش ردة فعل اهلك من تعامله الله يسخر لك زوجك ويهديه ويرجع لك اليوم قبل بكره ياااااااااارب |
رد: ارجوكم ردو علي بسرعه
اتركيه هو بيهدى بعد كم يوم
بس ارسليله من فتره لفتره انك تحبينه ومشتاقتله...بس لازودين الرسايل يعني كل بعد يومين او3 رساله حلوه واذا زودها خلي ابوك او احد كبير يتفاهم معه ويشوف وش السالفه |
رد: ارجوكم ردو علي بسرعه
شوفي انتي غلطتي صح بس الغلط انه يعالج الغلط بغلط اكبر منه
دام انتي ارسلتي له رساله اعتذار خلاص اللي عليك سويتيه انتظري اسبوع اذا مادق ولا سأل خلي ابوك او اخوك يدقون ويشوفون الله يصلح فيما بينكم ويسخره لك يارب |
رد: ارجوكم ردو علي بسرعه
حبيبتي أنتي لا غلطتي ولا شي مثل مايقولوا البنات ويسمحولي بهالشي
لأن سمعت الشيخ قبل فتره سألته وحده مثلك عن إذا لازم تقول لزوجها كل ماطلعت إذا صارت عند أهلها فرد الشيخ بكلام شيخ ثاني ماأدري بن عثيمين أو بن باز قال بما أنك عند أهلك فأنتي أنتقلتي لذمة أبوك ومسؤليته يعني هو الي مسؤل عنك ولا يحق لأحد بأنه يسألك وين رايحه أو ليش ماقلتي لأن أبوك وقتها هو اللي له الأمر عليك والحكم أن شاء الله تكوني فهمتي وش أقصد وبالنسبه لزوجك وزعله فخليه وغذا مره مو قادره لازم تسمعي صوته خلاص قوليله تعال خذ الأولاد ووقتها إذا جاء أهلك يتكلمون معاه أو من البدايه أبوك يكلمه ويطلب منه يجي علشان يتفاهم معاه مو بخصوص هالموقف بس لا بخصوص كل شي في حكاية تعصيبه عليك وبصراحه وبدون زعل هو شافك أنك باللمره تتعذري حتى لو ماغلطتي فخلاص ساق العوج عليك أبوي دائماً كان يقول ( عزّ نفسك تجدها ) يعني مو عمال على بطال كل شوي تعتذري ولا تقولي علشان نمشي الحياه لا انتي وراك رجال يتفاهموا معاه ويعلموه حتى هو غلطه مو كل شي أنتي غلطانه فيه لا... لاتضعفي نفسك قدامه حتى لو عندك منه 20 طفل زوجات كثير مخلفات بس حافظين حقوقهم وكرامتهم لا وحتى لو غلطت الوحده عرفت كيف تخليه يحس بأنه هو الغلطان وأزواجهم شايلينهم فوق روسهم ولايسمحون لأي أحد يزعلهم أو يضايقهم خليك زيهم ..... يمكن عيبك عاطفتك وتولعك فيه وهو يمكن إستغل هالشي بدليل أمه اللي أول ماكلمتيها قالت أنتي غلطانه لو وحده غيرها كان هدتك وحاولت تخفف عليك مو تركبك الغلط غلطك بس أنك لجأتي لها ألجئي لأخوانك وأبوك هما اللي راح يعلمونك شلون تتصرفين لأني متأكده أنك ماتستحقين هالمعامله مع كل طواعيتك له ويتمادى كذا مافيه حل غير الرجال اللي وراك هم اللي يتكلمون ألحين أنتي حاولتي ومانفع خلاص هم يتصرفوا أتمنى ماتكوني زعلتي مني وتكوني عرفتي أن لك حق بأنك تعيشي بكرامتك مع الشخص اللي أخترتيه وحبيتيه بس بدون أي مذله ...الله يسخره لك يارب |
رد: ارجوكم ردو علي بسرعه
يعني أذن لك بالسفرية للخبر مع أهلك
وش عليه يزعل الله يهديه خليه كم يوم وبتشوفيم هو بنفسه بيجيك ولاكأن شئ صار انتي سويتي اللي عليك واعتذرتي بعد المفروض يتفهم ومايقول شئ ايد بيت عمك مثل بيت أبوك ورايحه معاهم يعني مو مع ناس غرب الله يهديهم بس هالرجال عليهم حركات ساعات الله يهدي سركم يااارب لو جاء وطلب رجعتك للبيت سوي نفسك ولاكأن في شئ وروحي وارجعي لبيتك بنفس راضية ولاتفتحين معاه سيرة والله يسخر قلب زوجك لك يااارب |
| الساعة الآن 06:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .