منتديات حوامل النسائية - الحسد الا صادني وقت ولادتي

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - الحسد الا صادني وقت ولادتي (https://naqatube.com/showthread.php?t=58465)

الحسد الا صادني وقت ولادتي

السلام عليكم ورحمة الله وبركاته

شخباركم اخواتي العزيزات

بقولكم قصة ولادتي كامله
قبل لا اروح المستشفى قبلها بليله نزل علي شوي نفس المويه لمن تكرمون كنت بدخل الحمام عشان اتبوول
يوم ثاني الصبح ماكان فيه اي الالام ولاشي الساعه 8 الصبح تريقت وبعدين كنت بروح تكرمون اتبول ولمن رجعت الغرفه كنت بنام واصله حدي من التعب لان طول الليل مانمت يعني يومين مواصله يا بنات من غير نوم نزل علي مويه تسيل على رجولي وقتها على طول اتصلت بزوجي وقلت له تعال ودني المستشفى لان سمعت ان من تنزل مويه الراس تروحي المستشفى

طبعا جاني زوجي وقال بقول الى امه تجي معنا المستشفى لان امي تخاف من جدي ماقلت لها وصلنا المستشفى وكشفو قالو ان منفتحه 1 سم وتميت من الساعه 10 تقريبا الى الساعه 12,30 او 1 الظهر طبعا تالي بعد ماسو لي التخطيط مال نبض الجنين قالو لي روحي الى الدكتوره عشان تكشف عليج بعد رحت لها وكشفت من داخل وهي تحرك ايدها دبحتني من الالم اتقول عشان يتوسع الرحم وبسرعه تولدي

قالت لي ان مفتوح اربع سم ولازم تروحي فوق غرفه الولاده رحت والألم كل ماليه يزيد طبعا ظل ليه فتره كله 4 سم ومن الألم مو قادره حتى اتكلم ولا اتحرك كان الطلق عندي حامي وام زوجي يا بنات اي حرمه تشوفها بره تقول لها ان مرت ولدي انفتحت هالكثر لين يا بنات قالو لي وصل 8 تالي 9 تالي 10

وصل 10 قالولي يلا ادفعي من تحسي بالم دفعي وانا هني وقتها يا بنات مادري شنو صار ماحسيت بأي ألم ولا حتى رغبه بالدفع نفس ماسمعت من قبل بس كنت ادفع وادفع وانا طاقتي خلاااص زيروو مافيني حيل طبعا كلهم كانت نفسهم خايسه الله ينتقم منهم وماساعدوني بأي شي تمو بس يصارخو عليي ويقولون لي الياهل تعبان ومادري شنو انا اهني بغيت اموت وتغيرت ألواني صار لوني ازرق من كثر ماادفع

يقولون ان حطو لي طلق صناعي وانا مااحس بأي ألالام ولا كأني بغرفه الولاده مادري ليش صار الطلق بارد عندي مره وحدة وقالو

الى زوجي لازم عمليه ولا تخسر زوجتك او بنتك وزوجي يوم شاف حالتي جدي ولوني متغير حده على طول وقع على العمليه

والحمدلله جبت بنوتي الله يخليها لي لكن والله يا بنات للحين ضميري يأنبني اقول بنفسي انا ماساعدت بنتي وقت الا بتطلع لكن الحمدلله على كل حال