|
بعد 11 يوم من الارجاع نزل دم ؟ وش تتوقعون يصير فيني؟
السلام عليكم بنات
انتو تعرفون اني سويت انابيب ونتيجتي بعد 3 ايام اليوم اول ماقمت حسيت بالم الدوره ورحت بسرعه للحمام وانتو بكرامه وغمضت عيوني بقو وقلب يرجف رحت اجوف لقيت 23 نقاط دم خفيفه تحطمت وايد وبعدها بدا الدم بالنزول على خفيف لين المغرب نزلت دفعه اكثر شوي انا في بيت ابوي على اساس ارتاح وكذا ماقدرت اتحمل الصدمه فاتصلت بريلي وبلغته ان الدوره جتني ولكم حرية التفكير في ردة فعل زوجي المسكين المهم خبرته يجيني يطلعني لاني كنت مخنوقه جاني فديته على العشا وطلعنا نمشي بدون مانعرف الوجهه مثل الضايعين نستغفر ونتحمد الله اشوي الايقولي يللا للمستشفى تفحصين دم نتاكد اقوله دوره يا ولد الحلال لاتعبني يقولي نتاكد احسن يمكن مثل المره اللي طافت دم وعقب حللتي وطلعتي حامل اقوله يا حبيبي هذيك المره دم خفيف مب مثل هذا يقولي معليه نتاكد ماراح نخسر شي المهم رحت بعد طول نقاش ودخلت للدكتوره وقالتلي بكل تفاهه مانقدر نسويلج شي حتى لو طلعتي حامل مانقدر نوقف الدم؟ يا هل ترى هالكلام صحيح؟ لان المره اللي طافت قالولي كذا وانا كنت حامل وماكملت شهر ونص الا وانا مسقطه والحين تقولي صبري ليوم تحليلج وتعالي حللي وجوفي قلتلها ابي احلل الحين قالتلي لا ماتقدر لاني مب ايرجنت سيخت نفسي انا ابي افحص هي وش دخلها؟ طلعت مثل ماجيت وزوجي متامل بشعره من امل ومتعلق بهالقشه ولحد الحين تنزل شوي شوي وش رايكم انطر واروح احلل والا خلاص احتسب اكري لله وطقع؟ وبعدين صج الدم مايقدرون يوقفونه؟ ومن نزل لها دم غزير مب خفيف وحللت وطلعت حامل وكانت متاكده انها مب حامل؟ امانه اذا في وحده بمثل حالتي تكتبلي ولا تكسل الله يجزاكم خير كلكم كنت اتمنى ادخل يوم الخميس واكتبلكم اني حامل ولكن.... قدر الله وماشاء فعل ومشكورين كلكم |
رد: بعد 11 يوم من الارجاع نزل دم ؟ وش تتوقعون يصير فيني؟
طيب روحي حللي بمختبر ثاني حبيبتي
الله يثبت أجنتك يارب |
رد: بعد 11 يوم من الارجاع نزل دم ؟ وش تتوقعون يصير فيني؟
ان شاء الله تكونين حامل وربي يثبت أجنتك يا الغلا والله عورني قلبي عليج ربي يرزقج الحمل وصبري واحتسبي اذا في حالة رجعولج أكثر من جنين احتمال ينزل جنين والبقية يثبتون باذن الله انا ما أعرف بهاي الامور بس أعرف ثنتين كانوا حوامل طبيعي بتوم وارادة الله سبحانه وتعالى نزل واحد وبقالهم واحد وعسى ربي يرزقج وتبشرينا بحملج في القريب العاجل
|
رد: بعد 11 يوم من الارجاع نزل دم ؟ وش تتوقعون يصير فيني؟
صراااااااااااااحه مررررررررررررة ضايقتيني عليش
كنت اقول يارب يثبت الحمل بس الحمد لله على كل حال قدر الله وماشاء فعل اجرش على الله |
رد: بعد 11 يوم من الارجاع نزل دم ؟ وش تتوقعون يصير فيني؟
مش عارفة اقولك اية
انا سويت الحقن مرتين والدكتور بيقول لو نزل الدم قبل ال14 يوم يبقى العملية مانجحدش ودية دورة اما اذا تاخرت لمدة 14 يوم يبقى ان شاء الله حمل. احمدى ربنا على كل شىء وان شاء الله يرزقق خير وتكونى حامل ولو ماحصلش حمل احمدى ربنا فعسى ان تكرهوا شىء وهو خير لكم انا عملت حقن مرتين والمرتين ولد فى السادس ومات ولادى وما ادراكى صعوبة الامر ربنا يعوض عالينا جميعا ويرزقنا بالحمل السليم المعافى يا رب ويقر اعينا بأولدنا يا رب |
رد: بعد 11 يوم من الارجاع نزل دم ؟ وش تتوقعون يصير فيني؟
طيب حللي وبعدين قرري هل فيه احد يعلم الغيب يااختي .. ممكن يكون في حمل وممكن لا ولو كان في حمل ممكن ابر تثبيت وراحه واللي الله كاتبة بيصير انتي عليج تسوين اللي تقدرين عليه لا تياسين حبيبتي
|
رد: بعد 11 يوم من الارجاع نزل دم ؟ وش تتوقعون يصير فيني؟
الله يسهل عليش
صار لي نفس حالتك بالضبط وبالنهايه بس وقفت المثبتتات نزلت الدورة طبيعي الله يعوض علينا يارب |
رد: بعد 11 يوم من الارجاع نزل دم ؟ وش تتوقعون يصير فيني؟
ربنا يرزقك يارب
|
| الساعة الآن 06:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .