منتديات حوامل النسائية - الحمد لله انا حامل .... وديه كانت الاعراض

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - الحمد لله انا حامل .... وديه كانت الاعراض (https://naqatube.com/showthread.php?t=56534)

الحمد لله انا حامل .... وديه كانت الاعراض

بسم الله الرحمن الرحيم

الحمد لله يارب العالمين ..
انعم الله عليا بالحمل بعد الاجهاض ب 6شهور ويارب احفظه ليا من كل سوء واجعله طفل سليم معافى يارب العالمين
ويارب يرزق كل المحرومات يارب ولكن عليكم بالصبر ....

اعراضى كانت هذا الشهر نفسيه اكثر منها عضويه ...

اولا هذا الشهر حاولت اقنع نفسى بكل الطرق ان الدوره جايه جايه ..
فى فتره التبويض ركزت ع الاربع ايام اللى قبل التبويض وبعدها وكان الجماع يوميا .
وبعد الجماع كنت انام كتير وما اقوم قبل ساعتين وساعات كنت انام لغايه الصبح .
قبل الدوره بحوالى 5 ايام كنت اشعر برغبه شديده بالنوم .
كنت اشعر بدوخه خفيفه.
لم الاحظ اى تغير فى البول او اى خطوط بيضاء الا بسيطه جدا .
كل شهر متعوده قبل الدوره تظهر حبوب كثيره فى وجهى والشهر ده لا.
بعد ما تاخرت الدوره بيوم وانا متعوده ان الدوره مش منتظمه وع طول بتتاخر كنت احس انى بطنى منتفخه اوى والشهر ده حاستها عادى .

الشهر كنت اقنع نفسى جامد اوى انى لما اشوف الدوره مش هزعل خالص

والحمد لله ربنا كرمنى وحللت تحليل منزلى بعد تاخر الدوره بيومين والحمد لله ظهر الخطين واضحين ..
اتمنى منكم الدعاء لى لانى هذا الحمل هاخذ حاجات كتير وحقن عشان امنع تشوهات الجنين اللى حصلت المره اللى فاتت ويارب معايا ويحميه طفلى يارب...