منتديات حوامل النسائية - الزربيان على الطريقه اليمنيه

منتديات حوامل النسائية (https://naqatube.com/index.php)

- قسم التغذية (https://naqatube.com/forumdisplay.php?f=43)

- - الزربيان على الطريقه اليمنيه (https://naqatube.com/showthread.php?t=52209)

الزربيان على الطريقه اليمنيه

بسم الله الرحمن الرحيم
السلام عليكم ورحمة الله وبركاته
اقدم لكم اخواتي العزيزات طبخة حلوه كثير وهي رئسية في اليمن خاصة في الاعراس والمناسبات وهي بالاساس اكله هنديه اعملوها وراح تعجبكم كثير

- المقادير :-
1- رز بسمتي حسب الافراد
2- لحم غنمي
3- زبادي علبه كبيره
4- بهارات مشكله
5- زعفران
6- بصله كبيره
7- بطاط حسب الكميه
8- زيت الطبخ
9- زنجبيل + رأس ثوم + ملعقه صغيره كركم + ملح +قطعة فحم صغيره

- الطريقه :-
-اول شي ناخذ الزبادي والثوم والزنجبيل ونحطهم في الخلاط الكهربائي ونخلطهم زين
-وبعدين نجيب اللحمه وتكون نيئه مع البطاط ونحطها في القدر اللي حنطبخ فيه ويستحسن يكون قدرضغط ونتبله بالبهارات المشكله ونحط عليه ملح وزعفران وقرفه وهيل صحيحه ونكب فوقه الزبادي اللي خلطناه في الخلاط
-نحط في مقلاه زيت طبخ (انتي حددي الكميه لا يكون كثير ولا قليل)
-ونحمر البصل في المقلاه ويكون البصل مقطع شرائح رفيعه
-وبعد مايحمر نصبه فوق الخليط السابق
-ونقفل على القدر تمام ونخليه على نار هادئه لين اللحمه تستوي
-وبعد ماتتأكدي من استواء اللحمه طفي عليها النار وتكوني مجهزه قطعة الجمره وحطيها فوق كوب صغير فيه قليل زيت وحطيه داخل القدر عشان يتبخر وقفلي عليه كويس وخليه على جنب
-حطي في قدر اخر كميه من الماء تكفي لسلق الرز
-وطلعيه فوق النار واضيفي فوقه ملح وقرفه وهيل وفلفل اسود صحيح وخليه على النار لما يفور
-اسكبي الرز المغسول سابقا فوق الماء المغلي وخليه لما يستوي نص استواء
-صفي الرز من الماء واسكبيه فوق قدر اللحمه ورشي عليه زيت وشوية زعفران وغطي القدر كويس وخليه على نارهادئه لحين تتاكدي من استوائه
-وعند التقديم زينيه بالزبيب وصحتين وعافيه

ماتنسوا الردود وأدعولي