|
تكفون ساعدوني الله يخليكم
السلام عليكم ورحمه الله وبركاته...
انا سجلت بالمنتدى علشان أقول مشكلتي قسم بالله كل يوم أبكي عليها .. أنا متزوجه من 8 شهور عمري 20 مشكلتي من تزوجت وأنا ماأعرف أللبس عند زوجي لبسي كله أما بنطلون وبلوزه ساتره وإذا غيرت لبست ثوب النوم العادي أبو 20ريال وبحياتي ماحطيت مكياج ولا أعرف اللي يحطونه على العيون ولا الروج قسم بالله أني أكتب وأبكي (إذا كلامي مو مرتب أعذروني) حتى قميص النوم اللي يلبسونه المتزوجات بحياتي مالبسته قبل لاأتزوج كنت أشوف الي بالمسلسلات أيش يلبسو من حركات وبنطلون وتنورات قصيره ومره رحت أنا وأمي لسوق على طول رحت لقمصان النوم القصيره والبنطلونات قلتلها أبي أشتري تصدقون وش قالت قالتلي ( وخري هناك) لاتفضحينا عند زوجك الثياب هذي ماتصلح وراحت شرتلي قسم بالله تنوره طويله لونها بني وشرتلي بعد تنوره وردي وبلوزه زرقاء عليها صورت جزيره وبحر البلوزه عاري شرت عليها بلوزه داخليه بيضاء طويله وشرتلي شنطه مكياج اللي داخلها متكسر قالها راعي المحل هذي أحسن ماركه قلتلها ماأبيها قالتلي غصب عنك وجزمه شبشب فضيه بدون كعب لفستاني وملابس داخليه كل واحد لون من أبو 5 وريالين وش بعد وقميص نوم أول ليله صار وسيع وخاطته بالأبره بالبيت اليوم الثاني جتنا أختي المتزوجه ورحت معها لسوق بشتري ملابس علشان أمي ماتشوفهن رحت معها وشريت بنطلون جنز وشوي بلايز وبجامه برمودا وقميص نوم يجنن قصير بس لأن أمي ماعطتني فلوس كثيره ورجعت البيت وأنا مستانسه ورحت لبستهن عند أختي تصدقون وش قالت قالتلي ماهن حلوات عليك وأخذتهن أنا يابنات (ماعندي ثقه أبد بنفسي ثقتي معدومه حتى لو ألبس شي حلو علي وأحد يقولي ماهو زين علطول أرميه قسم بالله أني رحت لبيت زوجي ومعي 3 تنانير ساتره بدون بلايز وبنطلون جنز وقميص أول ليله حتى مدري وش ألبس بشهر العسل لدرجه وحنا بشهر العسل رحنا لشقه قلت لزوجي أطلع بغير ملابسي (مدري وش البس) قبل لايطلع قالي تكفين ألبسي شي رومنسي قسم بالله يوم قال البسي شي رومنسي أني مسكت نفسي عن البكي طلع تدرون وش لبست لبست بنطلوني الجنز اللي دايم ألبسه (في أحد يلبس بنطلون لابغى ينام يوم دخل علي وهو يكشر قالي أنتي ماتعرفين تلبسين وكل ماطلعنا قالي روحي ألبسي بنطلونك آه بس وش سويت بحالي قسم بالله ماهو ذنبي أمي ماعلمتني كيف ألبس وأكشخ زي البنات حتى أختي المتزوجه ماعلمتني قبل الزواج شسوي والحين لي 8 شهور تدرون وش الجديد أمي شاريتلي 5 ثياب نوم أم 20ريال تقول توسعي فيهن الحين جالسه ولابسه ثوبي النوم أبو نص كم الحين أنا عند امي وحامل باقي شهرين على ولادتي أبي أرجع لزوجي بلبس حلو وشكل غير أنصحوني تكفون أعتبركم خواتي ( بغير من نفسي |
رد: تكفون ساعدوني الله يخليكم
بكيتيني يااااا أختي دمعن عيوووووني...معقووووله....ليش تخلين الغير يأثر عليج..ليش؟؟؟؟
أختي لااا تفقدين زوووجج بسبب تفاااهاااااااااات أهلج....حرااااااااااااام.....أنتي بلبسج هذاااا بتعودين زووجج مااايعطيج إلا 100 ريااال تقضييين فيهااااا حوااايجج..100 رياللل شووو تسوي اليوووووم..... كوني أنيقه..جذااابه..في كلااامج في لبسج..في عطرج.. أختي فيه محلات رخيصه بس حلوه((سبلاااااش//ماكس//رد تاغ//)) أختي أنتبهي لحياااتج الزوجيه....أنتبهي وكلناااا معاااااااااج قلب وقااااالب...... |
رد: تكفون ساعدوني الله يخليكم
يا الله
حبيبتى طيب ملاحظه انه امك اللى تشترى لك ؟؟؟؟؟ وين زوجك ؟وليش معودة نفسك تلبسي رخيص لو امكانيات زوجك تسمح اشترى والبسي لا تعودينه انه ماتلبسين غير كذا عليه كسوتك مو امك لازم ياقلبي تهتمى بنفسك ولبسك وخل عندك ثقة بنفسك واخذى مصاري من زوجك وروحى لحالك المحلات واشترى اللى بخاطرك وعيشي حياتك ولا يهمك من اختك هذى ماعرف كيف تقولك كذا ولو امكنياتك محدودة خير الامور الوسط فيه اشياء مو غالية ولكن راقية |
رد: تكفون ساعدوني الله يخليكم
شسوي
زوجي توه معطيني1500 مدلعني مره وحنون بس أنا ماأعرف أشري ملابس وإذا شريت وقفت عند المرايه ماأتجراء أطلع فيهن والفلوس اللي يعطيني أعطيهن لأختي المتزوجه لأنها تكسر خاطري وتروح تشري فيهن |
رد: تكفون ساعدوني الله يخليكم
اول شي الله يسهل عليك ياحبيبتي وتقومين بالسلامه اول شي تسوينه بعد الاربعين روحي مشغل وضبطي نفسك قصه وصبغه هذا اول شي وبعديييين انزلي السوق وخذي من المحلات اللي قالت لك الاخت اللي قبلي واشتري ملابس نوم بالوان وموديلات مختلفه وخذي كمان تنانير قصيره وشورتات وبجايم حرير لازم تكوني غييييير بعد نفاااسك وماعليك من احد اللي يعجبك البسيه مو شرط تأخذين رأي احد الله ييسر لك كل اموووورك يااااارب وكلنا معك مثل ماقالت اختنا قمة البرائه
|
رد: تكفون ساعدوني الله يخليكم
حبيبتي امك تفكيرها تفكير زمان
ماتدري ان الناس تغيرو واختك المفروض توقف معك بس خلاص انتي متزوجه انتي مسؤله عن نفسك روحي اشتري بناطيل تنانير لعند الركبه وكل ماارتفعت تكون رومنسيه خخخخخخخ واشتري فساتين قصيره ماعليكي من احد واذا احد تدخل قولي انا مزوجه واعرف وش يحب زوجي خليكي قويه وواثقه واذا احد قال موحلو عليك قولي انا عاجبني وانتي طالعي في المرايه وتعرفي ومن الافضل الي يحطمونك لاتاخذين رايهم لاتخربيني حياتك بيدك الزوج لازم تشيكي لهوتدلعي والله يوفقك |
رد: تكفون ساعدوني الله يخليكم
لاااا تعودين تعطين فلووووسج لأختج بتتعووود....خليهااااا هي تلبس وأنتي لاااااااا
أختي طلعي من حياااة البداااااوه إللي أنتي عاااايشتنهااااااااااااا..... بسألج.....أنتي متينه؟؟؟؟؟؟ |
رد: تكفون ساعدوني الله يخليكم
وزني أول 60
والحين مع الحمل78 زوجي بعد أسبوعين يبي يجي عندنا ويجلس عندي يوم ويروح مقدر اروح معه لأني بولد وشرايكم أصبغ شعر وأقصه مايأثر بالحمل لأن شعري صبغته نازله مره وصاير طويل وزوجي معه صوره يقول قصيه مثل الي بالصوره قصير |
رد: تكفون ساعدوني الله يخليكم
مرررررررررررره ماعلافت ايش اقول انصدمت
حبيبتي انتي ايش موضوعكك يعني الموضوع بسيط ومو محتاج هاذي المعاناه مدام انتي عارفه ان وضعك غلط ولازم تغيري اسلوبك في حياتك ولبسك وتخلي مرحلة مابعد النفاس مرحله اتنقاليه بالنسبه لك عشان زوجك مايلاحظ وعلقي اللي كان فيك على الحمل وان نفسيتك كانت تعبانه ومزاجك مو مزاج شياكه ودا ودحين قبل ماتولدي روحي اشتري ملابس وادا مو عارفه ايش تشتري انا مستعده اساعدك بلي اقدرعليه باقتراح او فكره.. والله ييسر لك امورك ياااااااااارب قلبي معاك |
رد: تكفون ساعدوني الله يخليكم
كلامي نفس كلام البنات الله يعافيهم ماقصرووا
لكن لو تخلين الصبغة وتغيير الشكل بعد الولادة أحسن خليها مررره وحدة صبغي وغيري لوكك من إلى وأشتري ملابس جديدة وخليه يشووووفك وحدة ثانية والله يوفقك ويقومك بالسلامة ياااارب |
| الساعة الآن 09:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .