منتديات حوامل النسائية - اللي عندها خبرة تجاوبني جزاكم الله خير

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - اللي عندها خبرة تجاوبني جزاكم الله خير (https://naqatube.com/showthread.php?t=50371)

اللي عندها خبرة تجاوبني جزاكم الله خير

السلام عليكم

انا من زمان اتابعكم بس اليوم قل لازم اسجل عندي اسئلة ذابحتني، طبعا كلها من الوسواس و القلق اللي انا فيه

انا توني هالشهر اتعالج كلوميد بالرغم ان ما صار لي فترة من تزوجت و بديت بحبة وحدة و تقول الدكتورة ان المبايض سليمة عندي من خلال اشعة التلفزون بس للحين ما طلعت نتايج التحاليل

المهم انا اخذت الكلوميد من ثاني يوم للدورة حبة وحدة لمدة خمسة ايام

و الدكتورة حددت لي التبويض من يوم 12 ليوم 17 و قلت عادي لو سويتي يوم و ترك لان السائل يظل بالرحم لمدة ثلاثة ايام

الحين نجي للاسئلة
1)انا البارحة بالليل صار شيسمونه بس حسيت بالم فظيييييع يمكن لاني كنت محتاجة الحمام عزكم الله و تعيجزت اقوم قبل ما يصير هالشي فاول ما زوجي نزل السائل فيني قلت له قوم فقام ،بعدين بعد ما اغتسلت قال لي ترى انا حسيت ان في كمية من السائل ما نزلتها يمكن ازيد من الكمية اللي نزلتها فيج او نفس المقدار،و انتو تعرفون ان بعد الجماع لازم ينزل سائل عاد انا نزل مني سائل ، فالحين انا خايفة ان السائل ما ظل فيني او اللي ظل فيني بالمهبل ما يكفي للحمل ، شرايكم انتوا<<ابي جواب مفصل قد السؤال هههههه

2) اللي استخدمت الكلوميد متى صار عندج التبويض بالضبط اي يوم؟ لان ناس يقولون ان يوم 10 و 11 للدورة يصير للتبويض بس الدكتورة قالت لي ركزي على التبويض من يوم 12 الى 17 و انا اخاف ان فاتني التبويض بيوم 10 او 11و ما
سويت شي فيه

3)من استخدمت الكلوميد حبة وحدة و حملت من اول مرة؟

4) و اللي استخدمت الكلوميد و بعدها الدفتسون هل نزلت الدورة بيومها او تاخرت ؟ اذا تاخرت جم يوم تاخرت؟ دكتورتي تقول تتاخر 3 او 4ايام اذا بتتاخر و بعدها تنزل ،بس ناس يقولون خمسة ايام؟!!!

و عسى الله يرزقني و يرزق كل من تتمنى الحمل عاجلا غير اجلا يارب