|
الولاده بالطلق الصناعي.. بليز ساعدوني
السلام عليكم كروشاااات.. هذه أول مشاركه ليا ويارب اللي تقدر تفيدني ماتبخل عليا أنا خلصت التاسع ليا أسبوع ومو حاسه بأعراض الولاده رغم إني مشيت كثير وشربت سوائل دافيه وماخليت شئ ماعملتو بالسونار كل شئ طبيعي بس قالولي أقصى حد ليا يوم الإثنين "بكرا" حيعملولي "طلق صناعي" وخايفه منو رغم إني ولدت بنتي قبل سنتين ولاده طبيعيه فـ إيش تنصحوني! أصبر كمان ولا أولد بالطلق الصناعي؟ |
رد: الولاده بالطلق الصناعي.. بليز ساعدوني
يعني حبيبتي تصبري لمتى ؟
الموية لها حد وتنشف ع الجنين ... غالبا راح يولدوكي صناعي لو ما جاتك اي اعراض او باوادر ورنا يكتبلك اليوم ولادة وقولي امين |
رد: الولاده بالطلق الصناعي.. بليز ساعدوني
لا لا ياقلبي اتكلي على رب العباد وروحي سوي طلق
لان التاخير مو من صالحك والله معاك انشاءالله بيسهلها انا كنت اولد بتنويم وطلق صناعي فلا تترددين اختي الله يسهلها ويهونها عليك .. |
رد: الولاده بالطلق الصناعي.. بليز ساعدوني
لازم تآخذين الطلق الصنـآعي لا تخسرين جنينك ..
الله يسهل عليج ويرزقج ولاده سهله بدوون الطلق الصنـآعي .. |
رد: الولاده بالطلق الصناعي.. بليز ساعدوني
طبيبة القلوب..أتعبتني جروحي..أم ولاء.. الله يجزاكم كل خير ياااارب
بس أنا خايفه أتعب بالطلق الصناعي وماينفتح الرحم عندي "أتعبتني جروحي" ياليت لو تشرحيلي بالتفصيل الممل هل هوا نفس الطلق الطبيعي أو يختلف؟ وكم مدته وكيف يبدأ تدريجي أو بقوه وحده؟؟ وهل صحيح آثاره الجانبيه آلام في الظهر تستمر بعد الولاده؟؟؟ |
رد: الولاده بالطلق الصناعي.. بليز ساعدوني
يؤ اكيد جربتيه في ولادتك الاولى الطلق الصناعي اللي يوضع مع المحلول او المغذي ..
معرروف مااعتقد فيه احد يولد بدون طلق صناعي .. وبالعكس الطلق الصنااعي نفس الطلق الطبيعي بس مافيه وقت تتنفسين ورى بعض ورى بعض وقووووي والمه شديد لان مافيه وقت ترتاحين بس ان شاء الله يفتح الرحم لاتخافين .. فيه نوع طلق صناعي اللي ابره بالفخذ ..الله يسهل عليك |
رد: الولاده بالطلق الصناعي.. بليز ساعدوني
أم ابني شكرآ على ردك كافي وشافي بس معليش عالسؤال: قصدك ورا بعض وماألحق أتنفس يعني مايطول وبسرعه أولد؟ وهل القيصريه أهون من الطلق الصناعي؟؟ لأني جالسه أفكر فيها كحل بديل
|
رد: الولاده بالطلق الصناعي.. بليز ساعدوني
اي اقصد الطلق منتظم ورى بعض مو تاخذين راحه بين الطلقه والطلقه ..<<مادري اذا واضح كلامي ..
انا بنت خالتي راحت نفس حالتك وهي مافيها ولاده وعطوها طلق صناعي وولدت حتى مررره تمدح ولادتها بانها ماتعبت كانت متخيلتها اصعب من كذا .. |
رد: الولاده بالطلق الصناعي.. بليز ساعدوني
حمد الله كل ولاداتي صناعي ماشفت شر بالعكس اسرع من الطلق الطبيعي
|
| الساعة الآن 09:02 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .