![]() |
قصة ولادة الاميره الحلوه (ريناد)
بسم الله والصلاة والسلام على رسول الله
اليوم وبعد اكتر من اربعه اشهر على ولادتي قررت اني اكتب لكم قصتي في ولادة بنتي .. ربي يحفظها من كل شر .. طبعا ولاني بكريه كنت دايما افكر في الولاده وكيف راح تكون .. بس طبعا مهما سمعت او قرات او حكوا لي عن الولاده ما راح يكون زي لما اجرب بنفسي ... المهم ,,, انا كان الموعد المحدد لولادتي يوم 23 شهر 1 بالميلادي .. بس ولدت يوم 15 من نفس الشهر وكان يوم سبت .. طبعا قبلها بيومين يعني يوم الخميس صحيت من النوم عااادي زي كل يوم .. و رحت اكرمكم الله الحمام .. و شفت افرازات لزجه ومعاها دم .. طبعا قلت يمكن لاني كنت نايمه مع زوجي hwaml02 بس لما حسيتها زادت خفت وقلت لامي وقالت لي روحي لدكتورتك احسن .. كلمت زوجي ووداني الدكتوره .. و طبعا قالت لازم كشف داخلي .. و شافت و قالت لي الرحم مفتوح ما بين 1و نص الى 2 سم .. طبعا بدون الم نهائيا و قالت لي اتوقع ولادتك من اليوم الى اسبوع .. المهم او ما تحسي بالم منتظم ابداي احسبي الوقت ما بين كل الم والتاني .. اذا صار كل عشر دقايق تعالي عندي اوقسم الطوائ .. يوم الجمعه رحت السوق مع امي كانت تبغى اغراض للبيت .. لما رجعت البيت ما عرفت انام كويس لان كان عندي الم بس خفيف .. طبعا ومازال ينزل عندي الافرازات و معاها دم .. صحيت صليت الفجر و انا مو عارفه اذا كانت صلاتي صحيحه ولا لا ؟؟ اثناء الصلاه حسيت بالم شديييييييد زي الم الدوره بس اقوى بكتييييييييييييييييييييييييييييييييييييييييييييير .. كنت راح اصرخ بس افتكرت انو قاعده اصلي ما يصير مسكت نفسي لين ما خلصت صلاه .. و اول ما رجع زوجي من المسجد كلمته .. قال اوديكي المستشفى قلت له لا لازم ينتظم الالم ويصير اقل من عشر دقايق .. ومانمت وقعدت على الحال دا الين الظهر والالم يزيد .. و طبعا ما حبيت ان زوجي يحس اني متالمه ولا قلت له ان الام زايد علي عشان ما يوديني المستشفى hwaml16واتفشل ويطلع مافي ولاده hwaml02 .... حتى انه طلبني و وافقت hwaml53 بس في النهايه ما قدرت اصبر وكلمته وكلمت امي كمان و قعدوا يترجوا فيني عشان اروح المستشفى وانا اقول لا ما في شي الحين لازم يصير الام اقل من عشر دقايق .. و راح زوجي صلى العصر و امي هنا اصرت علي قالت بتروحي يعني بتروحي .. قالت لي حتى لو رجعتك الدكتوره مو مشكله .. طبعا خضعت لكلامها وصليت العصر ولبست .. و امي قالت لازم تاكلي (طبعا انا ولا فطرت ولا اتغديت خايفه اتفشل وقت الولاده قلت خليني بدون اكل احسن ليhwaml02 ) المهم .. رحت قسم الطوارئ وهم دخلوني قسم الولاده عشان يكشفوا عليا اذا في ولاده ولا لا .. اول شي قالوا نبغى عينه بول _اكرمك الله _ و بعدها وزن وطول ووووو والذي منه .. بعدكده جهاز نبض الجنين .. الله يهديها السستر اللي ربطته ليا مرره شدته عليا مع اتها حبوبه ما اتوقع كانت تقصد .:. الين جات دكتورتي وسالتني : قالت حاسه بالم ؟؟ ومن امتى ؟؟ وكم الوقت بين كل وجع واللي قبله ؟؟ هنا انا بلمت ما عرفت ايش اقول .. مع ان الام كان يزيد كل مره بس ما كان منتظم و طالعتني بنظرة انو انتي وحده خوافه ومستعجله (طبعا اكتشفت انو الدكاتره في الولاده يحكموا عليكي من نبرة صوتك وكلامك وتاثرك بالام ) وانا الحمدلله مع اني كنت متالمه بس صاااابره و متحمله وقلت شكلها بترجعني البيت او تقول لسه الرحم ما فتح اكتر .. قالت طيب خليني اكشف عليكي وهنا كانت المفاجاه ............ قالت الدكتوره بسم الله ما شالله الرحم مفتوح 9 سنم و انا حاسه راس البيبي اهوه.. يلا سيسترس ولاده .. انا كنت مو مستوعبه hwaml96 كيف كده ؟؟؟؟؟ معقوووووول ؟؟؟؟ لااااا .. اكيد الدكتوره تمزح وهي لسه عندي وتتاكد من الكشف الا تنزل عليا مويه حاااااااره وبكميات هااااااااااائله .. و اسمع الدكتوره تقول للسترس : سووووووووري شكله كيس المويه انفتح من غير ما تقصد و على طول دخلوني غرفة الولاده .. طبعا الحلو في المستشفى ان كل وحده لها غرفة ولاده لحالها مجهزه من والى .. و امي طبعا دخلت معاي وما فارقتني ولا لحظه وبعدها ابويا عرف واستاذن من الدوام وجا المستشفى ودخل عليا هو وزوجي و قعدوا معاي كلهم يونسوني ويطمنوني و ابوي لقى مصحف في الغرفه وقعد يقرا لي سورة مريم .. و بعدها جات الدكتوره عشان تكمل شغلها hwaml10 حطوا كمامه بس انا رفضتها .. الصراحه ما عجبتني ريحتها ......... حسيت بغثيان موطبيعي منها .. الدكتوره تقولي حطيها و انا اقول ما ابغى .. موحلوه حتى ابوي قال لي بتريحك .. قلت لا مو مشكله بصبر بدونها .. و بعدها ابوي و زوجي قالوا بيروحوا عشان يصلوا المغرب .. و الدكتوره تقول لي ما تحسي نفسك تبغي تدفعي ؟؟؟ قلت لا .. قالت طيب لما يجيكي الم حاولي ادفعي .. وبكل براءه قلت اوكي .. واول ما حسيت بالم قلت للدكتوره جاني الم قالت يلا ادفعي باقوى ما عندك .. وفعلا دفعت بقووووه وياليتني ما دفعت .. اش ده .. ما كنت احسب انو كده .. يالطييييييف مرررررررره لا يطاااااااق .. و فجاه زاد الالم ولا اقدر اوقفه ولازم ادفع بقوه عشان افتك والمشكله اني حسيت ما فيني حيل اسوي شي .. لدرجه قلت للدكتوره خليه بكره احسنhwaml02 ... و الله من جد .. بس شكلها ما سمعتني وضليت اقولها مرررره تعبلانه ما اقدر يا دكتوره و هي تقول لي انتي ادفعي وانا بساعدك طبعا رجولي مرفوعه و هي مدخله يدها كلها من تحت و تبغى تساعدني .. وانا اقول لها ما بدفع الين ما تطلعي يدك ( حلوه دي كيب كيف بتساعدني )هههههههااي قالت مافي لازم تدفعي و بقوه و فعلا باقوىى ما عندي دفعت و صرررررررررررررررررررخت ... قالت لي يا ويلك تسوي كده تاني .. ادفعي بدون ما تصرخي عشان ما تدفعي وانا في نفسي اقول ليش هي كده قاسيه ... قالت لي راس البيبي طلع ودخل يلا ادفعي .. هنا انا افتكرت بنتي المسكينه واتخيلتها تعاني معايا .. فقلت لازم اساعدها باي طريقه حرررراااام ما ابغاها تتعب .. و غمضت عيوني و مسكت نفسي و دفعت باقوى ما عندي ... دفعت دفعت الين قالت لي الدكتوره بس .. و طلعت البنت و حطها فوق بطني .. يالله احساس لا يوصف .. انا ما شفت غير ظهرها وقفاها وكان عليها حاجه بيضه زي الكريم مغطيه ظهرها و جسمها دااااافي .. وبعدين رفعتها السيستر و كانت يا قلبوووو صغيييييره تجننن ... و بالعافيه تبكي احسها مو قادره .. و مرررره دلوعه تبكي بنعومه فدييييييييييتها ... و شوي يدخل علي زوجي وابوي .. وكمان 10 دقايق وصلوا اخواتي .. وامي يا حليلها كانت معاي في الغرفه شكلها من تاثير الصدمه ما عرفت تنطق بحرف .. وانا اناديها قلت برجع .. وعطوني السيترات حوض بلاستيك واللله يكرمكم طلعت كل الغدا و انا اقول لامي معليش لا تزعلي عشان انا طلعت الاكل اللي انتي سويتيه ..hwaml02 و الدكتوره تخيطني وانا اقول لها بشويش عليا يا دكتوره .. وهي تقول لي حطي الكمام ونامي .. فجاءه افتكرت النووووووووم .. بس تصدقوا ما نمت الا بعد يوميييييييييييييييييين نفس اليوم مررررره ما عرفت انام وما جاني نو الا بعد الفجر .. بس غمض2ت عيوني الا السيستر تدخل ومعاها البنت وتقول رضعيها ... و يا عيني عليها نااااااااااااايمه ومو راضيه تصحى .. وطلعت اليوم اللي بعده و رحت البيت وانا فرحااااااانه ومبسوطه واقول الحمدلله ان ربي سهل ولادتي و فرحني بشوفة بنتي الغاليه ................................................ (اتحدى وحده تكتب قصة اطول من قصتيhwaml03) هههههههههههههههههههههههههههههههههاااااااااااييي |
رد: قصة ولادة الاميره الحلوه (ريناد)
1000 حمد لله على سلامتكم وتتربى بعزكم يااااااااااااااااااارب
|
رد: قصة ولادة الاميره الحلوه (ريناد)
تسلمي يا ام جنه ....
اسعدني مرورك |
رد: قصة ولادة الاميره الحلوه (ريناد)
بيني وبينك ’ يوم شفت عنوآن موضوعك
قلبي صآر ’ دق دق دق ! / تعرفي ليه ! عشآن آني قريب بولد وبآجيب [ رينآد ] بأذن آلله / ولمآ قريت عنوآنك ’ تغببنت آلمتى بس آجي آبششركم وآكتب قصتي ^ / وآلف مبروك وآلف سلآمه لك ولرينآد العروسه ^_* والله يخليهآ لك وتبلغي فيهآ آن ششآء الله وآدعي آولد هآليومين مشتآقه لهآ وربي ويسسهلهآ عليي |
رد: قصة ولادة الاميره الحلوه (ريناد)
الحمد الله على السلامه والف مبروك البنوته تتربى بعزكم والله يجعلها من الصالحين
|
رد: قصة ولادة الاميره الحلوه (ريناد)
الف مبروووووووووووووووووووووك
|
رد: قصة ولادة الاميره الحلوه (ريناد)
الفـ مبرووووكـ مآجبتي ..~
الحمدلله على سلآمتج وسلامة الكتكوووته .. تتربى بعزكمـ أن شاااء الله " |
رد: قصة ولادة الاميره الحلوه (ريناد)
الحمدلله على سلامتك
جعلها الله قرة عين لك ولوالدها |
رد: قصة ولادة الاميره الحلوه (ريناد)
الف الف مبروووووووك
والحمدالله على سلامتج وتتربى بعزكم |
رد: قصة ولادة الاميره الحلوه (ريناد)
الف الحمدلله على سلامتك و سلامة عروستك
تتربى في عزكم يارب ما شاء الله عليك عيشتينا معاك بأسلوبك الشيق عقبالنا |
الساعة الآن 12:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .