|
بنات البحرين د. سميرة مدن لمتابعة الحمل ؟؟
بنات حابة استفسر منكم وش رايكم في دكتورة سميرة مدن في متابعة الحمل .. اني صراحه ماني عارفة وين اتابع حملي لاني فقدت حملي مرتين بولادة مبكرة في الشهر السادس .. ودائما يكون وقتها عندي التهابات مهبلية بكتيرية وتحيرت ويا هالدكاترة شي يقولون ان الالتهابات سبب وشي يقولون لا ماتسبب ولادة مبكرة .. اني كنت اخر حمل لي اتابع عند دكتورة منى الشرقي للامانة هي شاطرة وكنت مرتاحه ليها واجد بالنسبة لاسعارها ومعاملتها ومافي زحمة تدشين بسرعه بس المشكلة لما اقول لها اني دائما التهابات وهي تسبب لي ولادة تقول لي لا ماتسوي واخرشي زادت علي و ولدت مبكر وهي للامانة تعطيني تحاميل يعني ماتهملني بس التهاباتي عسرة ماتروح بسهولة فلما اقول لها تقول مايصير اعطيش اكثر ولما رحت لها بعد مافقدت حملي قالت لي ماتسبب بس يبى لش المرة الجاية تظلين كلة مرقدة بالمستشفى على طول عشان تكونين تحت الملاحظة وماعجبني هالشي بالرغم ان معاملتها زينة ومتابعتها للحمل حلوة وفكرت ارد اراجعها بس اتذكر الي صادني واهون عموما ... اني فكرت في هالدكتورة كونها تشتغل في السلمانية عشان لو احتجت لترقيد اتابعني بس بعد ابغي اتاكد من شطارتها وجذي من تجاربكم .... وجم اسعارهاا وقريت رد وحدة تقول انها ماتصور الجنين عدل وتعطيش صورة كاملة ليه .... اتمنى القى ردود تطيب الخااطر |
رد: بنات البحرين د. سميرة مدن لمتابعة الحمل ؟؟
ياااااا عمرري الله يكون بعونج ويقويج ..
اني ما ادري الصراحه توني اراجع عند الدكتوره هدى في العسكري قبل لااا ابدا سالتهم بجم قالوا فتح ملف واول زياره ب 39 دينار وبعدين كل مره 15 ديناار قلت اووكي وبديت لاني مااا اعرف اي مكان ثالث مرااجعه الا تقول لي البنت 29 لو سمحتي قلتليها وحدي الله لشنووو ؟؟؟ الا تقوول انتي حامل ؟؟ قلت لاا قالت اوكي 15 يووووه ف بنفس اليووم لما دخلت عرفت اني حاامل كنت في الاسبوع الخامس المره الجاااي برجع وبقولها هذي الثاانيه بدفع 15 وما برجع للابد ببدا اروح السلمانيه لان اصلاا الدكتوره بالموت تتحجى تقول لي جلمتين او تطمني .. يالله قولوا تجاربكم في السلماانيه والله يوفقج ياا عمري ويتمم حملج اقرب وقت :) وصار لج اثنين في الجنه . |
رد: بنات البحرين د. سميرة مدن لمتابعة الحمل ؟؟
لافلي قيرل الصراحه الاسعار صدق مو طبيعية ليش جذي ..
بالنسبة للسلمانية المشكلة زحمة مو طبيعية يعني تروحين الصبببح الفاتح وماتخلصين الا الظهر حتى ناس تشوفينهم واقفين ماليهم مكان يقعدون هالحجي اقولة لش قبل 3 سنوات احين مادري بس هذا وضع الفاتح عشان جذي كلش شايلتنة من بالي .... الا اذا تبين الخاص غير مو زحمة بس تدفعين 10 ددينار كانة وعن الدكاترة ماعندي خبرة فيهم |
رد: بنات البحرين د. سميرة مدن لمتابعة الحمل ؟؟
انا مو من البحرين بس قريت قصتك وحبيت افيدك بشي...
لازم يشوفون حجم الرحم عندك احتمال يكون الرحم عندك كبير وهو السبب انك تجهضين بالخامس او السادس ولازم يسوون لك ربط رحم لما تحملين...... والالتهابات تسبب اجهاضات بالشهور الاولى << حسب علمي والله يرزقك يارب |
رد: بنات البحرين د. سميرة مدن لمتابعة الحمل ؟؟
مشكورة حبيبتي الملاك الحمل الثاني سويت ربط وهم ماالله اراد والله يسمع منج يارب
|
رد: بنات البحرين د. سميرة مدن لمتابعة الحمل ؟؟
يووووه االله يساعدش خيوو
ويش اقول لش اني للحين لاتابعت شي ولا شي بس انتظر اكمل الثالث قلت بروح الهلال للهنديه الا هناك وخاصه مستشفى الهلال قريب ليي قلت مره وحده بروح عن الالتهابات وعن نبض الجنين ماسويت ولا مره اني التهاباتي غير شكل الله يستر خوفتيني يارب يثبته لش ولييي ان شاءلله ولكل حامل يااااااارب اني التهاباتي خضرا ويعطوني تحاميل ولااستفيد مادري ويش اسوي مالينه الا الصبر وادا الله كاتب شي بيصير بشوف شبتقول ليي الهنديه لانه اني عندي الهنديه تفهم احسن والله يوم رحت ليها تاخرت في الحمال عطتني علاج قبل ماكملته حملت الحمدلله وان شاءلله خير لاتنسينه من دعاش خيووو وان شاءلله الله يثبته لش |
رد: بنات البحرين د. سميرة مدن لمتابعة الحمل ؟؟
اني يوم كنت حامل رحت لها مرتين
مرة الشهر الثاني نزل علي دم شوي و سوت لي تصوير وطلع كلش شيء اوكي ومرة ثانية عشان نعرف جنس الجنين في الشهر الرابع عمتي بعد عندها مشكلة في الرحم وكله تروح لها اني عمتي قالت لي عنها ,,,,كأني قلت قصة حياتي هههههه على العموم اني ماعجبتني واااجد عقب ماعرفت جنس البيبي قمت اقارن صور الاتراساوند ملي مع الغير حسيته مو كلش واضح وشعرها غالي شوي 25 دينار حق التصوير الله يقومش بالسلامة اتمنى افدتش |
رد: بنات البحرين د. سميرة مدن لمتابعة الحمل ؟؟
خيوو اروى يقيني لا تخافين ولاشي ان شالله مو شي خطير اذا فطريات عادي خب اني التهاباتي غير فيشن لحين ماشفت احد مثل معاناتي بس روحي اتاكدي افضل لش .....
والله يثبت لينا جميعا واذا الله كاتب مافي شر يرد كتبة رب العالمين حنين الماضي مشكورة حبيبتي ولله لحين متحيرة بينها وبين منى الشرقي انني عاجبتني منى الشرقي مادري ليش عندي شوي تخوف من سميرة وخصوصا الاسعار غالية الله يكتب اللي فيه الخير |
| الساعة الآن 02:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .