|
بنات شوروا علي
السلام عليكم ورحمة الله وبركاته
بنات ابقولكم شيءانا زوجي مسكني مع اهله وهو يشتغل في مدينه ثانيه مايقدر يستأجر وانا ساكنة معهم لي غرفة فقط وكرهت العيش معهم بالاخص لما يروح زوجي لدوامه....... وتصدقون ان المطبخ فاضي من الاكل لما مايكون زوجي مو موجود خصوصا انا حامل ولازم اكل هم ياكلون دايما من برا اخوهم (اللي هو أخو زوجي)يجيبهم اكل الصبح والعشاء وتصدقون ان امه تكلمه وتقوله زوجتك ماتاكل طيب انا وش اكل المطبخ مافيه شيء مافيه الا رز ومن عقلكم باكل رز صبح وغدا وعشا وتكلم امه وتقوله حرمتك ماتطلع من غرفتها دايم بغرفتها وانا كيف اطلع واخوهم جالس معهم بالصاله والله ان دايم قاعدة ابكي بالليل بنات بالله ردوا علي |
رد: بنات شوروا علي
يااختي ليه ماتقولي لزوجك
ليش ساكته اشكي لزوجك وقولي هالكلام اللي كتبتيه له هو بس باسلوب مو تتهجمين |
رد: بنات شوروا علي
انا قلت لزوجي بس يقول أصبر أنا احاول انقل شغلي هنا ونسكن في بيت لحالنا بس اهله مايبونه يطلع من البيت
|
رد: بنات شوروا علي
الله يساعدج حبيبتي
انتي قولي حق ريلج وهو يتصرف وجووف لج حل ولا كلمي ام ريلج قولي لها وان شاء الله تتفهم موقفج الله يصبرج حبيبتي ويفرج همج |
رد: بنات شوروا علي
يااختي دام زوجك قالك تصبري عليه
اجل مالك الا تصبرين معاه دام ناوي ينقل لعندك وتطلعو ببيت لوحدكم واذا على اهله يحلها الف حلال بيقتنعون واذا على مشكلتك خلي زوجك يطلع ويجيب لك اللي تحاتجيه من اكل وو الخ وحطيه عندك بغرفتك ,, ولا اشتري لك ثلاجه صغيره والله يعين |
رد: بنات شوروا علي
شوفي ياقلبي اسمعي مني ماراح تندمي ان شاء الله
جيبي بغرفتك غلاية موية كهربا وثلاجة صغيرة حطي فيها فواكة وخضار تفيدك بحملك وحليب واجبان .. وقضي لنفسك اللي ودك وخليه بغرفتك والله لا يحوجك لاحد يارب .. انا جاتني فترة عشت مع اهلو وكانت هذي طريقتي ولا افتح باب غرفتي الا بالنادر وجبت تلفزيون اسلي نفسي .. جربي وشوفي بترتاحي .. الله يفرج همك يارب |
رد: بنات شوروا علي
حبيبتى حتا انا اسكن مع اهله بس اهو بنالى
غرفه وحمام اكرمكم الله فى الحوش لو معكم حوش خليه يبنيلد غرفه وحمام ومطبخ تحضيرى زوجى يقول لى لو تحملى رح ابنيلج كمان صله ومطبخ تحضيرى والحمدلله ارتحت واااااايد اشتريلى الى ابااااه وحطه فى الثلجه ها الثلجه صغيروووووووووونه http://forum.hwaml.com/imgcache2/hwa...951685_794.jpg |
رد: بنات شوروا علي
اختي اشتري لك ثلاجه صغييره وعبيها عصيرات وفواكه وخضااار
وخلي عندك بالغرفه غلايه موويه صغيره والة الخبز الصغيره تحمي فيها الخبز وحطي الك درج صغير بغرفتك وعبيه شبسات وشوكلاته ومكسرات وكل اللي نفسك فيه وحطي علبه صغيره فيها سكر ولبتون مشان تصلحي الك شاي او حليب بغرفتك زوجك قبل يروح لشغله روحي انتي وهووو لبنده وخذي اغراضك واذا ع الغداء او العشاء اطلبي لك من المطعم اي شي مشتهيته عاد اهم شششششششششي تاكلي |
رد: بنات شوروا علي
ياحياتي سوي مثل ماقالو لك البنآآت جيبي اللي تحتاجيه ولا تقعدي جيعانه انتي الحين محتاجه تتغذين عشان اللي في بطنك واصبري على زوجك ولازم تتفاهمو ويلقى حل يرضيك انتي ماراح تقعدي طول حياتك في هالغرفه لازم يحط في باله انه فيه بيبي جاي في الطريق ومستحيل تقعدي في هالغرفه طول حياتك لازم يفهم اهله هالشي والله يوفق بينكم ان شاءالله ويسهل اموركم ....
|
رد: بنات شوروا علي
كم يوم يجلس زوجك بدوام ،،
طيب ليش ماتخلينه يقضي لثلاجه حقت المطبخ ،،كل شي ،،ويجيب أغراض المطبخ الناقصه ،،وأنتي اطبخي الي تبينه ،،موشرط انك تجلسين تناظرين فيهم كذا ،، أنتي معهم من ضمن البيت ،،شجعيهم على الطبخ مثال الغدا او العشاء قولي وشرايكم نطبخ اليوم مكرونه بالبشاميل ـ أو شربه أو خضار أو مصقع أي شي ،، أنتم يالحريم أكلو سواء واأخو زوجك ياكل لحاله أو تروح أمه تاكل معه ،، يعني الوجبه الاساسيه تكونون مع بعض على السفره،،، وأخذي في غرفتك خافيف ــ لانها بتطلع كأنها مطبخ ،،وبتطفشين ،،وهي غرفه بس ،، موب حلوة الحركه هاذي مررره ،،أنك تاكلي بغرفتك وهم لحالهم ،، كيف تطبخي لزوجك كل شي بييه ،،، وخاصه لاجاء من برى ،، عادي خليك شوي جريئه وخاصه اذا زوجك هو الي جايب كل شي للمطبخ ،، أنتي بادري بطرق تخليهم يحبون الطبخ وتاكلون سواء ،،،بكره بيجيك طفل ومالك الى المطبخ الاساسي ،،وبيطلع من الغرفه وانتي ورااه في كل مكان ،،، وأذا اهلك قريب منك وفي نفس المدينه روحي لهم كم يووم ،،تغيير جو ،، |
| الساعة الآن 04:14 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .