منتديات حوامل النسائية - نصيحتكم الله يوفقكم

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
انا عضوة جديدة عندكم واتمنى انكم ماتردوني وتفشلوني
انا لي سنة وشهرين متزوجة ولسى ماعندي اطفال المهم مشكلتي احس اني احيانا مااعرف اتعامل مع زوجي يعني زوجي طيب واخلاق ويصلي بس عندو اشياء ماايقولي هيا يعني يتعامل في حياتنا كانها حياتو لحالو يقرر لحالو وينفذ لحالو مايشاركني همومو واحزانو وكم مرة كلمتو واقوله انا زوجتك لازم زي مااشاركك فرحك اشاركك كل امور حياتك بس والله ولا كاني اتكلم يعني احيانا يجي البيت ويكون متضايق باين عليه والله مستحيل يقولي ايش فيه انا والله تعبت ولمن اسالو يقولي مافي شي تعبت وانا اكلمو وافهمو بس والله ولا كاني اتكلم ولا شي .. شي تاني يعني لمن تصير خلافات بينا مثلا ارسل له رسالة جوال والله مايرد لا على رسايل الخلافات ولا رسايل العتاب ولا شي ولمن اسالو ليش مارديت يقولي خلاص انا قريتها ... يعني اشياء كثيرة تتعب والله مستحيل يقتنع برأيي لو ايش ماصار واقوله ليش ينكر يقولي لا انا اقتنع يعني الشي اللي يحطو براسه مستحيل يغيرو لو اجلس اسبوع اقنعو مايقتنع اقوله كيف تبغى تامن على اولادك معايا بكرة ان شاء الله اذا جونا اطفال وانت رايي ماتقتنع فيه .. فيه كمان حاجة تانية يوعد ومايسوي الشي اللي وعدني فيه يعني عندو التسويف زي سلام عليكم وكم مرة اقوله لاتوعد اذا مانت قد الشي يقولي صادقة والله ولا شي يتغير .. صار قبل كذا موقف بس دحين ماينفع الكلام فيه لانو صار خلاص والله اني جلست اقنعو اسبوع يمكن والله ولاكاني اتكلم ولا شي ... زي دحين انا من قبل لااتزوج من فترة الخطوبة كلمني وقالي انو فيه اشياء في البيت مايقدر يكلمها عشان تكاليف الزواج وزي كذا وانا طبعا رضيت لانو قعد يقولي اوعدك مانكمل شهرين الا والبيت كامل طيب والله والله انو يماطل شوفو الشهرين صارت سنة وشهرين والله لسى ماكملت البيت ولمن اقوله انت تماطل يقولي لا والله مااماطل يتهيا لك المهم والله الاشياء اللي ناقصة يمكن تيجي لها ياتسعة الاف يا عشرة الاف تمام وهوا عارف داه الشي دحين جالو مبلغ عشرة الاف واقوله يللا نكمل البيت انا نفسي اكمل البيت قبل العيد وزي كذا والمبلغ موجود يعني ماراح اكلف عليك وانت لك اكثر من سنة واعدني ايش تتوقعو يقولي خلاص خليها لمن تولدي وبعد الاربعين والسابع نكمل البيت والله انقهرت وايش يقولي ماابغى اعطيكي العشرة كلها بعطيك بس خمسة عشان بدي امي خمسة تكمل اشياء في بيتها المشكلة امو ماشاء الله واحد من اولادها اعطاها 15الف وزوجي اعطاها 3الاف صارت 18 الف نفسي اقولو امك تقدر تكمل البيت بالمبلغ اللي عندها واخاف يزعل وانا كمان نفسي اكمل بيتي والله تعبت ماني عارفة كيف اتعامل معاه لاني عارفة انو ماراح يقتنع ايش اسوي يعني مو معقوله اجلس كمان سنة تانية والبيت ماكملتو والله تعبت وطفشت ساعدوني الله يسعدكم دلوني كيف اتعامل معاه انا اكبر وحدة في اخواتي يعني مااعندي اخت اكبر مني اقدر استشيرها وصعبة ادخل امي في نقاشات زي كذا وانا والله ماني عارفة كيف اتصرف انا ابغى اكمل البيت قبل العيد والملبغ موجود وكل شي ايش اسوي والله اني مقهورة ...