|
زوجي ونفاسي
السلام عليكم
انا توني والده لي اسبوعين طبعا حاليا انا في بيت اهلي وزوجي مايجيني كل يوم واذا جاء مايطول يعني نص ساعه اوساعه وحتى اذا جاء مانجلس لحالنا نجلس مع اهلي احسه اذا جاء كانه مغصوب واذا قلت له يقول مابي احرج اهلك يقهــــــر من جد يقهر احس نفسيتي زفت محتاجته ابيه يكون قريب مني بس مدري وش اسوي مدري وشلون يحس فيني هذا وانا توني ماكملت سنه متزوجه على طول حملت احس اني ماتهنيت بس الحمدلله على كل حال علموني وش اسوي تكفون لاتقرون وتطلعون دلوني وش اسوي الله يفرج همكم |
رد: زوجي ونفاسي
حبيبتي زوجك محتاج يجلس معك لوحدك
يعني اعذريني مو كل مره اهلك لازم يجلسوو معكم وهو يمكن بيحس بالإحراج من اهلك لأن كل مرة بيجلسو معكم خصصي وقت تقعدووون لحالكم من دوون اهلك يمكن محتاج لك وينحرج يقولك شي قداام اهلك وووبس بالتوفييق حبيبتي |
رد: زوجي ونفاسي
مو هنا المشكله كم مره اقوله تعال ونجلس فالمجلس لحالنا
حتى اقوله لو كان عندي احد عادي اجيك للمجلس مافيها شي بس يقول لا احراج يعني المشكله مو في اهلي المشكله فيه قاااااهرني الله يهديه |
رد: زوجي ونفاسي
انتي ادرى بزوجك ونفسيته
يمكن في شي مضايقه مو شرط منك يمكن شي بالعمل اجلسي معاه لوحدكم واساليه وصارحيه باللي بخاطرك وهي ان شاءلله فتره النفاس وبتعدي وترجعين له وكل الامور بتتصلح بإذن الله والف مبروك مقدما المولود الجديد |
رد: زوجي ونفاسي
شكله زوجك من النوووع الخجووول مرة ويستحي
ويحس بالأحراج اذا جا عندكم يلا هانت انتي لاتزعلي نفسك لأنك في النفاس وبكره لما تخلصي نفاس وترجعي بيتك رح يكووون كتير مبسووط وفرحان فيك وبالبيبي وربي يسخره لك حبيبتي |
رد: زوجي ونفاسي
ااااه بس الله يعدي فترة النفاس على خير بس وربي محتاجته جنبي نفسيتي تعبانه بس الحمدلله
|
رد: زوجي ونفاسي
يااختي تيب
ايش رايك تكتبي له مسج انك محتاجته هالفتره جنبك وماظن راح يقصر معاكي وانتي بالوقت الحالي اكيد نفسيتك تعبانه شوي فحاولي تريحي وماتضغطي على نفسك و اهتمي واعتني بحالك والله يشرح صدرك |
رد: زوجي ونفاسي
اختي زوجك وده يجلس معااااااااااااج لوحدك
بس مستحيل بيقولج ان اهلك مستحي منهم وانتي بعد حاولي تجلسي 25 يوم في بيت اهلج وروحي بيتك لزوجك |
رد: زوجي ونفاسي
ياقلبي دقي عليه وقولي له انا عازمتك على الفطور معي او تعال تغدى معي
واذا اهلك طلعوا من البيت يعني معزومين او رايحيين يقضون اشغالهم دقي عليه وقولي تعال انا قاعده لحالي ومحتاجه وجودك جنبي ومثل ما قالوا الاخوات يمكن خجلان من اهلك بس ماعليك ياقلبي لاتعطين الموضوع اكبر اهميه خليه لجل يشتاق لك اكثر لا طلعتي من نفاس |
رد: زوجي ونفاسي
مبروك المولود والحمد الله على سلامتك
زوجك يستحي من أهلك طبعه كذا حتى لو عادي عندك وعند أهلك تجلسين مع زوجك بس هو يشوفها غير أذا أنتي تمام وبخير ارجعي له ولبيتك مو شرط تكملي الاربعين عند اهلك |
| الساعة الآن 01:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .