|
هذي مشكلتي
انا متزوجه من سنه ومشكلتي بدت قبل زواجي
قبل زواجنا اهلي قامو يدورو لي وظيفه ونا وحده ما احب الشغل و قلت لهم مابي وعصبو علي وقالي خطيبي اشتغلي بس اذا عرسنا قرب طلعي من وظيفتك قلت له تمام و جلست شهور اشتغل و بعدين قالو لي اهلي اخذي سلفيه عشان نبني بيت قلت لهم انا مابي ونا مو قد مسوؤليه سلفيات ومادري شو المهم وخطيبي ماكان موافق لان مكان شغلي بعيد عن بيت زوجي بس اهلي ما سكتو وماخلوني بحالي ازعلو علي وكنت بين نارين واخر شي وافقت وقالو لي اشتغلي وف اجازتك تروحين عند زوجتك واحسن لك تجلسين عند اهلك وبعد ما خلصت اجراءات البيت اهلي تغيرو علي صارو ما يكلموني وكله ف مشاكل معاهم المهم تزوجت واخذت اجازه اسبوعين بس قضيت فيهم اجمل ايام عمري وقبل الاجازة ما تخلص بيوم جلست ابكي لاني بروح وما بشوف زوجي الا في الاجازه يعني اشوف زوجي 8 ايام بالشهر بس و الباقي بالدوام وعند اهلي ونا مو مرتاحه لا بدوامي ولا عند اهلي والحين تاخر حملي ونا اتعالج و الدكتوره تقول لازم تروحي مع زوجك بعد الابره جلست ابكي لاني بعيده كثير عن زوجي وصعب اني اروح له ومع العلم اني من توظفت ونا دايما اكون مريضه وحتى بعد زواجي واهلي ما يسالوني وش فيك ولا يقولون بنوديك مستشفى واذا طلبت منهم يودوني عياده مثلا يرفضون وماحد وقف معاي مثل زوجي عسى الله يطول بعمره ويخليه لي هذي اول مشاركه لي وكتبت قصتي من حر ما فيني وهل سبب تاخير الحمل هو البعد عن زوجي انا متضايقه وايد ومادري شو اسوي بنفسي احس بثقل في صدري وضيق بسبب تاخر حملي وهالسلفيه مع العلم ان سلفيتي بتنتهي بعد 25 سنه!!! وما لقيت احد اشكي له همي بعد الله غيركم |
رد: هذي مشكلتي
الله يعينك أختي مادام إنتي وزوجك متفقين بحياتكم
شو دخل أهلك بالموضوع لازم يكونوا مبسوطين على هالشي الله يسامحهم بس مش من مصلحتك الحمل هسا لأنك مثل ما بتحكي ما بتشوفي زوجك الا ثمانية ايام بالشهر أصبري شوي حتى يصير شغله أقرب منك و بُعد زوجك هالمدة الله أعلم بأثر على الحمل الله يفرج همك ويرزقك الحمل القريب اللي يسرك |
رد: هذي مشكلتي
بصراحه انا مصدومه في اهلك معقوله في اهل كذا وبصراحه زوجك ابن حلال انه وافق على هالوضع وانتي كان المفروض من البدايه ماوافقتي على الوطيفه او عللى الاقل السلفيه ماكان ختيها هالموضوع كان يحتاج تفكير واهلك بيزعلوا فتره وبيرضوا بصراحه اشوف صعب انك تعيشي بعيد عن زوجك في كل الاحوال طيب زوجك مايقدر ينقل نفس المكان اللي انتي فيه\\\\\
|
رد: هذي مشكلتي
حبيبتي الله يكون بعونك
وانا بعد استغربت ان في اهل مثل اهلج والله يكون معاج والحمدلله ان زوجك معاج زين وابن حلال واكيد تأخير حملك زوجك بعيد عنك وايام الجماع معاه اكيد مو ايام تبويض وحاولي تتركين شغلك وتخلي اهلك يسددون السفليه لانه وراك بيت وزوجك والرجال تزوج عشان يرتاح مو ما يشوفك الا 8 ايام بالشهر حاولي قد ماتقدري تخلي اهلك يدفعون وانتي روحي لزوجك وعيشي حياتك الحين بعدين تكبري ويجونك العيال متى بتعيشين ايامج |
رد: هذي مشكلتي
مرره صعبه انتي في مكان وزوجك في مكان
وتأخر الحمل يمكن عشان بعدك عن زووجك وزي ماقالت تومي حاولي انو اهلك يتكفلون بتسديد السلفيه يعني لين متى وانتو كذا وبعدين لو جوك عيال بتصعب عليك اكثر الله يفرج همك .. حاولي مع اهلك وردي لنا وش يصير معاك والله يكون في عونك |
رد: هذي مشكلتي
من جد بعض الاهل الله يهديهم
حبيبتي الحل الاول والاخير بيد زوجك هو صاحب القرار ياانه ينقل وظيفتك له ياانه ينقل وظيفته لك ياانه ياخذ لك اجازه استثنائيه من غير مرتب ٦ شهور والا سنه بالنهايه زوجك هو صاحب القرار وعسى ربي يحل مشكلتك ويسهلها ويهدي اهلك فديتك حبيبتي |
رد: هذي مشكلتي
حاولت اسجل بس مادري ما اشتغل والحين سجلت من جديد
زوجي مايبي يعيش مع اهلي بالبيت و ظروفنا ما تساعد عشان نطلع و نستاجر شقه يعني صعب ينتقل زوجي واما انا ليش ما انتقلت لان بالمنطقه الي فيها زوجي ما في بنات بنفس وظيفتي رفضت والله كثير وزعلو علي وحتى اكون بغرفتي اسمعهم يتكلمون عني وهم معصبين بصوت عالي وكأنهم متعمدين يسمعوني وماكانو يكلموني وقبل ما اطلع سلفيه وعدوني انهم بيتوظفو و كلهم بياخذو سلفيات يدفعو القرض الي علي واما الحين كلامهم تغير الي يفكر يشتري سيارة جديده والباقي يعطوني عشان القرض والي ما يفكر اصلا ياخذ قرض اصلا انا حاسه نفسي مثل الكلب الي الكل يكد عليه وجالسه اذل نفسي عشان يساعدوني |
رد: هذي مشكلتي
دوامي ما يعطوني اجازة بدون مرتب اكيد صعبه اني اعيش بعيده عن زوجي خاصه بدايه زواجنا لما كنت عروس
والله اخاف اني اموت او يصير شي يبعدني عن زوجي ونا بعدني ما شبعت منه وديما في اخر يوم اجازه ابكي ومرة بكيت اول ما شفته من كثر الشوق بس ياليت هلي يحسون فيني |
رد: هذي مشكلتي
شوفي حبيبتي انتي الغلطانه لما طلعتي لهم سلفيه من الاساس
بس مو مشكله الله يهديهم انا اقول اتركيهم يتحملو مساوليه نفسهم مو باطفال هم وثاني شيء روحي الى زوجك الرجال حتى لو صبر بيجيه يوم وبيمل قبل لايجي دا اليوم لازم انتي تروحي له وعلى الحمل اكيد لانك ماتشوفين زوجك كثير لو انا مكانك اقول لهم ماتزوجت عشان اترك زوجي واسكن هنا |
رد: هذي مشكلتي
انا صح غلطانه بس والله صعب الموقف الي انحطيت فيه ونا رحت على كلامهم لما وعدوني بياخذو سلفيات وبيدفعو عني عشان انا اروح مع زوجي ماكنت اظن انهم بيخلفو في وعودهم لانهم اهلي
|
| الساعة الآن 06:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .