منتديات حوامل النسائية - حدوته ولادتي الجميله...

السلام عليكم

مسائكم/ صباحكم فل

انا مشاركاتي قليله في هذا المنتدى بس استفدت كثير من المعلومات الي اقراها هنا

حبيت ابشركم واقولكم قصه ولادتي ...اول مره استمتع بالولاده

طبعا هذا حملي الثالث عندي بنوته عمرها 9 وولد عمره 6 وهذي البنوته رقم ثلاثه

حلو الوحده تحمل وهي ولهانه على البيبي وتبي بيبي تكون مستعده ومتهياه نفسيا لكل شي من الحمل الى الولاده الى السهر والى كووووووول شي...

الموهم انا حددوا لي موعد الولاده في 1-4-1432
اخر موعد لي رحت يوم 20-3 ولما رجعت البيت جا لنا اتصال ان ابو زوجي تعبان بالعنايه ... يعني لازم نسافر للشرقيه عشان ابو زوجي مشوار 6 ساعات تقريبا ...وانا الالم يروح ويجي له اسبوع ..قلت لزوجي انزل انت لوحدك وارجع يوم الجمعه مايمديني اولد باقي لي اسبوع ع الاقل

جات البنوته من المدرسه وقالت ان في اجازه يوم السبت الي حق سلامه الملك
قالي زوجي يالله شيلي قشج يمره ويالله hwaml03

انا هنا انهمرت الدموع من عيني hwaml02 شلون بتحمل امشي طريق 6 ساعات

الموهم قلت له خلاص اسافر معاك بس شرط وقت جيني الولاده توديني عسكري الظهران

لاني مقرره ولادتي تكون بالعسكري في مدينه خالد في الحفر عشان ماي هازبند يكون جنبي <<<<hwaml5

الموووهم وصلنا الشرقيه يوم الاربعا بالليل والطلوق تروح وتجي قلت له نام وعبي راسك نوم لان الالم يروح ويجي مايمزح هع

يوم الخميس رحت عند اختي وطول ما انا جالسه الحايس يحوس فيني الم يروح ويجي ابي اسولف ابي اجلس ابي اكل الالم مايمزح صار يزيد اتصل علي زوجي الساعه 9 قال يالله بمر اخذج عشان بنروح بيت اخته ..لبست عباتي وقلت لاختي يمكن اروح اولد <<<hwaml03

قالت مبين على وجهج اصلا ...الموهم طلعت من عندها ركبت السياره قلت لزوجي ترى الم يروح ويجي خل اروح المستشفى اتاكد كان في ولاده او لا عشان لو فيه يمديني اوصل الظهرات ساعه ونص تقريبا رحت مستشفى الولاده اللي بالحسا في محاسن ..الله لايوريكم زححححححمه ووساخه وذبااااااااااااااااان يحوس وريحه مو طبيعيه في الاسعاف وزياده على الوصف العجيب في قطوه داخل الاسعاف ومو عارفين وينها ..ميووووو.. ميووووو.... والناس تجي فيها نزيف والي بتموت والي بتولد والقطوه ميوووووووو

وماكو الا دكتوره وحده الموهم انتظرت نصصف ساعه على ماجا دوري ..تخيلوا فيني ولاده ترى عادي اولد في الاسعاف ماعندهم مشكله هههههه

جات الدكتور وسالتني شنو فيج قلت لها ابي اعرف كان الرحم مفتوح او لا عندي الم من البارح واليوم زاد..لمست بطني قالت لي انتي نهايه الثامن سوت لي سونار قالت مويه الجنين قليله والجنين صغير مره

قلت لها سلامات .... كذا تعرفين ان الوحده بتولد يعني ؟؟؟ شوفي كان الرحم مفتوح او لا ... واحسبي من اخر دوره انا الحين باقي لي اسبوع بس على نهايه التاسع...<<<خبله وقسم قهرتني بقوه

الموهم سوت كشف قالت مفتوح 3 والرحم تخين على قولها روحي سوي تخطيط عشان نتاكد ...<<<بعدها شاكه الحمد الله والشكر

سويت تخطيط طلع في طلق كل 20 دقيقه بس ماخلص التخطيط الا طالعه روحي .. بالله عليكم يسدحونا على الظهر .. وتروح وتجي ماما ممنوووووأ ينسده على دهر ...سداح ان شاء الله

الموهم خلص التخطيط ورحت للدكتوره وقالت في ولاده تنييم بس بطنك صغير مو مبين انك في التاسع

قلت لها مابي تنييم بروح الظهران يكفي صوت القطوه الي ماتدرون وينها ...hwaml03 وطلعت من الزباله hwaml7

رحت مستشفى الظهران وصلت الساعه 2 ... ياربيييييييي معاملتهم تهبببببببببببل يعني انا احس مايستدعي الامر كذا وهم حدددهم اهتمام زاييييييييييد

اول مادخلت سالتني الممرضه طبعا ماكو احد يتكلم عربي هناك <<<وناسه
صرت ارطن معاهم بالانغلش وزوجي مايدري شالسالفه اهم شي يدري اني بولد ههههه

قلت لها اني بولد وعطيتها التخطيط وكل شي الي من مستشفى القطاوه .. اقصد مستشى الولاده اللي بالحسا ..انصرعت وتروح وتجي وجابت لي كرسي ومادري شنو قلت لها لا بمشي مابي كرسي

الموهم خلصت اجراءاتي من الاسعاف ورحت داخل عشان التخطيط وزوجي كان جنبي وناااسه hwaml03 الالم يروح ويجي يروح ويجي صار كل ربع ساعه والرحم لسه 3

صعدت فوق التنييم ..جاو 4 ممرضات وكل وحده تعرف عن حالها وجات ممرضتي الخاصه قالت اي شي تحتاجينه ناديني انا جابت التخطيط وسوت لي التخطيط وهي جالسه جنبي ع الفراش .. طبعا خلتني اصير على جنب مو على ظهري مثل اللي بالحسا <<<تعزييييير

ماخلصت الحوسه الا صار الصباح يوم الجمعه .. جابو لي فطور فطرت ونمت ... وزوجي راح الحسا عشان يزور ابوه ورجع لي الظهر .. لما صار يوم الجمعه العصر راااااااااح الالم وزااااال كل شيء يدل على الولاده <<<دوء ماقبل العاصفه hwaml03

طبعا الممرضات اللي بالليل راحو وجاو غيرهم الشفت الثاني ..وجاو عرفوا عن حالهم وجات ممرضتي الخاصه وحطت لي اسمها قدامي ع الجدار عشان لو بغيتها اناديها .... سوو لي تخطيط ماكو طلق هههههههههههه الرحم لسه مفتوح بس ماكو طلق

طبعا الكشف بس سوو لي في الاسعاف ومره فوق وبعدها تركوني اولد على راحتي ... مايسوو كشف كل ساعه ولا يعطوني طلوق صناعيه ولا شي يحفز الطلق يقولون لي بس امشي عشان البيبي ينزل ...ويقولون لي مابنزلج تولدين لين ينفتح الرحم 6 او ينزل عندج الماي او ينزل دم .. يعني صج ولاده طبيعيه ويخلون الوحده على راحتها ووقت مابيطلع البيبي يطلع مو مستعجلين على شي...

اكلهم نظيف ولذيذ ومدلعينا ع الاخر ماتحسي بجوع ابد...صار العصر وجا زوجي وقمت امشي معاه في الاسياب والممرضات يتغزلون فيه يفكروني مافهم انغلش hwaml03

ويشجعون فيني ... ووحده تجي وراي تقول ون تو ون تو ههههههه والله مونسيني الممرضات نفسهم حلوه تشرح القلب يعني لو ما الممرضات كذا معاملتهم ولا كان طقت روحي ... الموووهم صارت الساعه 8 بالليل وراح زوجي يشوف ابوه في الحسا

وقلت له لاتتاخر ماتدري يمكن فجاه كل شي يجي واولد بسرعه ..صارت الساعه 11 وانا طااااقه روحي زهقت حدي لا الم ولا طلق ولا في شي يدل ع الولاده ...اتصلت اختي علي تطمن قلت لها والله ماكو شي جالسه حاطه رجل على رجل واكل تويكس hwaml03 لو تجيبون لي البرودباند واللاب توب احسن لي خخخخخخخخخ

جا زوجي قلت للممرضه تعالي سوي تخطيط اذا مافي طلق بطلع مع زوجي قالت لي خلاص ماتحبينا ههههههههههه ماتبينا تبي زوووج قلت لها اذا بولد بجيكم ككككككككككك

سوت تخطيط ماكوووووووووووو الم قامت تضحك علي خخخخخخ..

خلص الشفت حقهم وطلعو وجاو الشفت الي استقبلونيhwaml10 اول ماجيت اول ماشافوني قالو ماما مافي ولاده ويستلموني ضحك hwaml03 والله كانهم ربعي من زمان

قالوا لي قومي امشي ..مشيت ومشيت ومشيت لين تقطع نعالي الله يكرم السامعين hwaml11 قلت لهم تعبت بنام مابي اولد hwaml03 حطيت راسي نمت الساعه 1

الساعه 2جلست على ذاك الالم الي في بطني قلت حياك الله يطلق بس ابي انام هههههه اشوفه يروح ويجي يروح ويجي وبشكل اقوى ...قمت قلت للممرضه ترى عندي الم حيييييييييل قالت اكيدد الم حيل مو كذب خخخخخ

صرت مثل الراعي والذيب تو مافي طلق الحين بالقوه مره وحده قلت لها اي والله ... راحت تجيب العده انا على فراغتي قمت انظف اسناني hwaml02
سوت لي كشف قالت مفتوح 5 hwaml7اخييييييييييرا بس قالت ماما قومي امشي لان مانفتح الماي قلت لها انا كذا ولداتي الي قبل مانفتح الماي هم الي يفتحونه لي قالت ماعليه قومي امشي...

مشيت ومشيت والالم آآآآآآآآآآآآآي بس تحملت قلت لزوجي خليك قريب في الاستراحه لان خلاص قربت اولد عشان اذا نزلت تنزل معاي....تعبت من المشي والالم لايحتمل رحت بجلس شوي الا ينفتح الماي اول مره احس بهذا الاحساس بس والله خفت ... سوت كشف قالت 7 ونزلوني بالسرير وزوجي كان جنبي هذا اهم شي .. وقت الاذان انا دخلت غرفه الولاده

لبسوه مادري شنو ودخلوه معي حطوا لي التخطيط وانا الالم ياااكل فيني بس متحمله وساااكته وزوجي ماسك يدي ووجهه اصفر مسكين hwaml03

حطوني على سرير عادي ورفعو مكان ظهري ونزلوا شوي طرف السرير انا انتظرهم يرفعون رجولي مثل مايسوون لي قبل خلوني على راااااحتي قلت لزوجي نادهم ترى بولد احس انه بيطلع ... ومسكين جالس ماسك لي مادري شنو عشان ارجع فيه ...انا اطلق وارجع عطوني يمكن 3 ابر عن التطريش

لفوني على ظهري سوو كشف قالو يالله اذا حسيتي الم شدي لارفعوا رجولي ولا فدقوني ولا سوو لي جرح توسيع .. من انسدحت على ظهري خلاص صار الالم لايطاااااااااااااق وهاااات يصراخ hwaml23

دفعت مره ومرتين خلاص حسيت حالي ماقدر سكرت رجليني خخخخخخخ قالوا لزوجي امسكها hwaml53 وافشيلتاااااااه وهو يهدي فيني ويقولي ذكري الله هههههههههههه وانا مو في حال شي في الثالثه طلللللللللللللللللللللللللعت الساعه 35:5 وعطوني اياها وخلوا ابوها يقص الحبل السري سالتني بنت او ولد قلت لها بنت اخذتها وقالت لزوجي يروح معاها .. وضلت الثانيه عشان تطلع المشيمه وتنظف ...

اول مانزلت الولاده مرتبه شحلاتي ماولدت الا انا كذا hwaml38 ههههه
طلعت المشيمه وقالت للدكتور انه في جرحين من داخل كبت علي مويه ساااخنه <<<شعور جميل
ولا عفست بطني ولا سوت شي ...خلت الممرضه تعطيني شي اتنفسه مادري شنو خلتني اهلوس جا زوجي اساله بنتي فيها شعر hwaml03hwaml03hwaml03 من التهلوس ...

خلصت الخياطه غطتني ببطانيتين لاني ميته برد خلتني ارتاح شوي ... جا زوجي جنبي يمسح على راسي ويبوس في ايديني خخخخخخخخ طبعا ماذكرت كل ذا الا بعدين hwaml65 ولللسه مشوار التطريش جاااري hwaml03 مادري ليش هالمره بزياده ولداتي الي قبل بس اطرش مره وبس

خلصت شفت الممرضات الي ولدوني وجاو غيرهم .... قومتني الممرضه ودخلتني الحمام الله يكرمكم وخلتني اخذ دوووووووووووووووووش سااااااااااااااخن بعدها صعدوني فووووووق الا الممرضات الي نزلوني ينتظروني اصعد لان شفتهم خلص

اول مادخلت كلهم يلوحون لي بايديهم ويباركون لي ويبوسون في بنتي لان بنتي صعدوها قبلي في الحضانه ...

صارت ولادتي يوم 23_3_1432 الفجر يوم السبت
بس والله معاملتهم تهببببببببببببببل ومكان نظيفه ناس ذربه ..الممرضات حيييييييييل حليوين ونفسه طيبه وحلوه ..مع انهم اغلبهم افارقه الي ولدتني افريقيه

ماحسيت بالولاده ولا خفت لان زوجي جنبي ولان معاملتهم لي تهون علي الوحده وتخليها تطمن انها بين ايدي امينه وحتى لما بطلع قلت لهم اقدر امشي مارضوا لي وصلوني لباب السياره بالكرسي ...يتكلموا معنا يسولفون معنا يخلي الواحد مايحس بوحشه او طفش ....انصح كل وحده زوجها عسكري تولد فيه والله انج تتمنين تولدين مليون مره بسبب معاملتهم .....

وعلى فكره التصوير في غرفه الولاده مسموح hwaml92
صورت من اول مادخلت لين طلعت :) حتى بنوتي اول ماطلعت

الكام في يد جووووزي hwaml29 حلوه زوجج يكون جنبج في هذي اللحظه عشان يحس فيج ويحس بالمعاناه الي تمري فيها..

ماعليكم الحين الدلع مغرقني من فوق لتحت .. معاملته حيل تغيرت .. وفرحاااااااااااان بالنونو الصغيروووونه وخليته هو يختار لها اسم ... سماها شيماء :)

ربي يهون على كل حامل ويسهل عليها ولادتها ياااااااااااااااااااارب