|
قولي ولا تستحين
السلام عليكم
مسائكم انوار اليوم وانا الاعب بنيتي الضعيره الذميله يالبى hwaml42hwaml64http://forum.hwaml.com/imgcache2/hwa...481076_594.gif جلست اتذكر طفولتي والفله الي كنت عايشتها المهم خطرررر ببالي موضوع وقلت اسدحه في المنتدى طبعا اكيد كل وحده فينا مرت عليها مواقف وهي صغيره سوت مشكله مع احد او ورطه انتي بلشتي فيها عمرك او اي موقف صار لك يعني الموضوع باختصار جريمه سويتيها وانتي صغيره وتصفقتي تصفيق او شوتوك تشويت اهلك او اخواتك او اي احدددد قووووولي ولا تستحين ترى احنا سترك وغطاك يارب تعجبكم الفكره |
رد: قولي ولا تستحين
ياربييييييييييييي معقولة ولاوحدهhwaml7 عندها موقف في ذاكرتها تتحفنا فيه ترى الموضوع مايتعدى الوناسه والفرفشه يالله خليني اشوف مواقفكم الجميله عشان اسدح لكم بعض من مواقفي هع هعhwaml7
|
رد: قولي ولا تستحين
يلا انا اقولك
كنت صغيرة في سن الروضه وماما كانت حامل وتتوحم على ايس كريم شكولاه وفانيليا المهم جا ابويا واشترى كرتونين صغار ايس كريم وحطاها في الثلاجة واحنا كنا نلعب مع عيال الجيران وماما كانت نايمه وماتدري انو مسويلها زوجها مفاجأه في الفريزر اذا صحيت ودخل نام معاها واحنا فكينا الثلاجة واخدنا الكراتين وطلعنا نوزع في الشارع ونبيع واخويا الكبير صدق نفسو وسار يبيع الحبة بريال وخلصنا ورحنا البقاله وقال اشترو الي تبغوه ورجعنا البيت مشالله وكل واحد معاه كيس اشكال والوان صحيو الحلوين وقالها غمضي عيونك بروح اجبلك شي تحبيه وراح مالقى ولا شي ههههههه ورجع يسألنا في ايس كريم الثلاجة فين راح سرنا نطالع في بعض وخايفين وقلنالو السالفه وهاتك ياعقاب شهر مافي مصروف ولا ناكل معاهم في سفرة وحدة ناكل في المطبخ مع الشغاله ولا نجلس معاهم اليييييييييين عرفنا ان الله حق وتوووووووبه قاطعنا الجيران كلهم مع الخوف ههههههههههههههههههههه |
رد: قولي ولا تستحين
ههههههههههه صراحه كرميلا ما الوم بابتك بالي عملوو فيكي انتي واخوكي
اختي اكبر من بسنتين وكنا بالصف السادس نتسابق مين يركب قداام فلما سمعنا اسمنا جرررري خرجنا وعباتي انقطعت من الجري وركبت سياره كنت بعلم بابا السالفه الا اشوف اني جالسه مع رجال لا والمشكله هندي واقوووم واجري لسيارتنا موقف لا احسسد عليه ومرره من المرات بابا اتفق مع اصحابو كل يوم جمعه تكون العزومه عنند احد وكانت على بابا داك اليووم وماما دكتوره ماترجع الا ساعه 4 العصر والرجال جاييين 2 الظهر وكنت مع الخدامه واختي دالييا نبخر وعاد حطيت شويي بخور والفحم طاح وتجي الخدامه تمسحوو وكنت بالمجامه وشعري مبهذل وراحت الشغاله مع داليا وانا كملت تبخيييير الا يدخلوو الرجال علي وانا ابخر ويشوفوني عاد كنت انطنط ( انقز ) عالكنب وابخر ولما شفتهم جريت واعطيت البخور واحد من الرجال وشردت لا والمصيبه نسيت الله يعزكم شبشب البيت بالمجلس والله فشيييييييله <~ لا تعلموو اححد يعطيكي العافيه غلاتي |
رد: قولي ولا تستحين
ههههههههههههه ياحليلنا وحنا صغار قمه البراءه خخخخخخخخخخخ
اني اتدكر يوم من الايام كانت امي مانعتني عن العب مع الجيران لان اغلبهم اولاد قامت قفلت باب الطريق عشان ما العب معهم طبعا ما يحلى اللعب الا في الشارع المهم هم استفقدوني وقاموا جوا لي عند الباب وقلت لهم ان امي مو راضيه قاموا نطوا من السور الي نط في الحوش والي تعلق فوق السور واني خااااااااااااايفه حدي اقول لهم روحوا لاتجي ماما مو راضيين وقمت العب معهم امي سمعتنا كان اقول ليهم روووحوا خلاص ماما جت وما لحقوا يروحوا وشافتهم ماما وطردتهم هههههههههههههههههههههههههههههه المشكله انهم كلللللللللهم اولاد وبعضهم كانوا يضربوني اهئ وعصبت علييي ماما وقالت لي قعدي جنبي ومافي حركه ههههههههههههههههههههههههههههههه |
رد: قولي ولا تستحين
ههههههههههههههههههههههههههههههههههههههههه
يالبى قلوبكم والله اثاريكم كنتم تحف وانتو صغااااار هع هعhwaml12hwaml02 بس والله كانت اياااااام حلووووووووه الله يذكرها بالخير وربي كنا فله مو عيال هالوقت <<اوخس يالعجوز هع هع hwaml43 اذكر وانا صغيرة بس مادري كم عمري يعني مادخلت المدرسه وعلى قولة رمش مايحلالي اللعب الامع العيال ياختي لعبهم فله وفيه مغامرات الموهم عجزت امي تخوفني وتضربني اني ما اطلع لا وكانت طلعتنا القايله بعز الظهر اذا امي قيلت خخخخخخخخخخ المهم قفلت الباب مرة وحدة وضمنت اني مو طالعه خلاص انا انتظرت الين نامت <<<شوفوا ذكاء الاطفال ومغامراتهم واتسحب من الغرفه لاننا كنا ننام مع امي ابوي مايجي الا العصر وارقى الدرج بشويش وعلى السطح ياسنايدي وسطحنا ذيك الايام ماله سور مو مرتفع فاهمين وفيه لمبه الشارع لازقه بجدار بيتنا وازحلق لكم على الماسورة واتلسعت فخوذي من الحرارة في الشمس بس الا اطلع العب مع عيال خاليhwaml31hwaml30 ابد مسحت ونفخت على رجولي ابردها شوي وكملت مشي لبيت خالي ولعبت ونسيت الدنيا وياحراااااااااام امي يوم قامت ومالقتني والبيبان مقفله على بالها ان الجن خطفوني او صارت مصيبه وتقعد تبكي وجري على بيت خالي تعلمه عني وهي تبكي يوم دقت الباب وفتحنا لها انا وعيال خالي ومن زين وجهي اضحك يوم شفت امي في هالمنظر قلبت الوانيhwaml93 واعتراني من الخوف والهم ماالله به عليم وامي ماقولكم عن اثار الصدمه على وجهها من فرحه بحياتي وشوفتي ومن غضب على اللي صار >>>اقولكم بالتفصيل وش سوت امي كان بالصاله مسجل نشغله ونرقص اول شي طرا على امي امسكتني وصارت تقرص في جسمي بكل مكان وخصوصا المنطقه الحساسه آآآآآآآآآآآآآآآي وبعدها سحبت سلك المسجل وضرب وضرب واللي يقرب من عيال خالي يساعدني تحطه معي وضربhwaml17hwaml49 الين صحى خالي وزوجته اللي هي عمتي اخت ابوي ويالله يالله انقذوني من موت محتم ويوم قالت لهم السالفه صاروا يناظروني بنص عين <<يعني تستاهلين ماجاك خخخخخخخخخخخخخخ وتحسبوني تبت صرت بعد يومين اطلع واتسحب مع نفس المكانhwaml02 الين امي يأست تمنعني عن عيال خالي هع هع واخيرا علمت ابوي لعله يعينها وابوي كنت دلوعته قال خليها تلعب لاتعقدينها <<<يالبيييييييييه يابيي الله يخليك لي امووووووووووووووهhwaml7hwaml86hwaml88hwaml92 وبث وش رايكم وما خفي من مواقف كان اعظم >> ياويل اللي ماتضحكhwaml4 hwaml11 دمتي لي ننتظر باقي المواقف من الباقين يتحفونا |
رد: قولي ولا تستحين
قويه ياقلب عايض
هههههههههههههه ذكرتيني بموقفي يوم كنت صغيرة كنت سنة أولى وكنت ألعب بوقت القايلة على قولتك بلبلكونة مع أخوي الصغير وأخذت علبة الحبر حق خواني الكبار ونلعب فيه المهم وبسور البلكونة كبيت الحبر ويالهوووووووي انكب على مدير العمارة كان تحتها بالضبط وجا على ملابسه وأنا ماكنت قاصدة ورحت ولاكأنه في شئ وبعد صلاة العصر أشوف ابوي وأخواني قالبين الدنيا عالبلكونة وتحقيق فينا مين اللي كب الحبر وشوفي التهزيء ههههههههههههه ومن بعدها صرت أخاف من هالمدير |
رد: قولي ولا تستحين
هههههههههههههههههههههههه
والله انكم تحف لما كنتو صغار الله يسعدكم يارب تقبلو مروري سوسه |
رد: قولي ولا تستحين
هههههههههههه وربي انكم قمممممممممممة في الخراب وابداع في التفكير عشان تنبسطواا
انا بقولكم موقف مع الدرجات كنت احب اركبها طبعا الكبيرة كفرتين مو حقت الصغار ابو ثلاث كفرات ولا فاتكم مالحق الدعاسه حقت الدراجه فااركب واخوي يدفني بسسسسسسرعه ولما تنزل تحت تبعد عن رجلي واطييييييييييييييييييييح احلا طيحه ههههههههههههه اي ارض تخطر ببالك طحت عليها سكه تراب صبه حجر اي شي لان تعرفوني طويلة ههههههه ويشوفوني ) هع هع امزح صغيرة ونحييييييييييفة وجسمي صغير زي النملة (((هههه قوية نملة ف ابوي الله يرحمه طفش من كثر مايوديني المستوصف اللي قريب يعالجني وكلهم صاروا يعرفوني واول مايشوفون ابوي داخل عليهم من الباب يجهزون العدة من غير مايتكلم بس سؤال واحد يسئلونه وين مكان الطيحه ههههههه وبعضهم يقولون سلامات الممرض ينتظرك هناك ومجهز العدة خخخخخ لانهم تعودوا علينا المهم ماصار يخليني اطلع العب برا فصرت انتظرة يروح وانا وراه واطلع الحارة العب لكن عقاب لي شوفوا ايش صاراخوي خربت دراجته ومعد العب بها وبطلتها فسبحان الله شكله بلاني بالدراجات في هذيك لايام لان وانا رايحه البقالة العصرية ((مايتكمل اليوم الا بروحه البقالة العصر او راجعة البيت من حلقة التحفيظ ارجع ابكي وجلدي مسلخ يقولون ركبتي الدراجه اقولهم لا وانا صادقه تدرون ليييش صار كذا.... لان ولا واااااااااااااحد في حارتنا معه دراجه الا صدمني هههه وهو مايدري خ خ خ راعي البقالة صدمني اللي يغسل السيارة صدمني واحد رايح الملعب بدراجه صدمني خاصه ولد جيراننا اسمه وجدي طفش من كثر مايصدمني واطيح وركبي ويداتي تتجرح خ خ تقولون ماتعور الصدمه صح الااا الموووووت وربي لان الحديد كان يجي بوجهي واطيح عالارض ويجون يشوفون ايش فيا اتركهم واروووح ركض البيت وابكييييييييي كثرت عليكم لكن الله يعينكم اقروها والا عدوها هههههههههه ووووووووشكرا ام ديما على الموضوع الروعه |
رد: قولي ولا تستحين
هههههههههههههههههه
والله مواقفكم تضضضضضضضضضضحك ياحبي لنا حنا وبرائتنا أذكر مرة وأنا عمري 5 سنوات >> فديتني كان وقتها عندنا عزيمة كبيرة مرررة وسمعت أمي تقول لابوي لاتعزم بيت الفلاني مانبيهم فكنا منهم ناس همج ومتخلفين وكلام كثير وأبوي طنشها وعزمهم وأنا كل كلامهم مسوية له تسجيل في راسي هههههههه المهم جو للعزيمة وكانت الحرمة وبناتها جالسين بالمجلس وفي حريم غيرهم ومعهم خواتي وأجيكم عاد أنا والسعادة تغمرني >> عندها علووووم تسسر خخخخخخخخ وأجي وبأعلي صوتي بالمجلس وأقول لهم شفتوا وش تقول عنكم وموجهة الكلام للأم>> من النذالة ههههههه عاد هي ماصدقت على الله خبر قالت وش تقول !!!! قلت تقول أنكم كذا وكذا كل الكلام اللي قالته أمي وخواتي كانوا فيه وأمي كان برا بالمطبخ ماتدري وش مهببه خخخخخخخخخ وتقوم وحدة من خواتي الكبار وتحط يدها على فمي وتطلعني وأنا مدري ليه سوت كذا >>> يقالك برئية ههههههه عاد الحرمة زعلت وقشت بناتها وراحو ومسكتهم أمي عند الباب وهي تصارخ تقول وين سعود>> ولدها بسرعة قولو له يجيب السيارة للباب بمشي وأمي تهدي فيها وهي تصارخ وتتكلم وتسب والله ماعتب بيتكم عاد راحت هي وبشكتها والله لايوريكم ذاك اليوم صرت على ألوان أمي نتفت جلدي تنتيف وأبوي هاوشني وأخواني وخواتي >> ياعمري مسكينة إلين جاني مغص نفسي بغيت والله أنتحر حسيت بالنبذ الأسري والإجتماعي وبعد هالموقف حررررررررررررررررررررررررررررررررررررررررمت أعلم وإلا أنقل حكي حتى لو أشوف أحد يموت قدامي ماتكلمت >> تستاهلين هههههههههههههههههههههههه ويعطيك العافية ياقمممر على الموووضوع الحلووو |
| الساعة الآن 07:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .