|
المجتمع السعودي ......................... الى اين؟؟؟؟؟
بسم الله الرحمن الرحيم السلام عليكم ورحمة الله وبركاته اخواتي انا سعوديه عربيه سنيه مسلمه ولله الحمد ولكن انصدمت من التغيرات اللي حاصلة http://forum.hwaml.com/imgcache2/hwa...530148_622.gif في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس..وفي المنتديات والمدوناتhttp://forum.hwaml.com/imgcache2/hwa...530148_223.gif تمنيت أني ألقى المجتمع تطور للأمام و تقدم للأفضل لكني للأسف لقيت النقيض رجوع خطوات للخلف.من جميع النواحي قد يكون كلامي فيه غلظة شوي بس يقول لك المثل يا بخت من بكاني وبكى الناس علي ولا من ضحكني وضحك الناس عليhttp://forum.hwaml.com/imgcache2/hwa...530148_710.gif تساؤلات كثيرة أرددها بيني وبين نفسي وما ألقى لها أي جواب وأنا متأكدة أنها أتت على كل رزين وعاقل شرواكم هل لما زادت رفاهية الحياة يزداد تخلفنا؟؟ هل لما تطورالعلم وتسهلت الطرق له يزداد جهلنا؟؟ ليه صرنا مجتمع سطحي لاهم ولا رؤية ولا رسالة ولا هدف من الحياة التفكير والتركيز على المنظر والمظهر فيه كاريكاتير أول ما شفته زعلت لكن ألحين حسيت إنه أبلغ من كتب ممكن نكتبها الكاريكاتير يمثل شعوب العالم فمثل الشعب السعودي بكرتونات مزينة وإذا فتحتيها لقيتيها فاضية وهذا واقع البنات اليوم مظهر ومنظر ولو تقولين لها 1 ×1 كم؟ تنحت لو تقولين لها وش آخر كتاب قريتيه؟ قالت هاه "بغض النظر عن الروايات التافهة اللي طايحين فيها هالفترة" ----------- لو نص هوس المظاهر هذا كان على عقولنا لكنّا أنجح الشعوب لأنه بساطة كل شيء متوفر عندنا لا ناقصنا مال ولا قدرات عقلية ------------------ الأجانب فلوسهم رايحة على تعليم عيالهم وتثقيفهم وصحتهم تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة بينما عندنا يستحملون الديون والأقساط عشان يسوون زواج كله إسراف وتبذير وآخرته الناس طالعة منتقدة وإلا ديون وأقساط عشان تقول صيفنا برى شهر كامل والله أعرف وحدة شخصيا تقول السفر بالنسبة لي عذاب لأننا إذا سافرنا طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث عصبت قالت خير سلايفي لين سولفوا أصير بينهم ما سافرت وإلا إذا سولفوا صديقاتي إلا أنا ما سافرت وش بيقولون عني !!!!!!! أول تصنيفنا للمجتع كان جامعية مثقفة عاقلة متربية قليلة أدب دينة بنت ما ربوها أهلها يعني كان مقياسنا الدين والتعليم والتربية أما ألحين صار تقسيمنا للمجتع لو كلاس هاي كلاس بنت ستايل بنت قروية فعلا تصنيف متخلف رجعي سطحي يعني رجعنا للجاهلية وإحنا ألحين ننادي بالعولمة والعالمية والتطور والتحضر الحضارة تبدأ بالعقول ------------------- من جد من كثر ما أنا منهارة من هالوضع والله مو عارفة وش أكتب أروح لنادي رياضي ألاقي ملابس يستحي إبليس يلبسها طبعا هذا غير الاسترتشات اللي لما تتمد يطلع البنطلون شفاف..شيء يجيب الغثيان.. المشكلة نتدرب في كلاسات كلها مرايا يعني ماتستائين من منظرك!!!!! المشكلة إن زمان كان هذا الشيء نكرة + قلة تربية + قلة دين أما ألحين عادي وكنه العيد ------------- من أسبوعين اتصلت وحدة سعودية على فوزية الدريع قالت أنا معلمة كلمت واحد وحبيته وقال..و..و..وكملت تفاصيل حماقتها .. اللي من جد فشيلة على القنوات ينقال أنه هذي سعودية قالت لها الدكتورة "..وش هالخداج معلمة وهذا عقلج.. أي جيل بتخرجين لنا..وين مخج..وين تربيتج " الخداج: هو الجنين في بطن أمه إذا تعدى الشهر الخامس يعني تعدينا مرحلة أنهم رجعوا للقة. هم رجعوا لما دون ذلك ----------------------------- أخذت اللغة على يد أمريكية..عاشت في أمريكا 10 سنوات من زواجها و3 سنوات في السعودية.. لأنها متزوجة سعودي تقول أنا توقعت السعودية بتسهل علي تربية عيالي لكن اكتشفت العكس برى لما يشوفون غلط أقول لهم هم كفار ينبسطون شوي وآخرتها النار بس إحنا مسلمين نحرم شوي وبنتمتع فورإيفر في الجنة تقول وكانوا مقتنعين والأمور تمام أما هنا لما يسألوني عن أشياء غلط يشوفوها في الفيصلية"والله كلامها نصا" أتلعثم وما ألاقي حجة مقنعة طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنا يا كثر ما نسمع ماتوقعت الزواج كذا ؟ انصدمت بالحياة اليومية في الزواج؟ ما قدرت أفهم زوجي..... عارفين ليه لأن منتدياتنا النسائية ثقافتها "بسرعة بنات وين ألقى بانتي أحمر ..عشاني بألبس في الحفلة لو ويست" وإلا " مين أفضل مركز ينظف لي البكيني بالليزر؟؟" صارت البكيني منطقة عادي تطلع؟ تتقلبين على السرير بمنظر مقزز ومقرف.. وبدون نقطة حياء؟؟ والله لو أمك اللي بتشيل لك بالليزر كان استحيتي وين الحياء؟؟ مات؟؟ وإلا نخنقه عشان ما يسيطر على تصرفاتنا؟؟ وإلا اللي كان ماسك البنات شدة الأهالي؟؟ لما خفت شفنا الهوايل؟؟ وإلا الدين انحصر في صيام 30 يوم في السنة و5 صلوات في اليوم بس؟ ليه صرنا نستحي من الدين ومن العادات "أنا أتكلم عن العادات الصح مو المتخلفة" تجي كوافيرا تقول لو ما عندك تحفظ على الإكستينشن أعمليها !! صارت المسألة تحفظ؟ صار اللعن أمر قابل للنقاش والتحفظ؟ صار الوصل ينصح به في المنتدى على مسمع من مايزيد عن خمس مية بنت وياليت وحده ردت وقالت حرام من واقعنا الكوافيرات أغلبهم نصرانيات عقيدتها المسيح ابن الله بس الشرهة علينا إحنا يا أمة لا إله إلا الله لو ما كانت شايفة جرأتنا وتمردنا على الدين ما قالت كذا هل كان التوصيل قبل عيني عينك يكتب في بروشور الصالون؟؟ جنب السشوار والتسريحة.. لو أقدم لك كريم وأقول لك لو ما عندك تحفظ على السرطان جربيه تراه يبيض وش ردة فعلك؟ اقل ردة فعل غير إنك ترمينه علي..وتنبهين قرايبك منه .. وتحذرين البنات في المنتديات --------------------------- وحفلات التخرج وحفلات النجاح والدي جيهات والزواجات كلها معازف وأنواع التفن موسيقى وعود وأورج وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط آخر الليل إذا ربي تفضل علينا ونزل للسماء الدنيا هل من داعي؟ هل من مستغفر؟ هل من تائب؟ عذرا يا رب إحنا مشغولين مع محمد عبده وأحلام دوروا الدنيا بكل أبعادها أعجبتني عبارة لداعية مصري قال: " ربنا ينزل كل يوم ينادي حد عايز حاجة. وإحنا مشغولين عنه.." ---------------------- تجيك الوحدة تشتكي وقريتها هنا في المملكة تقول ياربي أنا كنت أكلم واحد وحبيته ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي طيب.. وين الغريب في الموضوع يعني قمة الخبث والخيانة خنتي أهلك وربك وتبين واحد طاهر.. نظيف... قلبه عذري مافي حياته إلا أنتي وأنتي في حياتك عشرة قبله عجب !!! -------------------------------- هذا غير الصور الشخصية وعبارات وصورالتوقيعات اللي كلها إيحاءات سيئة وسخيفة وفيديوهات التوقيعات هذي لها نصيب الأسد في السوء إحنا أرقى من كذا أبصم بالعشرة أن كل قارئات موضوعي هذا متعلمات.. جامعيات.. أو في طريقهم للجامعة ليه أحط صورة فاتنة لو مر عليها ولد حركت غرايزة لا تقولين هذا سيكشن خاص بالمرأة أتوقع كلنا سعودين وأعرف الناس بشبابنا قولي هنا ريحة حرمة وشوفي ردة فعلهم وحتى؟أغلب العضوات يكتبون في أقسام أخرى والتوقيع والصورة ثابتة لا تقولين هو لو يبي يشوف شاف ما عليك منه عنده رب يحاسبه..بس لا تكونين سبب يجي الشخص يوم القيامة تعرض عليه أعماله السيئة أنتي كذبتي أنتي أظهرتي مفاتنك لرجل أنتي أخرتي الصلاة في اليوم الفلاني أنت.. أنت.. أنت زنيت يقول يا ربي ما زنيت يقول له لكنك ساعدت أحدهم على الزنا وكان عليك مثل وزره والآية صريحة وحمدلله إننا عرب نفهمها بدون مترجم: " ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون" هذا إهداء للبنات اللي يدخّلون الشباب للأسواق في أيام العوايل لما يمنعهم السكيورتي هو بيدخل ويرقم وتبدأ علاقة أنتي السبب فيها وهذا إهداء للي تدل على مواقع سيئة وهذا إهداء للي ترسل رقم واحد لزميلتها الواحد يالله يستحمل ذنوبه.. يروح يشيل ذنوب الناس والرسول صلى الله عليه وسلم يقول " أيما داع دعا إلى ضلالة فاتبع فإن عليه مثل أوزار من اتبعه من غير أن ينقص من أوزارهم شيء وأيما داع دعا إلى هدى فاتبع فله مثل أجورهم من غير أن ينقص من أجورهم شيء " أخرجه مسلم -------------------------- والموسيقى اللي صارت زي السلام عليكم أصلا صارت هي التحية والافتتاحية في المواضيع في المنتدى سيكشنات مخصصة للأغاني !! وكأن الأغاني عادي مثلها مثل تبادل الأخبار وأسعار الأسهم أفتح مواضيع هنا في *** إلا مقطع الصوت تلقائيا شغال أورج يعني بالقوة؟ ما دخلت سيكشن الأغاني..بس برضو مضطرة أسمعها؟ وهذا تجاوز للحدو والحريات والمفروض يكون أحد شروط كتابة المواضيع منع هذا الشيء لو بأنزل طبخة في وسط موضوعي قلتوا: خير؟ غلطانه الأخت في العنوان وبالنسبة للبنات اللي ينزلون زفاتهم الموسيقية كم وحدة مرت على الموضوع من الأعضاء وسمعتها + كم وحدة مرت على الموضوع من الزوار وسمعتها + كم وحدة بحثت في قوقل وطلع لها موضوعك + كم وحدة أعجبتها الزفة وحطتها في زواجها اللي بتحضره 400 مدعوة وعداد المعاصي شغال في ظهرك وياطول الحساب ---------------------- زميلاتي في ثانوي لما شفتهم من كثر ذهولي صرت أشك في نفسي يعني لو وحده تغيرت تزعلين ويضيق صدرك عليها لكن لما 6 كلهم تغيروا وش ردة فعلك إلا العجب لا.. وأمر الحواجب هذا أمر عجيب ما أدري هل نزلت بعدي فتوى جديدة بجواز النتف؟ نتف وتاتو .. والضحكة شاقة فمها.. وكأن شيئا لم يكن لو أقولها الله يلعنك بتزعل لكن رب العالمين يمسّيها ويصبّحها على لعنة إتز أوكي عندها وإلا تجيك أم 14 سنة توها داخلة عالم النتف"عالم اللعن" أسفل حاجبها كله أخضر فعلا.. صرنا على قول المصرين نضحك على خيبتنا ----------------------------- أما حكاية العبايات هذي يعني من جد كارثة أقابل ربي في الصلاة محجبة وأقابل الشباب في السوق بالعيون اللي فيها كيلو مكياج والغرة المنسدلة أي تناقض هذا؟ أي ديانة هذي؟ أي أخلاق؟ عبايات وإلا فساتين؟ القضية اجتاحت حتى الأمهات حريم كبار والله الشعر اللي فوق أذنها بدى يغزوه الشيب وتقول لي تعرفين غرز الكروشيه بأحطه في عبايتي يعني خافي الله في هالشيبات جده والله العظيم وش بقيتي لبناتك المراهقات إذا أنتي بتزينين عبايتك بورد كروشيه ماألومهم لو طلعوا من غير عبايات ------------------------ عشت في المجتمع الإماراتي حول سنة ونص أحنا عارفين إن أهالينا محافظين أكثر منهم وبلدنا محافظة أكثر وموادنا الدينية في المدارس والجامعات أكثر بس شوفوا حياتهم وتفكيرهم كل بنت لها خطوط حمراء هي حاطتها ومقتنعة فيها وفخورة بها هناك المحجبة ترفع راسها بحجابها ومحد قدها وعندنا هنا اللي عبايتها ساترة ناقص تدخل في الجدار من الحياء تخاف يقولون عنها متخلفة ياإنها مسوية كابوس هذي الكلمة للبنات تذبح أمها وأبوها بس لا أحد يهمس بكلمة متخلفة هناك تلقين البنت تقرأ كتب عليها القيمة مثل "ذا سيكرت - نساء من الزهرة- أسعد امرأة في العالم- سلسلة شوربة الدجاج..." هنا تلقين في يدها رواية للهابطين اللي خسارة أكتب اسمهم هنا واحنا هنا مانعمم فيه ناس ينحطون على الجرح يبرا لكن فيه اكثر بكثير من هالنوعيات ------------------------- نقطة إضافية البلوتوثات والهوايل اللي فيها العين تزني وزناها النظر لو أقول لك شوفي فيلم إباحي قلتي لا حرام طيب وهذا ليس إلا اقتباس لأقذر ما في الفيلم !! رسايل الجوال والنكت الجريئة والله لو أقول لوحدة قولي الكلمة السوقية الشوارعية هذي بلسانك قالت مستحيل بس لما تنكتب كرسالة جوال تصير كلمة عادية لا ومضحكة بعد..تسمعين الضحكات الرنانة .. ما أدري هل القذارة صارت تضحك؟؟ والله لو ولدك وإلا أخوك قالها كان صرختي: عيب عليك ترى بأحرقك بالنار عشان تتأدب ---------------------------- قبل أي فعل تقدمين عليه لا تحكمين إيمانك لأن يمكن إيمانك ضعيف في هذي الفترة أو يمكن لا سمح الله أنه ما فيه إيمان في هالفترة إحنا عارفين عقيدتنا تقول الإيمان يزيد بالطاعات وينقص بالمعاصي ولا تحكمين قلبك لأنه ممكن قلبك يكون قاسي في هالمرحلة حكمي عقلك لأن العقل هو نفسه ما يتغير قولي هل لو كنت مريضة لا سمح الله بأسوي هذا الشيء إذا الجواب إيه معناها إنه حلال وخير ولا تستحين منه إذا قابلتي ربك وإذا الجواب لا معناها تراك تجاوزتي حد مع ربك.. وبيكسر هالشيء عينك أنك تقابلينه وأنتي مسويته.. أي عمل قولي هل لو سويته بيكسر عيني مع ربي لو بأقول يارب اشفني وإلا يارب عطني -------------------------------------- دعوة عملاقة أبعثها من هالمكان الراقي حملة أتمنى نبدأها ونكون قدها ونوصلها ونسمعها الجميع كفى..استهتارا كفى ..تراجعا كفى ..تنازلا يا صاحبة الدين..أضيفي كلمة تشهد لك يوم القيامة..مو الدين في غرفتك تصلين وتصومين وإذا شفتي الغلط غمضتي عيونك وسكتي عنه..هذا اسمه شيطان أخرس ياصاحبة العقل الرزين..أدلي بدلوك.. نورينا بآرائك الهدافة ياصاحبة الثقافة..ساهمي في تثقيفنا هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي علوا أصواتكم خلونا نسمعها ونسمّع غيرنا ----------- نبي وحدة تكون شجاعة وسباقة للخير أكتبي هنا أنا غيرت صورتي الشخصية أو توقيعي يله عشان تشجعين غيرك ويحذو حذوك وتأخذين أجره ---------- نبي وحدة شجاعة نبيلة تقول أنا مسحت موسيقى كنت منزلتها في موضوعي أو زفة نزلتها للبنات ------------------------- نبي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية <<في منتديات اخرى...... نقدر ننزل صور بتضليل خفيف يكسر جرأة الأفخاذ والصدور اللي طالعة --------------------------------- خلوا شعارنا الرجوع عن الخطأ خير من التمادي فيه -------------------------- حقوق الطبع غير محفوظة أنشروا في المنتديات والمدونات والإيميلات خلونا نرتقي بمجتمعنا خلي لك بصمة في الحياة ------------------------- يارب هذا أقل ما يمكن أسويه بس أتمنى أنك تعذرني به أنا وكل من خطت حروفها هنا إنكارا للواقع المرير محاولة بسيطة للتصحي. تقبلها مننا يارب ------------------------- لا تقولين المجتمع كبير ومتنوع وصعب أصلحه المجتمع هو أنا وأختي وأنتي واختك وهذي العضوة واختها وبنات خالاتنا وبنات عماتنا والسلام عليكم منقووووووووووووووووووووووووووووووووووول |
رد: المجتمع السعودي ......................... الى اين؟؟؟؟؟
عن جد دمعت عيني لان صحيح منتشر هذه في مجتمعنا الله يستر على الجميع
ماقول غير الله يستر علينا من شر اعملنا والحمدالله حياتي مستقره ومااسمع اغاني بس وحده كانت راسله الي مقطع اسمعه ولم شفت الكلام قلت استغفر الله يارب سامحني عن جد شكرا ويسلمووووووووووووووووو والله يعطيكي العافيه والله يرزقك الي تتمنيه يارررب دعواتكم الله اثبت حملي واسهل الي |
رد: المجتمع السعودي ......................... الى اين؟؟؟؟؟
شي ماهو غريب واعتقد ان ليس بالمجتمع السعودي فحسب بل بكل المجتمعات موجود فيها كل اللي قلتي فلماذا لا يوجه مثل هالكلام لجميع المجتمعات على سبيل التعميم وليس التخصيص في مجتمعات غيرنا عندها اكبر من كذا ولا تغرك المظاهر فالله اعلم بخفايا الناس وان كان فيه عينه فاسده وشوهت صورة اللي حولها فليس معنى ذلك ان نحكم على جميع المجتمع السعودي بانه فاسد ومتخلف فلو اصلحنا انفسنا اولا اكيد راح نطلع بمجتمع صالح........................
والله يهدي الجميع |
رد: المجتمع السعودي ......................... الى اين؟؟؟؟؟
أنا أعتقد المجتمعات المسلمة أصبحت عقولها مفرغة من الدين
وهذا ينطبق على كل الدول دون إستثناء ليس على مجتمع بحد ذاته وصاحبة الموضوع قصدت السعوديه لأنها تعتقد أنها البلد الذي يطبق الدين وكان منها هذا الكلام وأنا بدوري أوجهه لكل مسلم أياً كانت بلده أن يتقي الله في نفسه وأبناءه ويربيهم على القيم والعادات والأخلاق الإسلامية الصحيحة لا على أخلاق الغرب الذي أخذنا للأسف منه ما هو سيء وطبقناه على أنفسنا وأبناءنا والترف والبذخ هو الهادم لأخلاق ودين الشعوب نسينا بل تناسينا أننا مسلمين وأصبح إسم فقط ومظهر لا جوهر ومضمون أسأل الله أن يردنا إلى دينه رداً جميلا ويهدي شبابنا وبناتنا إلى التقوى الذي إفتقدناها في قلوبهم - الا ما رحم ربي- ويجب أن تكون قدوتنا رسول الله عليه أفضل الصلاة والسلام وصحابته الكرام رضوان الله عليهم أجمعين وننبذ العادات التي تمس ديننا العظيم وتشوه صورتنا عند الغرب فنحن يجب أن نكون قدوة للكافر أيضا حتى يدخل في ديننا ماذا تركنا لهم ؟!!فنحن محاسبين أمام الله عز وجل "يوم لا ينفع مال ولا بنون إلا من أتى الله بقلب سليم" جزاكِ الله خيرا على الطرح الذي في غاية الأهمية لأنه حقيقة يؤرقني ويحزنني على حال خير أمة أخرجت للناس وحسبنا الله ونعم الوكيل والحمد لله رب العالمين |
رد: المجتمع السعودي ......................... الى اين؟؟؟؟؟
سبحانك اللهم اني كنت من الظالمين
الصراحه انا مع الاخت ام عبدو انها لما خصصت الممجتمع السعودي لانه تعتقد انها البلد التي ينطبق عليها الدين اتمنى من كل مسلم يراجع حسابته وينام الليل ونفسه راضيه عليه وربي فارج همه جميع الدول لاتتنتقض دايما بشكل عام لانها مختلطه وامور الدين على حسب الرغبه ممكن تلقي الام مسلمه ولدها او بنتها مو زيها لذلك نتمنى ان كل انسان مسلم في غفله يصحى واللله محد يتخيل انه راح يقابل ربنا بجبال من ذنوب ومعاصي ومو بس حقته حق جميع من تحمل اثمهم من جد انا من خرجت من السعودية ورحت وسط الكفار عرفت ديني صح وبصورة اوضح لما كنت في السعوديه لدرجة حتى صحباتي ايام الثنوي والفله سرت احسهم غربين عني ناس فيها جهل في امور دينهم ومايسمعو نصيحة احد حتى امهاتهم مايتقبلو منهم النصيحه حتى بعد ماتطيح الراس في الفاس تقوم وتسوي بلوه تانيه لكن ماقول غير الله الهادي ياارب وجزاكي الله خير على النصايح |
رد: المجتمع السعودي ......................... الى اين؟؟؟؟؟
الله يجزاكي خير..
من جد كلامك في محله وللاسف هذا واقعنا اللي نعيش فيه.. واحنا محتاجين اللي يكلمنا وينبهنا صرنا يغفله مايعلم فيها الا الله الله يستر علينا من الجاي .. يعطيك العافيه اختي عالنقل.. |
رد: المجتمع السعودي ......................... الى اين؟؟؟؟؟
كلام واقعي
حبذا لو نسآال نفسنا بكل مجتمع ليش وصلنا لهدرجه من التخلف..! وبنهاية اصابعنا ماهي سوا بس يقولون الكثرهـ تعم وبختصار الواحد يبدا بنفسه اولا واخيرا لو تطبقت هلمعادله الاكيد المجتمع راح يتعدل ماقدر اعبر بآكثر من كذا لآني لستو سعوديه ^^ خالص تقديري |
رد: المجتمع السعودي ......................... الى اين؟؟؟؟؟
والله كلام صاااااااااااااااااااااااااااااااااااااااااادق
واحد تزول واحدة قيل أنها ملتزمة ودينة وبعد الزواج اكتشف أولاً العباءة الفاضحة ومنعها من لبسها وقالت أنا فصلتها بألف ريال وتمنعني ألبسها !!!!!!!!!!!!!!! والمفاجأة الثانية جوالها كله أغاني ومدمنة أغاني !!!!!!!!!!!!!!! وبعدها أكتشف الطامة الكبرى لا تصلي وبعد الطلاق قالت أنا أمراة متدينة وتطلقني ليه ؟؟ أيش رأيكم جامعية وقمة التخلف والانحراف وتدعي أنها متدينة !! |
| الساعة الآن 05:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .