منتديات حوامل النسائية
صفحة 1 من 2 1 2
عرض 40 مشاركات من هذا الموضوع لكل صفحة

منتديات حوامل النسائية (https://naqatube.com/index.php)
-   إستفسارات مرحلة الولادة (https://naqatube.com/forumdisplay.php?f=96)
-   -   استفسار عن الخياطه الداخليه.. (https://naqatube.com/showthread.php?t=49516)

المستحيله 03-19-2011 04:32 PM
استفسار عن الخياطه الداخليه..
 
السلام عليكم ورحمه الله وبركاته...
الله يعافيكم الي عندها معلومه عن الخياطه الداخليه تخبرني..
انا توي والده وعند الولاده ما سوتلي توسيع تقول ما يحتاج بس قالت عندك شق صغير داخلي وخيطته 4 غرز... وشلون ادري ان الجرح التأم؟؟ ووشلون اهتم بالجرح.؟؟.ووشلون الخيوط تنزل والا تذوب؟؟؟؟
الله يعافيكم ساعدوني ؟؟؟

om sami 03-19-2011 04:40 PM
رد: استفسار عن الخياطه الداخليه..
 
السلام عليكم ورحمة الله وبركاته لا تخافي حبيبتي الخيوط راح تروح او تنزل لحالها حمدالله على سلامتك.hwaml7

يارب ارحمنا 03-19-2011 06:34 PM
رد: استفسار عن الخياطه الداخليه..
 
الخيوط تذوب يااختي لاتخافي وغسلي بماءدافئ وملح انامثلك لسه الخيوط ماذابت
وغسلي ببانوج مطهرممتازللجرح والله يقومك بالسلامه

المستحيله 03-20-2011 06:49 AM
رد: استفسار عن الخياطه الداخليه..
 
الله يجزاكم خير...
اتمنى من الباقين يعطوني تجاربهم مع الخياطه الداخليه...

سعودية الهوى 03-20-2011 07:28 PM
رد: استفسار عن الخياطه الداخليه..
 
لاتخافين على حسب الخيوط منها تذوب ومنها تنزل
استخدمي مرهم ميبو وغسول وتنقعي بمويه وملح ماراح تاخذين 20 الا طاحو ان شاء الله

المستحيله 03-20-2011 07:43 PM
رد: استفسار عن الخياطه الداخليه..
 
الله يعافيكم .. من جربت الخياطه الداخليه.. متى يلتئم الجرح ؟؟ووشلون اعرف انه التئم؟؟
اتمنى انكم فهمتوا الي اقصده... الخياطه جوا ما اشوفه..

احبك ماما 03-21-2011 02:50 AM
رد: استفسار عن الخياطه الداخليه..
 
الف مبروك ويتربى بعزك ودلالك ...
انتي بكر..؟؟

انا جربت الخياطه الداخليه مرتين ...
عادي تنقعي بماي ومطهر سافلون او البتادين .وحاولي تتحركين وانتي بحوظ التنقع عشان الماي يدخل داخل <<فهمتي علي..وتشطفي بماي دافي ...وراح تطيح وتشوفيهاا في الفوطه الصحيه ..او تذوب لحالهاا ..لكنهاا بطول اكثر من الخارجيه لانهاا في محل رطب صعب انهاا تنشف ولتائم بسرعه يبيلهاا صبر ..
انتي اعتني فيهاا زي الخياطه الخارجيه ..وربي يعينك ويقومك بسلامه ..

غلادنس 03-21-2011 07:33 AM
رد: استفسار عن الخياطه الداخليه..
 
انا لي تقريبا الحين 22 يوم وللحين لسه الخيوط موجوده ولسه مكان الجرح يالمني

بس اغسل بماي ساخن ... والله يعين ننتظر اكثر

بس ماتحسين انه اهون بكثير من التوسيع الخارجي

المستحيله 03-21-2011 09:25 AM
رد: استفسار عن الخياطه الداخليه..
 
مشكورين.. على الردود..
صحيح احسن من التوسيع الخارجي... بس العنايه فيها صعبه...الله يعين

غلادنس 03-23-2011 06:52 PM
رد: استفسار عن الخياطه الداخليه..
 
حبيبتي جيت لج وعندي الخبر الاكيد لج

اليوم رحت مستشفى خاص وشالو لي الخيوط

لان حتى انا جرح داخل والخيوط داخل

التأم الجرح ورحت شالوهم لان مايطيحون لوحدهم

انا صاروا ياكلوا فيني ويألموني لما رحت قالت ان الجرح التأم خلاص ولازم تشيلهم

صج يألم شوي بس اهم شي ترتاحي من الحكه والحرار

انا لي 25 يوم من ولدت الحين

انتي شوفي كم يوم لج وروحي المستشفى


الساعة الآن 12:24 PM.
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .