|
ابغى منكم كلمه ولو جبر خاااطر
السلام عليكم ورحمة الله وبركاته اخواتي الغاليات عضوات منتدى حوامل اطلب مساااااعدتكم العااااااجله لان والله مالي بعد الله احد غيركم مشكلتي اني تزوجت قبل سنتين و8 اشهر وحملت على طول وجبت ولد عمره الان سنه و10 شهوووور وقدر الله وحملت بالثااني على طول وجبته قبل سته اشهر مشكلتي اني تعبت معاهم كلهم صغار انا مافيني حيل لهم وزوجي رافض الخدامه ياما بكيت hwaml93وشكيت لكن لا حياة لمن تنادي اذا نومت الصغير طفشني الكبير يا يصحيه لي يا يلعب بكل شي ما يخلي شي وانا صارت شغلتي مربيه فقط مع هذا او هذا من غير شغل البيت اللي يجلس باليوم واليومين والله تعبت الصغير بكاااااااي بشكل موطبيعي والكبير عنييييييد جدا صرت اضربه ضرب كبارhwaml49 من عصبيتي صار يخاف مني لدرجة انه اذا مريت من جنبه يحط يده على وجهه واذا صرخت عليه يجلس ويحط وجهه على الارض والله وصلت لحاااله مايعلم فيها الا الله وصرت اذا عصبت اعض اصابعي واضغط على اسناني وانا عايشه بمنطقه واهلي بمنطقه يعني بغربه لا اطلع ولا اروح واذ بغيت ارووح اولادي يردوني لان الصغير hwaml42 دائما يبكي والكبير فضوووولي ويبغى يلعب بكل شي حولنا ويخرب ويحرجنا وتخيلو لي اكثر من سته اشهرانااام بغرفه وزوجي بغرفه لانهم كل شوي واحد يبكي وزوجي عنده دوام وما يبغى ازعاااج ضغوووووط من كل مكااااان تعبت هذا غير زوجي وانتقاداته واذ قلته اولادك قال العيب منك ( قلت دبره ) ماتعرفين تتعاملين معهم واذا قلت له امسكهم بسوي شغلي يوافق وبعد شوي اجي والقى الكبير لاعب بالشامبو والا ادوات التنظيف بالحمام اعزكم الله وعادملي الدنيا يقول منك ليه ماقفلتي الباب hwaml4 وامس نزلت القهوه وخليته عنده ورحت اجيب الحلى لقيته ناثر الدله كااااامله hwaml03 والحمد لله ماجاه شي يعني تعب من غير معين الا الله والله حتى ماعندي وقت البس او ازبط نفسي لزوجي... وبيتي والله ما اقدر حتى اشتغل فيه واذا اشتغلت القى الثاني يشتغل معي هو يخرب وانا اعدل ورااه واذا قلت زوجي طلعني نلف بس بالسيااااره بغير جو يقول لا اليوم مافي حالي اعذروني ادري ان كلامي مو مرتب بس بقلبي كلام كثير ودي اطلعه والله دموعي صارت على طول على خدي صرت اتحسف على الايام اللي قبل الزواج ودي يوم واحد انام 4 ساعات بس متواصله من غير ازعاااج هذا صار حلم كبييييير بالنسبه لي والله اتمنى اطلع من البيت وانسى الناااااس يومين كاااااااااااااامله ارتاح فيها تكفوووون لاتدخلون من غير مشااااااركه لو دعاء بس لاكن لا تطنشوني وتقهروني انتم بعد اعذرووووني على كثرة كلامي لكن والله الى الان ما احس اني قلت شي |
رد: ابغى منكم كلمه ولو جبر خاااطر
أختي ملكة الله يكون بعونك ويسخر زوجك يجيبلك شغالة إذا لك خير فيها أكثري استغفار وتسبيح والله بيسهلك أمورك / أكثري استغفار وشوفي النتيجة والله حزنت على وضعك الله يكون بعونك "
|
رد: ابغى منكم كلمه ولو جبر خاااطر
قلبي كل الامهات كذا
بس بنصحك لاتضربي ولدك لما يغلط صيحي عليه ترى السبب في اللي انتي فيه الضرب حاولي تنظمي وقتهم مثلا لاتنوميهم لما تجي تنامي ونوميهم واذا ناموا قبل صحيهم غصب عنهم ابعدي كل شي عنهم وعوديهم ع قناة اطفال يحبوها عشان يجلسوا عندها اليوم كللللللللله عيشي حياتك ولاتكدري خاطرك ترى الدنيا ماتستاهل ولاتهملي نفسك ابدآآآآ تكشخي والبسي وتدلعي ليه تحرمي نفسك من ابسط حقوقك لاتخلي حياتك كلها طفش وصياح وبس تشكي لزوجك دامه رافض الشغاله فلاتكرري عليه الموضوع بيطفش بس انتي سوي مثل ماقلت لك وبينحل وضعك ان شاء الله |
رد: ابغى منكم كلمه ولو جبر خاااطر
والله ماعندي وقت ... يكفي ان الصغير على طول يبكي بسبب ومن غير سبب هذا طبعه من يوم جبته
|
رد: ابغى منكم كلمه ولو جبر خاااطر
الله يسخرلك زوجك ان شاء الله...
شوفي حبيبتي ولدك الي عمره سنه ونص حاولي تخلينه يفرغ طاقته بالالعاب وحاولي انه يشوف التلفزيون قنوات الاناشيد لانها نجذب الاطفال.. ولا تصرخين عليه حاولي تعاملينه بهدوء لان تعاملك معه هو سبب شقاوته... اما طفلك الثاني حاولي تنظمين نومه..بس لا تهملين زوجك.. شغل البيت كل يوم سوي شي لا تضغطين على نفسك... والله يهدي زوجك ويجيبلك شغاله... |
رد: ابغى منكم كلمه ولو جبر خاااطر
الله يسهلك ويكون بعونك وكلو بأجره ياقلبي انتي ناقصك بس تنظيم الوقت ولازم تبدأي تكلمي اولادك كأنهم كبار وابعدي عن الضرب ولا مايجيب الا العناد ولا دخليه روضه ولا حضانه يتونسو شويا الين تروقي فترة ويكونو اتعلمو ااشياء كتير كويسه ودا حال الامهات يارب الله يهديهم لكي ويسهلك امورك
|
رد: ابغى منكم كلمه ولو جبر خاااطر
ما تزعلي مني لكن والله استلطفت أولادك و ما بدي أخفف عنك بالكلام ولا مواساة و لا شي .. لكن اسمعي ماشالله ماشالله .. لو ما كان الهم حركات و تخريب والله ينخاف عليهم و تحسيهم مو طبيعيين .. ليش نخلف طفل عمره 20 سنة !!! تجيبيه عالدنيا عمره يوم و يكبر على اديكي ..
الله يحماهم و يتربو بعزكم . .انا ما أحفز الشغالة لانها تشغل الأم عن التربية و لعلمك نختير و نكبر لانه نتعلم قلة الحركة .. حلو انك الأم المثالية .. لكن عندي حل يخفف جيبي وحده مرتين بالاسبوع أو 3 مرات تيجي تنظف البيت ب ساعتين مثلا أو 3 .. و تمسكي انت أولادك و شغل الطبيخ هيك أهون .. لكن انظري لأولادك كنعمة و لا تتذمري منهم الله يهدي سرك .. اعذريني و الله بدون قصد ابنك الأكبر ضحكني الله يحماه .. دلة القهوة على حسابه لكن أهمه أنه ما اذا نفسه و الشامبو مو مشكلة يحب يساعدك . . أعطيهم من وقتك يوميا ساعة فقــــــــط تكوني رايقة و تلاعبيهم بالشامبو بالمحارم بالألعاب .. والله نحنا كبار و نحب نلعب و نكب مي عالأرض و لينا حركات ما بالك الأطفال و برائتهم .. لا تزعلي مني |
رد: ابغى منكم كلمه ولو جبر خاااطر
ياعمري انتي
وربي كسرتي خاطري انا اقول رايي مثل البنات لا ترجعين تطلبين من زوجك شغاله لانه رافض ... وكذا تكدرين نفسك بس وولدك جيبي له اقرب بلاي ستيشن صدقيني مايتحرك..وكل يوم شريط جديد عادي انا لو عندي ماقوم من عنده يظل يلعب لليل لاتنومينه بالنهار واذا نام ساعه وصحيه اما الصغير.... عليك بالمنوم...بس مو على طول ينخوث مخه اذا عندك ضغط وحوسه مره...استخدميه.... وشوي شوي...كل شوي شغله وحاولي تستخدمين ولدك بالشغل بس اذا كان ع البلاي يلعب بيرفض ... اصري واصري... آخر شي بيقوم يسويها بسرعه ويرجع يلعب وهكذا |
رد: ابغى منكم كلمه ولو جبر خاااطر
اختي الله يعطيك الصبر تحملي تخلص ولازم اتقنعين زوجك بالخدامه لان راح اتعبين هواي
|
رد: ابغى منكم كلمه ولو جبر خاااطر
الله يسخر لك زوجك ويفهمك ويقدر وضعك
شوفي انتي حااولي مااتضربين ولدك الكبير تعالي له بالهدااوة قولي لا عيب ياماما جلس عااقل وعطيك حلاو ولا شكولاته قولي له اذا شفتك عااقل اشتري لك سياره لعبه حااولي انتي بطريقتك تهدينه ومسكي اعصاابك وحاولي انك ماتضربيه لان كل ماضربتيه بيزيد مرااح ينفع معه وانتي بالليل اذا ناموا حااولي انك تستقلين الفرصه انك ترتبين بيتك وحتى زوجك تعالي له برقة ونعومه كلميه بالهدااوى دلعي شوي عشااان يمكن يزبط معك حبيبتي والله يساااااعدك |
| الساعة الآن 08:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .