منتديات حوامل النسائية - مخنوقة وحابة افضفض الكم

منتديات حوامل النسائية (https://naqatube.com/index.php)

- منتدى أنواع الحمل (https://naqatube.com/forumdisplay.php?f=32)

- - مخنوقة وحابة افضفض الكم (https://naqatube.com/showthread.php?t=61857)

مخنوقة وحابة افضفض الكم

السلام عليكم ورحمة الله وبركاته
كيفكم حبيباتي
بصراحة انا مدايقة وحابة افضفض الكم
انا بطلت اعرف حالي حامل ولا لأ
انا اخر دورة كانت عندي في 21/4/2011 وفحصت حمل بالدم في 27/5/2011 وكانت النتيجة موجب وبعد ما فحصت بيوم نزل عليه افراز لونه زهري مع نقطة دم صغييييييييييرة كتير ورحت على الدكتورة بتاريخ 30/5/2011 مشان اطمن على وضعي صورتني صورة تلفزيون بس ما كان ظاهر غير كيس صغيييييييييييييييييير كتير دوبها شافته وحكتلي اعمل تحليل حمل بالارقام وعملت وطلع 2427.69 واتصلت عليها وحكتلي مبروك حملك ممتاز وتعاليلي بعد اسبوعين طبعا حكتلي لازم اخد المثبت والفولك اسيد وزيت سمك
واستمريت عليهم وقبل ما اروح على الدكتورة بثلاث ايام خلص المثبت وما اخدته وقبل ما اروح عليها كمان نزل عليه افرازات لونها زهر ودم فاتح خوفت كتير ورحت على الدكتورة بتاريخ 13/6/2011 وفحصتني بالتلفزيون وحكتلي هي الكيس ظهر على طول بس لسه مافي نبض تعالي كمان اسبوع واستمري على المثبت وبنفس اليوم بعد ما روحت على البيت من الدوام نزل مني نقطة دم حمره بس مش غامقة ادايقت كتير وصار معي مغص ببطني ووجع بظهري بس مش كتير وصرت اعيط زوجي حزن عليه واخدني على دكتورة تانية الدكتورة لما فحصتني حكتلي الكيس فاضي مافي شي وهاد لازم ينزل خلال الاسبوعين الجاييين وبتراجعيني بعد اسبوعين سواء نزل ولا لأ وحكتلي وقفي المثبت لانه ازا استمريتني مش هنيزل الكيس ويمكن يجيكي جنين مشوه خوفتني كتير وصرت اعيط ولما روحت اتصلت على دكتورتي الي رحت عليها بالاول حكتلي ما تقلقي ما توقفي المثبت وتعالي الاسبوع الجاي
بس انا قلقانه ليه هيك بسير معي مع انه بنزل مني افرازات زهرية ودم فاتح
ادعولي يابنات
مين صار معها هيك
الله يخليكم تردوا عليه