منتديات حوامل النسائية

منتديات حوامل النسائية (https://naqatube.com/index.php)
-   منتدى الحياة الأسرية والزوجية (https://naqatube.com/forumdisplay.php?f=61)
-   -   بناااات ايش اسوي في هذي المشكله (https://naqatube.com/showthread.php?t=60229)

العاااالي مستواها 06-03-2011 03:52 AM

بناااات ايش اسوي في هذي المشكله
 
السلام عليكم ورحمة الله وبركاته

وربي ماني عارفه كيف ابداء اعز صديقه هي صديقه بمعنى الكلمه

اليوم زوجها تملك على بنت عمه وما علمها ولا طق لها خبر كلمتها وحده وقالت لها ياربي يامنى توقعت ان كل الناس يعرسون الا زوجك ماتخيلت انه ياخذ وحده عليك
منى ردت فعلها انها سكره الجوال في وجهه الحرمه وكلمت زوجها قالت ايش الخبر الي جاني هو صدق
تخيلو اش كان رده عليها ايه وين المشكله تزوجة بنت عمي وقفل الجوال في وجها
هي انهارت وبكت لونه مات يمكن ماتبكي مثل اليوم
عندها 4عيال منه بنتين ولدين مثل القمريجنون ماشاءالله
وربي ماهو مدح لها بس هي غير في كل شي جمال واخلاق وطباخه ماهره وتراعيه في كل ضروفه وصبرت على فقره يوم تغانى تزوج عليها
بنات حتى في فراشه من اروع الحريم وربي انها عندي السبوع الي راح وقال تجهزو جاي بموت عليك خلصي وربي انه وصل باب الشارع وهي قدامه تبي ترضيه
هذي اخرت العشره
هي قالت لي لونه علمني بالموضوع كان هانت عندي بس كذا تعتبر خيانه

ااااااااااااااااااه يابنات قلبي محرووق عليها وربي اني ابكي من بكاها عليه الله يسلط على كل رجال خبيث وخاين

om roro 06-03-2011 04:16 AM

رد: بناااات ايش اسوي في هذي المشكله
 
والله ماادري وش اقولك ياقلبي لكن الرجااااااااال ماااالهم امان ماادري
ليه تجي قلباتهم فجأه انا عن نفسي زوجي تغير علي 180 درجه بين يوم وليله
وش السبب والله مادري الله يصلحهم لاتظيق عمرها عشانه وتفكر في نفسها
وعيالها وتعيش حياتها وتسحب عليه اللي مثله حتى الدموع خساره فيهم

العاااالي مستواها 06-03-2011 04:22 AM

رد: بناااات ايش اسوي في هذي المشكله
 
تكفين يا ام رور ماقطع قلبي غير حبها له وبكاها عليه

!راما! 06-03-2011 04:33 AM

رد: بناااات ايش اسوي في هذي المشكله
 
حسبي لله ونعم الوكيل
ولله مدري وش اقول كل الرجال كذا مافي رجال صادق في حبه انا من رئي تنسي ان متزوجه تعيش حياته طبيعيه
يعني هي تفكر انه بيعيش حيات سعيده لا وربي لا هاذي خيانه بشريها انه هي الي بتفوز اخر شي
ولله لايجي عنده زي النووونو
ماله غير الصبر بس
لله يكون في عونه

العاااالي مستواها 06-03-2011 05:05 AM

رد: بناااات ايش اسوي في هذي المشكله
 
تسلمين راما وربي حتى النوم جفاني علشانها

**سماسم** 06-03-2011 05:30 AM

رد: بناااات ايش اسوي في هذي المشكله
 
يالغاليه هدي رفيجتج وقولي لها لاتقهر روحها على شيء مايستاهل تزوج خلاص الله يهني سعيد بسعيده تروح أهي تنتبه لحالها وتعيش حياتها الحياة ماتوقفت على زواجه وماتدري يمكن بهذا الزواج ربي كاتب لها خيره بإذن الله ..
بنت عمتي كان زوجها مستحيل يخليها تطلع براء الباب والأسواق هذي تسمع فيها لاكن ماتروح لها وأهلها فقط سبوع أكثر شيء حتى تجلس عندهم ودراسه ماخلاها تكمل فجاءه وبدون مقدمات تزوج زوجها عليها ولاء الزوجه معاها شهاده جامعيه وبنت عمتي حتى الإعدادي ماكملته زعلت وبكت وكان كلمت عمتي لها خيره وأنا أمج إن شاء الله خيره .. بعد زواجه صارت تطلع للأسواق الملاهي مايقول لها لاء مثل قبل تقعد عند أهلها الوقت إلي تبي وشوي شوي صارت تتصيف كل سنه خارج البلاد أهي وأولادها والحين تقولنا تدرون توني توني أشوف الدنيا وماشفتها إلا لمن تزوج والمضحك أنها لاسافرت وسألها زوجها كم بتقعدون تقول بقعد الوقت إلي أبي وأنت الحمد الله تاركتك بين أيادي أمينه.. فسبحان الله شوفي ربي كتب لها من زواج زوجها خيره وفرج ..
الحين يالعالي رفيجتج بحاجه لج لاتبكين عليها روحي لها وسانديها وهم شيء يكون لها بيت بروحها مستقل عن ضرتها حتى تبتعد عن المشاكل..
وربي يفرجها إن شاء الله لها ويسخر لها زوجها

العاااالي مستواها 06-03-2011 05:43 AM

رد: بناااات ايش اسوي في هذي المشكله
 
مشكوره سماسم انا مجربه الزواج الثاني بس قلبي قوي بس هي مررره انصدمت من موقفه معها



انا زوجي تزوج علي ثلاث مرااات وربي ما قطرة دمعتي عليه قدام احد
ما اقول ما احبه بس خلاص الرجال اذا تزوج وحده غيرك تعافينه بعدها ايش انا ما قصرت في شي وهو فكر كل النسوان مثلي طلقهم كلهم ورجع لنا
وكان نفس زوج بنت عمتك بس اللحين ربي فرجها كل شي على كيفي وهو صار عندي عادي يجي متى يبي ويرووح متى يبي

**سماسم** 06-03-2011 06:01 AM

رد: بناااات ايش اسوي في هذي المشكله
 
تدرين جدتي الحين شتقولي لمن قلت لها الموضوع تقول الوحده ماتزعل وتضايق عمرها على شان رجال وأهم شيء تصير ضد الصدمات وماتفرح حسادها عليها ( وقالت قصه لاكن طويله بعض الشيء وبتاخذ وقت ) ..
وجد أقولها الله يعين رفيجتج أهو جرحها ولا رد لها أي أعتبار وإن شاء الله ربي يقوي قلبها ويفرجها لها وتعدي على خير ..

خلوني على صبري 06-03-2011 06:56 AM

رد: بناااات ايش اسوي في هذي المشكله
 
ياالعالي قولي لصديقتك هو مامات هو تزوج وهذا حقه مثل ماهو حق عليها نفسها ليش تبكي عليه وهو اصلا مافكر فيها ولا بكاء عليها ولا عملها حساب اول شي ماعلمها بلزواج وخلاها تدري من الناس وهذا اصعب من موقف الزواج نفسه وثاني شى رده القوي بدل مايقول لها في التلفون اجي البيت ونتفاهم يقولهاايه صح بنت عمي وش فيها اعوذ بلله من قساوة قلبه قوليلها مااااااااااااااااااااينبكي عليه ولا يستاهل قطره من دموعك عيشي لنفسك ولعيالك وهو خليه اخر اهتمامك بيعيه مثل ماباعك يعني لاتعطيه اكثر من حجمه عامليه بما يرضى الله واعطيه حقوقه بس خليها تشرط بيت لحالها ورضوه معتبره الله يكون بعونها حاسه فيها hwaml78

ملكة المشاعر 06-03-2011 06:56 AM

رد: بناااات ايش اسوي في هذي المشكله
 
حسبي الله ونعم الوكيل

لاتزعل نفسها ان شاء الله يكون زوجو خيره لها

والله الرجال مالهم امان اهم شي لاتحرق عصبها على واحد مايستهالها

من جد قهرتيني عليها


الساعة الآن 12:33 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .