|
تجربتي الشخصية مع كلف الحمل
مساء الخيررررز حبيباتي
كيفكم...؟؟ أنا حابة أنقل تجربتي مع كلف الحمل وكيف راح بسسرعة في خلال تقريبا 20 يوم وأقصد بكلمة رآآح يعني رآآح نهائيا والله وجربتها وأنا بالنفاس وصدقوني والله لو ماشفت نتيجة مانزلتها لكم وهالطريقة للي تبي تجربها سواء كانت تعاني من كلف حمل أو أي سمار في جسمها المهم مالكم بالطويلة وش اللي تحتاجينه * إسكينول ليمون أو بابايا >>لأن كلهم يفتحون البشرة >> أنا أستخدمت ليمون *قطن *صابونة البابايا وطبعا في أنواع زينه وفي شينة وهذي صورة اللي أنا أستخدمها دايما http://forum.hwaml.com/imgcache2/hwa...766939_121.jpg *كريم ليوكريما بالبابايا لو بتقرون وش مكتوب على الكريم مو كتوب مفتح أو مبيض للبشرة بس مكتوب مغذي وأنا طحت عليه بالصدفة كنت رايحة للصيدلية أجيب حليب لولدي وجلست أتمشى فيها ولقيته وأخذته عشانه بالبابايا ويغذي البشرة ويناسب جميع أنواعها وفي الأخير طلع يفتح اللون وهذي صورته http://forum.hwaml.com/imgcache2/hwa...766939_115.jpg نجي للطريقة وأهم شيء فيها المواصلة يعني يوميا ومرتين باليوم طبعا أغسل وجهي ورقبتي بالبابايا يوميا قبل ماأنام >> هذا إذا نمت خخخ أهم شيء بالليل عاد أنتم بكيفكم اللي تبونه أهم شيء مره وحدة باليوم وإذا جاء الظهر مسحت وجهي ورقبتي وصدري بالإسكينول وبعدين أحط الكريم ونفس الشيء بالليل أمسح وأحط والله يابنات ماجاء تقريبا 3 أسابيع إلا مختفي الكلف اللي برقبتي وصدري ووجهي وصارو كلهم لون واحد بطني ماسويت له الطريقة لأني كنت لابسة مشد وماني رايقة أفك وألبس من جديد وإلى الآن سمار بطني ماراح خف شوي لكن باقي وبوضوح وهذي كل الطريقة مرررة سهلة ومايبي لها لاجهد ولا تاخذ وقت وراح نخلي موضوعي للي راح تجرب تجي وحط وش صار معها عشان تتأكدون من تجربتي |
رد: تجربتي الشخصية مع كلف الحمل
شكل ماحد صار له كلف حمل إلا أنا
خخخخخ الله يعين |
رد: تجربتي الشخصية مع كلف الحمل
مشكوره ياقلبي وربي انا متضايقه من كلف الحمل اللي عندي
انا لي خمس شهور من ولآدتي وعندي خطوط في جوآنبي ومضايقتني مراا .. وان شاء الله بجرب طريقتك يالغلآ واشوف وش يصير معي .. بس ياليت تقولين لنآ كل شي ويين آلقآه ووبكم سسعره ؟ وربي يعطيك العافيييه ومبرووك مآجبتي آلله يخليه لك يارب .. ويسعدك ياقلبي :) |
رد: تجربتي الشخصية مع كلف الحمل
الله يبارك في أيامك حبيبتي ويسعد قلبك يارب
عن الصابونة نفس اللي أنا حطيت صورتها آخذها من أسواق التميمي بـ10 ريال لكن في أنواع ثانية كويسة يعني مو شرط هذي بالذات زي اللي تكون مثلا 6x1 وبالحبوب السوداء والكريم سعره بـ22 ريال وتحصليه بالصيدلية لكن أنا دايم آخذه من صيدلية المسند وإذا بغيتي النتيجة ياقلبي لازم تستمري يوميا بدون إنقطاع ومرتين باليوم ويارب تشوفي النتيجة المرضية |
رد: تجربتي الشخصية مع كلف الحمل
روووووووووووووووعه
وبجربه يالغلااااااااااااااا يعطييييييييييييك العاااااااافيييييييييه لا عدمنااااااااااااااااك |
رد: تجربتي الشخصية مع كلف الحمل
تسلمين يالغالية عالإفادة
والله لايحرمنا منك |
رد: تجربتي الشخصية مع كلف الحمل
انا الكلف اللي جاني حبوب بنيه بكتفي قاااااهرررررررررتني
بجد من بعد الكوع طالعتلي حبوب صغار مبقعة لونها بني تنفع اجربها لانهم قالولي هذي كلف حمل رغم كنت احسب الكلف بالرقبة او البطن |
رد: تجربتي الشخصية مع كلف الحمل
نوووورتووووو حبيباتي
أسعدني مروركم روووز كلف الحمل يجي بكل الجسم إذا كانت بس آثار حبوب ولون يعني مافي حبوب طالعة أنصحك تجربيها لكن إذا في حبوب حطي عليها مرة منقوعة إلىين تروح بعدها جربي الطريقة |
رد: تجربتي الشخصية مع كلف الحمل
لا ياكل الحلى ماهي بكل الجسم بس الكل لاحظ وزوجي بقع بنية من اواخر الشهر التاسع بكتفي قلت هذي كلف وزي ماقلتي مافي حبوب بس بقع
مادري والله بس بجربها ويعطيك الف عافية |
رد: تجربتي الشخصية مع كلف الحمل
يعطيك العافيه يا حلى ...معقدني الكلف في خدي وان شاء الله اجرب
|
| الساعة الآن 10:43 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .