|
حمله لا للأستقدام من اندونسيا
وقف إرسال العمالة الإندونيسية للسعودية بدءاً من أغسطس
ذكر موقع "بي بي سي" في نسخته الإنجليزية، بأن إندونيسيا ستوقف إرسال العمالة الإندونيسية إلى السعودية بعد احتجاج جاكرتا على إعدام خادمة إندونيسية في السعودية دون إبلاغها بموعد تنفيذ الحكم. وأوضح مسؤول إندونيسي بأن قرار إرسال العمالة الإندونيسية للعمل في السعودية ينتظر أن يبدأ تطبيقه في الأول من شهر أغسطس المقبل، وسيتم تشديد الإجراءات في المطارات لمنع سفر العمالة إلى السعودية. وأضاف المسؤول بأنه سيتم نشر عدد من المسؤولين في المطارات الإندونيسية لتطبيق قرار المنع بشكل كامل على العمالة الإندونيسية إلى أن يتم توقيع اتفاقية جديدة بين البلدين يتم فيها حماية حقوق العمالة. وأشارت "بي بي سي" إلى أنه وفقاً لمسؤولين إندونيسيين، بأن السفير السعودي في جاكرتا اعتذر عن تنفيذ حكم الإعدام دون إبلاغ الجهات الدبلوماسية في إندونيسيا، مؤكداً أن ذلك لن يتكرر مجدداً، وذلك وفقاً لما نقلته "بي بي سي" عن مسؤولين إندونيسيين. وكانت إندونيسيا قد أوقفت في وقت سابق إرسال عمالتها إلى ماليزيا لمدة عامين بعد خلافات حول حقوق العمالة، وتم مؤخراً توقيع اتفاقية بين البلدين لحماية حقوق العمالة ليتم استئناف عملية إرسال العمالة الإندونيسية إلى ماليزيا. يذكر أنه من المقرر أن تجتمع اللجنة الوطنية للاستقدام مع اتحاد "اسما الإندونيسي" في منتصف شهر شعبان المقبل؛ لتحديد وضع الاستقدام من إندونيسيا بشكل نهائي، ويتوقع مناقشة وضع ضوابط جديدة لتصدير العمالة إلى المملكة وتطبيق التأمين على العمالة المنزلية لحفظ حقوق الطرفين السعودي والإندونيسي. يذكر أن حقوقيين إندونيسيين طالبوا بإلغام عقوبة الإعدام التي تنفذ في السعودية بحد السيف، والتي يواجهها حالياً 23 إندونيسياً من أصل 1,2 عامل في السعودية ، متهمين الرئيس وحكومته بأنهما لاتوفران حماية لمواطنيها العاملين في الخارج ومعظمهم من الخدم وعمال البناء. بدوره قال وزير الخارجية الإندونيسي مارتي ناتاليجاوا إن بلاده لا يمكنها أن تتدخل في العملية القانونية لبلد آخر لأنها رفضت بالمثل تدخلا من دول أخرى مثل أستراليا التي يواجه مواطنون لها عقوبة الإعدام في إندونيسيا. 6 مليارات خسائر إندونيسيا من حظر سفر عمالتها إلى المملكة الرياض: خالد الغربي، فارس النواف 2011-06-24 2:48 am توقع رئيس اللجنة الوطنية للاستقدام سعد البداح أن تخسر إندونيسيا نحو 6 مليارات ريال سنويا بسبب قرار منع عمالتها من السفر إلى المملكة الذي أعلنه الرئيس الإندونيسي سوسيلو يودويونو في جاكرتا أمس. وأضاف في تصريح إلى "الوطن" أن نحو مليون ونصف مليون أسرة إندونيسية سوف تفقد مصادر دخلها كنتيجة مباشرة لوقف إرسال العمالة. ووصف البداح قـرار الحكومة الإندونيسية بأنه خاص بهم، فيما أوضح أن المملكة لديها بدائل من عدة دول للاستقدام منها. من جانبه أكد مصدر في سفارة إندونيسيا بالرياض "فضل عدم ذكر اسمه"، أن قرار الرئيس الإندونيسي سيطبق بدءا من أول أغسطس المقبل، مشيرا إلى أن المنع سيستمر ما لم يوقع الطرفان اتفاقية مشتركة لوضع بنود عقد عمل لحماية حقوق الطرفين، صاحب العمل والعامل. وقال المصدر إن عودة الاستقدام مشروطة بتوقيع الاتفاقية بين وزارة العمل السعودية ونظيرتها الإندونيسية. وحاولت "الوطن" الاتصال بالسفير والقنصل الإندونيسيين، وتبين أن المسؤولين في السـفارة تم استدعاؤهم للعاصمة جاكـرتا. بنات نبي نظف البلد من ها الاشكال اللى ما عندها ذمه ولا ضمير |
رد: حمله لا للأستقدام من اندونسيا
اختي مشكورة على الموضوع
تنبيييه : ممنوع وضع اي رابط ارجو ان تعدلي موضوعك و تحذفي الرابط |
رد: حمله لا للأستقدام من اندونسيا
تصدقين اليوم وانا اقراء الخبر في الجريدة استغربت جدا من وقاحة رئيسهم واهل ديرته
يعني زعلان على اعدام شغالة مافي قلبها رحمة قتلت كفيلتها بدون سبب ومازعلت على الكفيلة اللي تيتمو عيالها00 مازعلو على المولود اللي سقته الشغالة الثانية سم في الحليب ومات مازعلو على مشاكل هروبهم والخساير اللي يتكبدها الكفيل من استقدام وانتظار وفي الاخير هروب واسفرها على حسابي وترجع مرة ثانية ماكن صار شي مازعلو على السحر اللي يسوونه عمالتهم فينا مازعلو على الزنا والدعارة كل هذي عندهم عادي وحق من حقوقهم بس ان احد عمالتهم يطبق فيها الشرع الاسلامي حرام وتطبيق سياستهم ولوي ذراع الاستقدام عندنا00 المفروض المنع يكون من عندنا مو منهم نهائيا حسبي الله ونعم الوكيل يسلمووو يالغلا |
رد: حمله لا للأستقدام من اندونسيا
فدديتج يا الغلا قلتى اللى بقلبي
وازيدك بعد ما ازعلوا ماعلى الشابيه اللى بشمال كنت الخادمه تتدخل عمال عليها واللى بغربيه طفله معاقه لا حول ولا قوه لها |
رد: حمله لا للأستقدام من اندونسيا
حسبي الله عليهم
الاندنوسيات بذات عليها مليون خط آحمر ماحد يآمن عليهم وياليت من الخليج كله ممنوع بس بتكلم عن نقطه بعد مهمه معقوله الجرائم الي صارت منهم من غير سبب؟؟ احيان الكفيل مافي قلبه رحمه تلقينها تشغلها 24 ساعه كآنها بهيمه ولا عندها رحمه ولا طاقة معينه لازم نشوف المشكله من جميع الجوانب عشان تنحل بطريقه افضل وانجح يعطيك الف عافية حبيبتي خالص تقديري |
رد: حمله لا للأستقدام من اندونسيا
والله انا اتفق تمامااااااااااا مع دافئة المشاعر وانا شايفة هالشي بعيوني مع شغالة ام زوجي
طوووووووووووول النهار كرف بيت وعيال صغار احفادها واخر الليل ينوموا الاطفال اللي بعمر اربع وست شهور معاها عشان بناتها مدرسات؟؟؟؟؟؟؟؟؟؟؟؟؟؟؟ طيب امانة حرام او لا ومن تصحى 5 الفجر فطور لكل واحد بموعد والغدا كل واحد بموعد يعني الرحمون يرحمهم الله والله لو انها مركبة موتور نرحمهم والله انا جبت شغالة الوالدة معاي ببيتي تساعدني قسم بالله الوالدة لين قبل اروح المطار تقولي نوميها بغرفة لحالها لاتصحيها لولدك لو اشتكت عليا والله اوريك ترى الشغالات الاندونسيين منعوهم خليها ترتاح واكليها حسيتها خايفة عليها اكتر مني وهي احمد لله ماشفنا منها شر صحيح مدللللللللللعة بس والله اهون من انها ساحرة او شي تاني غير انها شافت كرف شغالة ام زوجي تقول انا لو في هنا انا تاني يوم يبى يروح مكتب الواحد يذكر اللي له واللي عليه وبعدين قرار المنع صدر خلينا نكون واقعيين من بعد حادثتين التعذيب اللي من ضمنهم وحدة سيدة بالمدينة يعني لو هي ماهي كويسة خلااص من قبل تنتهي مدة التجربة ديها المكتب ليش التعذيب |
رد: حمله لا للأستقدام من اندونسيا
آوهـ ياروزا لو نجيب امثله ماراح نخلص عن الكفلى بعد مو مقصرين بتعذيبهم
لدرجه قبل فتره تحصلين بلقنوات ماده دعائيه توعيهم وتذكرهم برحمه للخادم ارحمو من في الارض يرحمكم من في السماء وعندنا بعد للاسف هشي لا واذا شافونك ترحميها شوفي الانتقادات ماتعرفين تربيها..!!؟؟ وتشوفين من تربيتهم كل شهر يغيرون خدامه قسسسم شي يقهر كل شي هزمن بلمقلوب <~ تفضفض لو هلخادم ارتاح ونظمتيه عدل شوفي العطاء الي راح يعطيه وحتى راح يكون امين عليك بس بنفس الوقت ماننسى نتابعه مو نعتمد عليه بكل شي ماتدرين بغيابك شتسوي لابد مع بعض الحرص والمراقبه خلصت ههههههه يازين الفضفضه hwaml7 |
رد: حمله لا للأستقدام من اندونسيا
(((لحظه)))
الدين المعامله الرسول صلى الله عليه وسلم ماقال للخادم لماذا فعلت هذا اولم تفعل هذا0 ********************** احنا من تقوم الوحده اوامر امسحي سوي فطورسوي الغداء قطعي نضفي وين الثوب ماكويتيه وين القهوه0 بصراحه لوحده منا كانت مكان الخدامه في غربه وفي فقر وفي تعب معنوي وجسدي ونفسي حتى وقت تصلي ماتحصل بالعكس بعض الحريم تقول صلي بعدين الا من رحم الله ***************** انا لاحظت من تجربتي معهم اذا عاملتيها بإحسان تفانت لك في الشغل بالعكس اذا قلت ارتاحي تقول لا ابي اكمل شغل لين اخلص اذا جاء وقت الراتب وارسلتيه لعيالها تنبسط وتدعي لك ولعيالك بانك فرحتيها وفرحتيهم اذا حصلك ضرف مثل ولاده مثلا صدقيني بتشيلك شيل وتخليك في قمممة الراحه لانك من البدايه عاملتيها بالطيبه والاحترام0 ما اقول دلعيها لا خليها تشتغل حسب طاقتها اذا جاتها الدوره جيبي لها اغراضها وخليها ترتاح وفري لها الملابس والاغراض الخاصه على حسابك صدقيني بتنبسط وتفرح انك تركتي راتبها لعيالها خاصه اذا كانو طلاب علم انتي بتصرفك هذا بتكونين كسبتي مرتين مره رضى ربي انك ما اخذتي تعبها وعطيتها راتبها والمره الثانيه انك رفعتي معنوياتها بتوفيرك لها كل شي على حسابك وبتكون ممنونه لك وبتقوم بخدمتك على اكمل وجهه0 ربي يعين عليهم وربي يعطينا خيرهم ويكفينا شرهم0 الف الف شكر على الموضوع الحماسي |
رد: حمله لا للأستقدام من اندونسيا
تسلمممو فديتكم على تفاعلكم
|
رد: حمله لا للأستقدام من اندونسيا
والله صحيح الكلام من الطرفين .. انا جبت خدامه لمده سنتين اعاملها مثل اختي والله تقول لي خليه انا اسويه وانا اقول لا ماعليش نتساعد
لدرجه عيالي حبوها وولدت وبنتي تموت فيها ويوم جات بتسافر قمت انا معاها نبكي لانها ماشافت شي يقهرهــا او يعذبها .. وانا الحين عندي 3 عيال وحامل بذمتكم احتاج ولا لا ..؟؟؟ وماعندي احد يساعدني على عيالي .. وانا حمالي يتعب والولاده اكثر واكثر اتعب فيها يعني اللي في حالتي محتاجه 2 خدامتين مو وحده .. انا مااشجع المنع بالعكس احنا بعد محتاجينهم والخدامه ماتسوي ولا تضر الشخص اللي يحسن لها .. مستحيل واسفه على الاطاله |
| الساعة الآن 08:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .