|
الأشياء الي ما تشملها التخفيضات !! سوالف
السلام عليكم ورحمة الله وبركاته, هلا خواتي الحوامل شخباركم ؟ الله يسهل علينا وعليكم ونقوم كلنا بالسلامة إن شاء الله اليوم دخلت الشهر السابع وما جهزت ولا شي غير هالسرير الي بحطه في بيت أهلي وشريته من إيكيا بـ 495ريال والمرتبه بـ 445 ريال وشريت له زي المفرش الصغير تحته عشان يمنع التسريب بـ 119 ريال http://forum.hwaml.com/imgcache2/hwa...921163_571.jpg والحين جا دور الصعب وما أعرف من وين أبتدي !! أنا كتبت الأغراض من كذا موضوع من المنتدى في ورقة بس أنتظر التخفيضات تصير نهاية هالشهر إن شاء الله أو بداية شهر 7 بالأنجليزي والحمدلله خواتي وأمي ساعدوني في كتابة الأغراض بالعدد وبالمقاس بس حابة أعرف منكم وش الأشياء الله ما تصير عليها تخفيضات وأقدر أشتريها الحين قبل ما تصير الفوضى في التخفيضات ؟؟ في هالماركات مامز بابز - كارترز - أوركسترا - مذركير - أدمز - نكست أوكادي - تاب ألويا س1 / غير هالماركات شنو فيه ماركات راقية وأسعارها حلوه للأطفال !! س2 / شنو الأشياء الي ما تصير عليها تخفيضات !! المدسات تصير عليها تخفيضات أو لأ ؟؟ الأسره في مذركير تصير عليها تخفيضات أو لأ ؟؟ علب حفظ الحليب وجهاز الشفط والرضاعات وجهاز التعقيم تصير عليها تخفيضات أو لأ ؟؟ والمناشف والبطانيات والمفرش الكامل حق سرير البيبي تصير عليها تخفيضات أو لأ ؟؟ مقعد السيارة حق الطفل من مذركير والعربة للسوق والهزازة للبيت تصير عليهم تخفيضات أو لأ ؟؟ ساعدوني بالي تعرفوه وش الأشياء الي ما تصير عليها تخفيضات ؟؟ أختكم في الله / أم فاضل |
رد: الأشياء الي ما تشملها التخفيضات !! سوالف
اهلا اختي
الله يقومك بالسلامه ويسهل عليك اللحين فيه تخفيضات في سنتربوينت وستي ماكس ونكست وكلها فيها للمواليد موفقه حبيبتي |
رد: الأشياء الي ما تشملها التخفيضات !! سوالف
إن شاء الله بروح بكره الخميس الصباح سنتر بوينت وبشتري كم شغلة عجبوني سيتي ماكس ولا مره رحت له, الأشياء الي فيه حلوه وقماشها زين أو لأ ؟؟ نكست تخفيضات كم بـ % فيه في فرع الظهران مول تخفيض أو لأ ؟ أنا من الشرقية أخواتي |
رد: الأشياء الي ما تشملها التخفيضات !! سوالف
الله يسهل عليك ان شاء الله .. بالنسبه للتخفيضات الجايه اتوقع على نهاية 7 او 8 بحطوها ( مجرد توقع ) .. واذا تبي نصيحتي خيتوآ .. المحلات اللي ذكرتيهم صراحه يجبو اشياء حلوه .. بس ككونك بتجهزي للبيبي اكيد بتاخدي ملابس قطنيه لان البيبي مايرتاح الا عليهم .. انا يوم دخلت كذا محل عشان اشوف القطنيات لقيت اسعارهم مبالغه بالصراحه .. على 100 وعلى 170 والله حتى 400 شفت ! استغليتهم احسهم حالهم من حال اللي بسنتر بوينت .. وكلها يومين ويكبر البيبي .. انا لو بشتري من هالاماكن قطنيات ماراح افكر اخد الا بآيام التخفيضات لان ماتسوى من دون تخفيض بالصراحه خساير .. وترآ عند التخفيضات الكبرى يسوو على كل شي تخفيض الا اذا كان الشي جديد جديد مايسوو عليه روحي حاليا سنتر بوينت واخدي من هونيك حتى الاشياء اللي ماعليها تخفيض سعرها حلو ومناسب والله يوفقك |
رد: الأشياء الي ما تشملها التخفيضات !! سوالف
مادري انا ماشفت بس رحت على سنتر بوينت
وستي ماكس عادي مو عاملين على اغراض البيبي تخفيض ولسا ما بديت اجهز |
رد: الأشياء الي ما تشملها التخفيضات !! سوالف
صراحة انا احب ماكس مرررة حلو والبسات اشتريتها لولدي صار لها سبعة شهور ما انعدمت ومرة مرتاح فيها وماتشتري اغراض كثيرة لانو بيكبر او ممكن تشتري عمر اكبر ومع تحياتي
|
| الساعة الآن 07:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .