منتديات حوامل النسائية - الى كل من جرب عملية الحقن المجهرى ( ادخلى بسرعة)

هاكون اول واحدة تكتب.
1-كم عدد الاجنة التى نقلت اليكى؟
ثلاث اجنة
2-وكم اجنة ثبتو الحمد الله؟
اثنين
3-هل عملتى عملية شفط اجنة اذا كانو اكثر من اثنين وبعدها ربط؟
لا
4-هل عملتى ربط؟
لا
5- هل فى اعراض غيريبة خلال فترة الحمل؟
نعم
6-هل حدث نزف اثناء الحمل؟
نعم
7-من فيكم حصلها نزيف فى نهاية الشهر الثالث واستمر معها يجى ويروح طول فترة حملها؟
جالى نزيف فى نهاية الثالث تقريبا.
8- لو نزل عاليكى دم فى الحمل هل الكمية كبيرة وماهى المدة اللى استمر فيها وهل توقف ولا فضل معاكى؟
اول نزف كان كتير اوى غيرت فى 10 دقائق 4 فوط
استمر معى طول الاسبوع بس ماكنش نزيف كان اكنى عندى الدورة فى يومها الثالث وكان بيخف يوم بعد يوم.
بس كان بيتوقف لاسابيع ويرجع تانى طول فترة الحمل.

9- من حصلها نزف هل استمر الحمل طب ولدتى فى اى شهر واية تفسير الداكترة لحالتك؟
الداكترة كلهم مالقوش تفسير للنزيف لان الحمل ماكنش فى مشكلة والمشيمة تمام وكل الاسباب اللى ممكن تسبب نزف فى الحمل مش عندى.
بس ولدت ولادة مبكرة فى نصف السادس
10- هل عندك مشكلة فى التبول بدخلى الحمام كتييييييييييير بطريقة مش طبعية بتسعرى بضغط على المثانة طب استمر دة طول فترة الحمل ولا ؟
من بداية الحمل وانا بدخل الحمام كتير اوى احيانا كل خمس دقائق وماكنتش بعرف انام باليل من كدة بحس انى مزنزقة اوى ولما بدخل الحمام الكمية قليلة بس ماكنتش بستحمل ازنق نفسى
والحكاية دية فضلت معايا الى الشهر الخامس وخفت شوية فى السادس بس كانت كتير اوى فى الشهور الاولى.
عملت مزرعة بول ظهر فيها انى عندى املاح وصديد بس نسبة بسيطة اوى الدكتور قالى مش محتاجة دواء ونصحنى بشرب الماء كتير.

11-فى الشهر السادس كان بنزل عاليا افرازات كتير اوى فضلت 10 ايام بدايتها كانت بنى اللون وبعد كدة شفافة بس دة ماكنش التهاب لانها من غير ريحة ومش مصحبة بحكة
بعد مافرازات اختفت بقيت احس بغص رهيب اسفل بطنى مع وجع فى جنابى الاثنين اسفل ظهرى
كان بيجى ويروح كل 10 دقائق.
ولما رحت المستشفى كان كل التحاليل والاشعات زى الفول والبيبى بصحة جيدة وماعرفوش سر المغص.
بس المغص فضل اسبوع مافيش مسكن بقى يعمل حاجة معايا ولما رحت وكشفت نسا الدكتور قالى انى فى ولادة ولدت بعتها على طول يعنى الافرازات دية كانت الافرازات الامخاطية اللى بتسد عنق الرحم عشان البيبى ماينزلش والمغص دة كان طلق.

ودية كانت العملية الثانية ليا
الاولى بردوا ولدت بدرى بس فى الخامس وكنت حامل فى ثلاث بس كنت تعبانة اوى طول فترة الحمل.
ربنا يعوضى يا رب ويرزقنا جميعا بالذرية الصالحة