منتديات حوامل النسائية

منتديات حوامل النسائية (https://naqatube.com/index.php)
-   ملتقى عضوات حوامل (https://naqatube.com/forumdisplay.php?f=69)
-   -   يمه مريولي توسخ........ (https://naqatube.com/showthread.php?t=63607)

النسيم البارد 06-27-2011 03:02 AM

يمه مريولي توسخ........
 

يمه مريولي توسخ........

يـــــــــــــــــــمـــــــــــــــــــة
يمــه
تكفين إسمعيني..
يمه بسألك شئ
جاااوبيني..
هوصحيح اللي مات
داخل القبر يصير حي ..؟؟
يمه......
أسمع أنا صوتك ..
كل يوم أسمعه..
وإذا أحاكيك هاوشوني ..
قالولي إنسي...
يالله روحي إلعبي...
يمه تعالي ارجعي ..
والله خلاص بسمع كلامك ..
مأخرب ألعابي...
وإن قلتي يالله روحي نامي ..
أروح حتى ماتزعلي...
يمه تكفين ارجعي ..
اليوم حطت لي المديرة..
نجمة من فوق جبهتي..

سمعتها تقول....
مسكينة هالبنت صارت يتيمة...
قالت لها أبلة منيرة...


مسكينة توها صغيرة...
وش كانو يقصدون...؟؟
يمكن عشاني صرت عاقلة...
ولا عشاني دايم اسرح...؟؟
يمه مريولي توسخ .....
ماكان قصدي اوسخه...
بس تذكرت انك تقولي ..
بعد شهرييين.....
بشتري لك لبس ثاني..
يمه تعالي اشتري...
يمه عرفتي مها...؟؟؟
صديقتي اللي معي...
زاعلتني..
تقول صرت مااضحكها ..
راحت تدور غيري....
عشان تلقى أحد يونسها ...
يمه..
يالله خلاص لا تمزحي...
يالله قومي ....
تعالي معي للبيت ارجعي...
يمه
يمممه نسيت شئ ..
بقولك ترى بيتنا صار فاضي...
وكل اللي فيه أنا وأخواني ...
ليه وين أقاربنا ..؟؟
وين خالتي..؟؟
اللي كانت تجينا..
يممه قومي يالله تعالي
تكفين يالله تعالي...
ماودي ارجع لحالي ..
والله خايفة ..
ترى أمس جيتك..
مارديتي...
حسبتك نايمة...
أوأقولك ...
خلاص خلاص ..
أنا بجيك بكرة ..
إذاراحو الناس من هنا ...
تكفين يمة بكرة اصحي..
تكفين يمه ارجعي............
منقوووووووول

فديت حبيبي A 06-27-2011 08:46 AM

رد: يمه مريولي توسخ........
 
الله يانسيم على الخاطرة الحزينة
جعل ربي يبعد الحزن عن قلبك

والله يحفظ لي الغالية
اشتقت لها ودي افطر معها واسولف
بدق عليها اشوف تقدر تجيني او لآ

برب

العاااالي مستواها 06-27-2011 03:29 PM

رد: يمه مريولي توسخ........
 
رووووووووووووووووعه يالنسيم

بسمه وفا 06-27-2011 04:11 PM

رد: يمه مريولي توسخ........
 
ررروعة يعطيك الف عافيه

متفائلة دائما 06-27-2011 11:14 PM

رد: يمه مريولي توسخ........
 
قصيدة حلووووووة تسلمي

النسيم البارد 06-28-2011 05:41 AM

رد: يمه مريولي توسخ........
 
الله يسلمكم كلكم

مشكورين ع المرور

فليك 06-30-2011 05:18 AM

رد: يمه مريولي توسخ........
 
ماشالله عليكي
طرح رااائع بمعنى الكلمه

لاااعدمنااااك :)


الساعة الآن 04:27 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .