|
احد يحس فيني
ا
لسلام عليكم ورحمة الله وبركاته ابشرح اكبر معاناتي زوجي عسكري ومسافر لشرقيه مهمه بسبب الشغب على البحرين يمكن يطول وانا ماقدر فراقه كل يوم بكى ونوح ماني قادره ابصر مع انه مو اول مره يسافر ويتركنا المشكله عندي ولاد يدرس ما اقدر اسافر عنده الا في الاجازه المطوله نفسيتي ادمرت والحمل اتعبني ملي خلق شي المشكله انا ابكي والاولد يبكي وزوجي مستانس ويضحك وكل يوم سهر وخرجات ايش اسوي |
رد: احد يحس فيني
الله يعينك
بس هو وش يسوى ما عنده حل الا انه يسلي نفسه وانتي اشغلي نفسك باي شي وغيري جو ولا تنكدين على نفسك وعلى عيالك وزعلتي او رضيتي هو ما بيده اي شي اذا مابيدك الا انك تسلين نفسك واهتمي بنفسك وحملك لان النفسيه تأثر على الجنين ربي يرده لك سالم غانم ياااااااااااارب |
رد: احد يحس فيني
الله يعينك ياعمري بس وش تسوين لازم تتحملين هذا شغله اللي يكسب منه رزقه ويصرف عليكم منه ويبغاله صبر منك ومنه
حتى انا زوجي مثل زوجك شغله محتاج كثرة السفر وهو كل شهر لازم يسافر بس اللي مخفف عني انه مايطول ويكلم بكل وقت واذا حسيت اني اشتقتله بزياده او طول بالسفر اكلمه فديو واشوفه وارتاح وترى طبيعي اللي تحسين فيه بس عشانك حامل بعدين احمدي ربك انه مايسافر كثير في ناس يجلسون بالاشهر ما يشوفون ازواجهم بسبب شغلهم وهذا حال الدنيا بس انتي استغلي هالشي بأنك تغيرين بلبيت شي او بشكلك مثلا لان البعد اكيد يزيد الشوق والله يرجعه لكم بالسلامه |
رد: احد يحس فيني
ياقلبي لاتزعلين على الاقل هو فتره وبيرجع لك ويجلس طول الوقت عندك اجل شوفي حالتي انا من بداية حملي وانا عند اهلي يعني ثمان اشهور وانا مااشوفه غير خميس وجمعه يعني نفسيتي مره دمااااار والله وكاني صابره عشان الي ببطني مليت وذبحت نفسي بكي ادق عليه واقوله خلاص تعال مليت احيانا تمر اسابيع وربي ماينزل ولااشوفه يعني شايفه القهر صابره عشانه هو رايح يشتغل ويكرف ليل نهار عشان يصرف علي وعلى طفله الي جاي بطريق اهم شي اني واثقه انه بامان ليه اعور قلبي وجلس اعاني الله يصبرك ويصبر قلبك على العذاب الله يرجعه لك سالم يارب ويرجع اراجالنا سالمين يارب ويصبر اقلوبنا
|
رد: احد يحس فيني
البكا ماراح يغير شي
استهدي بالله ... وان شاءالله فترة وتعدي ... ويا اختي اشغلي نفسك بحفظ سورة خلال فترة حملك + تدريس اولادك ... وربنا بردلك اياه سالم ............... |
رد: احد يحس فيني
حبيبتي حرام تسوين هيك بنفسك وبأولادك وبجنينك ترا الحالة النفسية اهم شي في الحمل ما ودي اخوفك بس حاولي كلما تضايقتي استغفري واقري قران وربي يهون عليك البعد ويرده لك سالم غانم
|
رد: احد يحس فيني
أستغفري ربك واحمديه عالعافيه بس
وينك عن الي زوجها مااااااات بدون رجعه وترك لها اطفال ومسؤؤليه وترملت وهي صغيره زوجك في مهمه وعمل لاازم تقدرين عمله ريحي راسك منه ومن طلباته وخذي راحتك انتي وعيالك وانبسطوا والحمد الله احمدي ربك بس الله لا يغير عليكم ابليس لا يلعب عليك بس انتي قدها وقدودhwaml51 |
رد: احد يحس فيني
هدي نفسك لانه كله بيطلع في اللي في بطنك سلي نفسك بالتليفوون مع زوجك وتكلمي معه واصبري فتره وبيرجع لكم باذن الله كلناا كذا اذاراحوا ازواجناا سبحان الله ولاصاروا عندناا قلبناا عليهم يالله فرصه تحسين بقيمته ويحس بقيمتكم ويمكن هو متضايق اكثر منك بس مايبي يحسسكم انه هو متضايق او تعبان شافك تصيحين قال اقولهاا تراي مبسوط الشكوى لله واناا اختك هونيها وتهوون
|
رد: احد يحس فيني
ياقلبي انتي ماله داعي تتعبي نفسك وصحتك ونفسيتك بعد
هو ماراح عشان يلعب هذا رزقه واكيد عشان يظمن مستقبلكم انتي وعيالك بإذن الله وان ضحك يمكن في قلبه شي ثاني اكيد هو مو مرتاح بس هذا واجبه لوطنه ولازم يرووح قولي الحمدلله على حالك فيه حريم ازواجهم راحو ومارجعوآ والله لايغير عليكم ويجعله زوج الدنيا والاخره ياقلبي ويخارجك بالسلامه ويهون عليك حملك وولادتك خيتوووو |
رد: احد يحس فيني
شكرا على المشاركه حبيت ونا لوحدي احد يسمعني ويحس فيني هذي الايام متوتره ماعندي احد بهذي الديره من حتى اختي الي كانت عندي اليوم تعينت وراحت للمدينه تكمل اجرائات التعيين ماادري من وين اتلاقها
|
| الساعة الآن 05:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .