|
انساان ااتمنته على حياتي .. لكن ...
السلام عليكم ورحمة الله وبركاته
كيفكم بناات .. ابغى أستشيركم وافضفض لكم ... بما اني بهالقسم فالمتهم هو زوجي .. انا خلاص عرفت وغسلت يدي منه انه بيوم بيفهمني ... اغلب زعلاتي *عليه سببها توقيته السيئ ..* والحين اضن انه ما يبغاني ... عندنا مشاكل ومشاكلنا بسيطه *وصار لنا سنه متزوجين *وعندنا الحين بنت عمرها شهر ... مع ولادتي ببنتي زاد صبري .. وقمت افكر كيف ارضيه .. وتناقشنا واتفقنا بنبدا صفحه جديده مع رجعتي له .. باقي اسبوعين وارجع ... بس قبل اسبوع زعل علي وطنشني اسبوع كامل ما يرد على اتصالاتي .. ولا يدق علي .. هو بمنطقه بعيده بحكم عمله وانا عند اهلي نفاس .. ارسلي رساله ان سبب زعله إهمالي له من يوم تزوج وانه ما يحس انه متزوج الا في أشياء قليله .. واني سبب مرضه .. ومو مستعد يصبر زياده علي ... وقالي اذا ما كان عندك استعداد تتغيرين زي ما انا ابغى مو زي ما انتي تبغين انتي طالق بالثلاث وفكيني من شرك ... كذا فجاءه بدون اي سبب للزعل ..اكفيه شري ... اي شر .. انا انصدمت .. دام انه ما يبغاني ومو سعيد معاي ليش أصر اني احمل .. كيف بفهمكم واشرح لكم ..* فيه احد يطلق زوجته عشان ماصارت تقعده للدوام *باخر شهر حملها وهي نفاس .. ولا في احد يطلق زوجته لانها كانت تستحي منه ومو جريئه عشان تطلبه بالفراش .* ولا عشان التزيين والتجمل مع ان هذا الموضوع انحل باول شهور زواجنا جهلا مني اهملت هالناحيه بالبدايه .* * حاولت اتفاهم معاه ... وكل ما حز بخاطري كلامه وكبر براسي الطلاق طالعت بنتي .. وتذكرت حلمي ببيت سعيد واسرة متفاهمه .. المهم بالأخير تصالحنا ... وانا في نيتي ارضيه بكل شي يبغاه .. حفاظا على بيتي ... واذا كان مصير هالزواج ينتهي فا انا حاولت على الاقل ... بس هالانسان مات بقلبي ... هااالانسان تخلى عني باكثر الأوقات انا محتاجه له .. نسى أيامنا وعهودنا لبعض .. ونسى بنته .. رضى علي .. واخر كلامه هاذي اخر فرصه لك .. ممنوع ازعل وممنوع اعاتب وممنوع اغلط ..* لان ساعتها بكون خسرت فرصتي الاخيرة ..* المطلوب مني اهتم ببنتي وفيه وبالبيت على اكمل وجهه* مهما زعلني مهما جرحني بالكلام مهما ما راعى ظروفي ونفسيتي* كنت اعذره .. كل انسان يغلط ..* وكان يرجع يعتذر وكنت ابين له بايش*اخطئ واسامحه .. عمري مهما كبر الزعل لمحت بالطلاق وهو مع كل زعله يلمح .. وآخرها قالها لي صريحه .. ما بغيت احد يدخل من اهلي لانه بيطيح من عينهم .. بعد ما تفقنا مره ثانيه رجع يقولي حبيبتي وحياتي .. عرفت انها عنده مجرد كلمه بدون اي معنى لو لها معنى كان ما هنت عليه .. قولولي كيف ارجع .. كيف ارجع لحضن هالرجال . |
رد: انساان ااتمنته على حياتي .. لكن ...
أحس أنها أشيااء بسيطه ليه يكبرها للطلاق
ماافي أنساان معصوووووم عن الخطأ حتى الشيخ يغلط أنتي حاااولي قدر مااتقدرين تقعدين مع زوجك وتتفااهمون حااولي أنك تكسبين قلبه قولي له شلي تبيه مني بالضبط لوقال لج مابيك تغلطين بشي قولي له مستحيل أنساااان على وجه الأرض ماايغلط وموعلى سبب تااافهه تكبرها وتوصلها للطلاق قولي له حرااااااام تضيع طفله الي أهي بنتك وهي توها صغيره شنو ذنبها تنحرم من أبوها قولي له فكر فيها أهي ماتستاااهل شي حاولي أنك ترسلين له رسااايل حب وأشتيااق يمكن يحس فيك ويتغير واذا مااانفع معاااه حااااولي أنك تدخلين أهلك في الساالفة يمكن ينحرج ويفكر بكلامهم والله يسخر لك وهديه ياااااارب ويخليكم لبعض يااارب أسمحيلي طولت عليك |
رد: انساان ااتمنته على حياتي .. لكن ...
الله يهدي سركم حبيتي وعين العقل الي بتسوينه والرجال كلهم واحد بس الذكيه الي تعرف تكسب الرجال لان بصررررررررراحه الرجال يغار حتى من عياله حاولي تهتمي فيه اكثرلان القلبه عندهم بريييييييييييييييييييييييال
|
رد: انساان ااتمنته على حياتي .. لكن ...
وعليكم السلام ورحمة الله وبركاته
شوفي يأختي ،،،توكم متزوجين ،،، السنه الأولى من الزواج يكون فيها مشاكل بسبب عدم فهم الشريك الثاني على طول،، وعلى كذا صار فيها حمل ولاده ،، وزعلك كل شويه على أي شي ،،ماينفع كذا هو بياخذ فكره عنك ،، والبعد يقسي القلب ويزيد الجفاء ،، أتصلي عليه وحددي له يوم ،،يجي عندك وتفاهمو على كل شي ،، طبعآ خليه هو الي يبدأ باالكلام ولا تقاطعينه الين يخلص كلامه وكل شي عنده ،، ثم تكلمي أنتي وقولي كل شيء عندك ،، وقولي فتره الحمل والولاده تغير من نفسيات المرأه ،،وأنتبهي تقولين له أنت وأنت ،، لانه بيشيل في نفسه وبيعصب عليك ،، حاولي تنظمين وقتك ،،،شكل زوجك عاش فتره عزوبيه في شقاء،،،،ويوم تزوج يبي الراحه وكل شي جاهز له ،،يبي يحس أن أحد مهتم فيه ،، أنتي أصبري وتحملي ،،هي أمور بسيطه ومشاكل عاديه ،،،ولاتنسين إنكم توكم سنه أولى ،،،مع الوقت بتتعودين على تصرفاته ،،،وتوكلي على الله وأكثري من الدعاء وصلاة الليل،،، الله يهديكم ويوفقكم ،، |
رد: انساان ااتمنته على حياتي .. لكن ...
الله يصلح بينكم ان شاء الله
ويارب تعيشون احلى حياة سعيدة |
رد: انساان ااتمنته على حياتي .. لكن ...
انا بصراحه ودي اقوالك واحط عينك علا نقطه يمكن توافقيني بهااااااااااا
اللي هي الطلاق المفروض تقولين له انا كيف اعطيك واسوي لك وانا داخليا عند اي غلطه اقوم بها ادري ان مصيري الطلاق الحياه فيها مشاكل صح بس مو عند اي غلط يصيييييير الطلاق يعني المفروض ترسلين له قولي له ((((( انا بتغير مو مشان انها اخر فرصه لاااااا انا بتغير معك لاني احببببببببببببببببك وابي اكمل حياتي معك انت حبيبي وابو بنتي وانت ابيك مثلي ابي اذا غلطت غلاتي عندك تغفرلي وش العيب انك تتغاضى عنها لانك تحبني اما اذا غير هلكلاااااااااام فاسمح لاي كيف اعيش معك وانا بخوف من اي غلطه اسويهااااااااا تطلقني )))))))))))))) يعني الرجااااااال خوذيهم بالالكلام صدقيني ينفع شوي سووووووووووووري اذا طولت بكلامي واتمنى فهمتي قصدي والله حاسه فيك عشان كذا طلعت اللي براسي كله فيه رجال الله يهديهم يهددون بطلاق يدرون الحريم مايحبن هالشي ومايستغنن عن الرجال فهم ماخذين ومطبقين المثل ((((امسكه مع اليد اللي توجعه)))))) |
رد: انساان ااتمنته على حياتي .. لكن ...
المشاكل اللي بينكم عادية وتصير باي بيت حتى رسالته اكيد كان تعبااان ونفسيتة شينة ...
وواضح انه يكرة شي اسمة عتااااب ولوم وحساااب عشان كذا تحمملي انك ماتحاسبينة ولاتعاتبينةولااااشي لاطول فترة عشاان يشيل من باله فكرة انك نكدية واكشخخخي واهتمي بنفسسسك كثييير وخليك مرحه واضحكي وسولفي ولاتزعلين مهما سوى خليه يشوفك كاملة بكل شي وزي مايتمنى على قوولتة وقتها بيتغير اكيييد واذا ماتغير لحظتها اجلسي وتكلمي معاه وتفاهموا .. الله يسخرة لك انتي اهم شي لاتخلينه يححس انك تسوين كل هذذا عششانها اخر فرصه لك بالعكس خليه يتاكد انه من حبك ويلين وانا متاكدة انك لسا تحبينه بس مجرووحة وهو بعد جرحك لانة كان تعبان انسي كل اللي راح وابدي حياة جديدة وصفي نيتك تجاهه ليه ماتصدقينه اذا قال حبيبتي وحياتي , الرجال يحبون بس مايبينون ويخذلونا احيانا ... اللة يريح بالك ... |
رد: انساان ااتمنته على حياتي .. لكن ...
الله يعينك و يصبرك و يهدي ما بينكم يا رب
|
رد: انساان ااتمنته على حياتي .. لكن ...
شووفي انتي ع كذ1 بتجلسي ع اعصابك مثل المعلقه اي كلمه بدون قصد تفلت من لسانك راح
تطلقين واحس كذ1 صعبه العيشششششششه بس مثل مااقلتي البنت..صعبه تعيش بدون ابو بس بعد انا اشوف برضو صعبه العيشه معاه..يعني مهدده.. وانتي لاتوضحين له أنك ميته عليه لا ثقلي لإنه اذا شافك حيل متعلقه فيه راح يهددك ومن يبغي شي تسويه له واذا قلتي لي بقول ترى اطلقك..!! ربي ييسر امرك ولازم البدايه من الزواج تكون مشاكل وياليت عاد زوجك يتفهم الوضع وينسى الطلاق لإنه الطلاق مو شي سهل في تشتت وحرام بينكم طفله خلوها تعيش بينكم لاتحرمونها من احلى لحظات بطفولتها.. |
رد: انساان ااتمنته على حياتي .. لكن ...
الله يصبرك حبيبتي ويسخره لك
|
| الساعة الآن 10:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .