|
اللي ولدت قيصري ببنج نصفي تدخل طالبتكم
السلام عليكم ورحمة الله وبركاته كيفكم جميعا الله يهون على الحوامل ويسر لي ولكم والحمد لله على سلامة الوالدات أنا بكريه والأسبوع الجاي بخلص التاسع وأكيد بيحددون لي العمليه عالأسبوع الجاي وبكرى موعدي مع الدكتوره بمستشفى سعد بالخبر السبب راس البيبي فوق الخوف أنها بنج نصفي يعني تسمعين كل شي وأنا خوافه لدرجه فضيعه ماأدري لما أشوف غرفة العمليات وش بسوي ماتعرفون دعاء يطرد الخوف بنات تكفون مالي غيركم بعد الله أسئل مين أو أشاور مين لاأحد يطنشني أبي أعرف كيف هالعمليه تصير أسمع الأدوات أو أشوف شي أو نهائيا ماأشوف قلبي بيطلع من الخوف حبيت أفضفض هنا ماأقدر أتكلم مع أهلي بهالموضوع ينشغل بالهم علي عندي شوية أسئله / الحين مو غرفة العمليات ثلج وبرد اللي أبي أعرفه مايدخل هالبرد بالأرحام ويتعبها أقدر أحط كماده مثل حركاتي بالدوره الشهريه على أسفل بطني والسؤال الثاني/ سبحان الله الحين البيبي طلع من فوق مو من تحت كيف ينزل الدم الله يعزكم(دم النفاس)من تحت اللي مثل الدوره وتجيكم أخت النفاس اللي بعد ماتخلصين الأربعين وفيه أحد منكم كان وضع الجنين زيي يعني الراس فوق والحمل الثاني يصير الوضع طبيعي وتولد طبيعي؟؟ واللي تبي تذكر أي شي عن القيصري وماسألت عنه أنا كلي آذان صاغيه ... قصدي عيون قارئه تكفون لاتطولون علي بكل نومه أنامها لازم أحلم |
رد: اللي ولدت قيصري ببنج نصفي تدخل طالبتكم
صديقتي ولدت فيها قبل كم يوم
روووووووووووووعه احسن من الكامل يجيب كتمه وبلغم ودوخه واستفراغ ماتحسين بشي وتقول بس يسولفون معاها مااعطوها فرصة تدعي وبينها وبين الدكتور شتاره من تحت صدرها يعني ماتشوف شي ولما طلعوا البيبي الأول < توأم بسرعه نظفوه واعطوها انشغلت فيه لين طلعوا الثاني هي قد ولدت طبيعي وقيصري كامل وقيصري نصفي تقول احسن ولاده هذي حست باطفالها وجلس مفعول الابره معاها لما طلعت من الغرفه وجا زوجها شافها وحست بأطفالها مو هلكانه وتعبانه زي الطبيعي ولا البنج الكامل بالعكس كل شي كان الحمدلله زين انت حاولي بالممرضات لو يرضون تعطينهم كاميرا يصورون البيبي فيديو او ماينظفونه وكذا بعضهم يرضون وبعضهم يرفضون جربي واستمتعي حد البنج يخليك حاسه بالعافيه ومافي الآم عيشي اللحظة وربي معاك ياعسل استودعي الله نفسك وكل ماانعم به عليك وقولي حسبي الله لااله الا هو عليه توكلت وهو رب العرش العظيم 7 مرات يكفيك الله مااهمك واستغفري وادعي كل اللي نفسك فيه لك ولزوجك وللبيبي وللمسلمين والمسلمات وخشي جو ثاني بعيد عنهم وصدقيني ماهم اغبياء عشان يحسسونك وش قاعدين يسوون بالعكس هم يبغونك تنشغلين ويكلمونك وكذا قلبي وربي معاك طمنيني عنك |
رد: اللي ولدت قيصري ببنج نصفي تدخل طالبتكم
ناردين
الله يفتح عليك أبواب رزقه ويفرج لك كل كربه يارب ماتوقعت بصراحه ألاقي رد بهالسرعه شكرا لك ياعمري |
رد: اللي ولدت قيصري ببنج نصفي تدخل طالبتكم
بصراحه ماأتوقع إني أجرأ أشوف الفيديو
تعرفين شق بطن |
رد: اللي ولدت قيصري ببنج نصفي تدخل طالبتكم
الله يقومك بالسلامة مايصر الا كل خير ان شاء الله جربتها بنت عم زوجي هاليومين وهي بخير وسببها قلت الموية
|
رد: اللي ولدت قيصري ببنج نصفي تدخل طالبتكم
بصراحه انا ماعمري جربت الكامل بس جربت النصفي يحطون حاجز عشان ماتشوفين
واول مايطلع البيبي تشوفيه يجيبونه لك اما بروده الغرفه انا حسيت ببروده وصرت ارجف وجابوا لي زي الخرطوم هوا دافي ووجهوه على صدري ووجهي ودفيت ونمت لان البنج النصفي يكون معاه برضو مخدر خفيف يخليك تنامين والدم ينزل عليك عادي زي الدوره واخت النفاس انا جت علي بعد ماخلصت الاربعين باسبوع ادعيلي بتيسير ولادتي لانها بتكون قيصري ..........واشوف ولدي باتم الصحه والعافيه |
رد: اللي ولدت قيصري ببنج نصفي تدخل طالبتكم
أمل بعيد تسلمين ياقلبي
ملاك صعب الأمتلاك تسلمين والله يقومك بالسلامه ويقر عينك بولدك ياعمري بس ليش تقولين من الحين أن ولادتك قيصريه |
رد: اللي ولدت قيصري ببنج نصفي تدخل طالبتكم
يا قلبي عليكي
توكلي على الله و لا تخافي حاولي تسجدي اطول مده تقدري عليها >> لان وضعية السجود تخلي راس الجنين ينزل و ما تدري يمكن قبل الولاده يكون الراس تحت و صدقيني لو كانت الولاده صعبه و قويه ما كنا حملنا مرتين و تلاته بس توكلي على الله و ادعيه ربي يهون عليكي و يقويكي و ييسر لك ياااااارب تقومي بالسلاااامه |
رد: اللي ولدت قيصري ببنج نصفي تدخل طالبتكم
والله ياقلبي عندي ثلاثه الله يخليهم لي الثالث تعسرت ولادتي وصارت عندي مشاكل في الرحم وجبته قيصري وخلاص بسبب المشاكل اللي صارت ولاداتي كلها راح تكون قيصري الله يكتب لنا الاجر
|
رد: اللي ولدت قيصري ببنج نصفي تدخل طالبتكم
حبيبتي الله يسهل عليك
و لا تخافي ابدا توكلي على ربي و الله اختي سوتها و مره مره ارتاحت ولادتها الاولى كانت قيصري بنج كامل و الثانيه قيصري بنج نصفي تقول النصفي تفرق عن الكامل مليون مره مريييييييحه جدا و ما تشوفين شيء بالعمليه بس اذا طلعوا البيبي يورونك يعني مره حلوه انتي ادعي ربي و و كلي امرك له و بإذن الله تقومي بالسلامه و تبشرينا بولادتك و بسلامتك انت و طفلك |
| الساعة الآن 05:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .