منتديات حوامل النسائية - الصراحة قريتها------

صباحكم--- مساكم

ورد

قصيده اعجبتني وحبيت انقلها لكم

جا يشوف الحال كيفه بعد ما هزّه حنينه
وقبل يسألني سألته : كيف حالك يالحبيب؟

قال : أنا كني غريب ضيع دروب المدينة
قلت : أنا كني مدينة تنتظر رجعة غريب

قال : أجل وش فيك تكره سيرة الحب وسنينه
قلت : أجل وش لون ما أكره سيرته دامك تغيب

انت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب؟؟

الهدايـــا والرسايل والمكاتيب الثمينة
والليالي والقمر والريح والكون الرحيب

كل ما تبعد .. تجيب الشعر ليه من يدينه
وتقعد جروحي تودي في الطواريق وتجيب

يا بعد كل القصيد ونزوة حداه وأنينه
لا ذكرتك لاح بيت .. وطاح ورد .. وفاح طيب

وإن نسيتك ما نساني صوتك المبحوح لينه
ياخذ لجرحي بثاره من خطاياك ويطيب

وبعد هذا جاي ترمي ذنبك بوجه المدينة
ما دريت إن المدينة كلها شمعة غريب

للشاعر--- فهد مساعد

تحيــــــــاتـــي ..