|
للحكيمات واصحاب الراي السديد ابغى حل
السلام عليكم ورحمة الله وبركاته
كيفكم بنات اتمنى تكونوا بخير مشكلتي اللي اتمنى انكم تساعدوني فيها هي أمي الله يحفظها لي ولاخواني يارب بسم الله بابدا بالسالفة .... امي الله يهديها دايما تسمع لكلام الناس وتجي تطبق علينا واجباري نسوي هالشي يعني مثلا يقولون لها ليه ماتجي بنتك عندك في فترة زواج اخوانها عشان تساعدك والمفروض تجلس اسبوع قبل الزواج واسبوع بعده وتجي هي وتقول لي نفس الكلام ومعها زعلة كبيرة اني مااساعدها في التجهيزات ووووو وانا مااحب ازعلها بس بعد زوجي ياخذ في خاطره ايش اللي تقعد اسبوعين بيت اهلها من غير داعي؟؟!! أما السالفة الثانية وهي ليه زوجك مايجيب لك شغالة وبصراحة انا قاعدة في شقة وصغيرة واحس ان الشغالة تضيق علينا وين مايروح زوجي بتكون في وجهه وقلت لها هالكلام بس ماااااافي فايدة المفروض والمفروض وانت عندك بنتين والثالث جاي في الطريق مسئولياتك تزيد وش بتسوين مع شغل البيت ولازم تنهي المكالمة بزعلة اني مااسمع الكلامhwaml15hwaml15hwaml15 طبعا هي عندها قاعدة ان المراة ماتطاوع زوجها في كل شي وان الرجال غدار وانها ماتعطيه كل المحبة مايستاهل وانها غبية اذا سوت كل حاجة هو يبغاها احيانا لو الود ودها تحسب معي مصاريف البيت عشان تحاججني لو قلت ماعنده ودايما هاذي كلمتها يعني معقولة ماعنده؟؟ ادري طولت عليكم بس انا محتاجة حل من غير ماهي تزعل لان رضاها مهم امي وابغى احط حد لهاذي التصرفات بما يرضي الله بليييييييييز بنات ساعدوني بحل |
رد: للحكيمات واصحاب الراي السديد ابغى حل
ياقلبي أنتي هذا دليل أنك تحترمينها ولا تبغين تزعلينها الله يخليها لك
الحل ببساطه يا طويلة العمر سوي اللي هي تبغاه وأن قالت لك شي قولي أبشري وحاضر ومعاها كلمتين حلوين وخليها تحس أن لها كلمه عليك حتى لو تزوجتي بس في الحقيقه شوفي اللي يناسبك وصرفي بأي شي يعني لو سألتك عن الموضوع مع أني أشك أنها راح تسألك لو تجاوبتي معاها وقلتي من عيوني ومن الكلام هذا بتنسى جربي وماراح تندمين بحول الله تمنياتي لك بالتوفيق وبر الأبناء كما تبرين بوالدتك |
رد: للحكيمات واصحاب الراي السديد ابغى حل
هذي امك مهما كان كل شي تقلك سوية عااااااادي هي تعرف مصلحتك حتى لوماتبغي امكن اذاطع
تيها تتيسر حياتك وتطلع احلى بس اهم شي ماترفضين اللي تقولة خليها ترضى عليك في كل شي وبعدين كل اللي قالتة اشياء عادية عشان خاطرها سويها بس ممكن الشغالة تقنعيها انك ماترتاحين واتوقع لوتقنعيها ان اللشغالة موضرورية راح تقتنع وماتقلك شي بس صدقيني ماتقول كذا الا عشانها ترحمك وتحس انك مشغولة بعيالك تقبلي مرورري |
رد: للحكيمات واصحاب الراي السديد ابغى حل
حبيبتي انا رأي انك تسايريها وتاخديها بالكلمة الحلوة واذا قالتلك اعملي هاي الشغلة لا تقوليلها لا احكيلها ان شاء الله يسويها وبعدين انت اعملي المناسب واللي فيه مصلحتك واذا راجعتك بشغلة معينة ليش ما عملتيها احكيلها ان شاء الله بالايام الجاية
اهم اشي ما تزعليها بس بنفس الوقت لا تخربي بيتك ونصيحة اختي حاولي ما تحكي كل اسرار بيتك حتى لامك عشان ما تسمحي للتدخلات الكتيرة اسفة عالاطالة |
رد: للحكيمات واصحاب الراي السديد ابغى حل
حبيبتي هذي امك ولا تزعليها
بس فهميها ان هذا زوجك وانتي عارفه ظروفه وثاني شي ماله داعي تتركي زوجك اسبوعين وزوجك يزعل صح هذي امك بس فهميها الشي غلط ومو عيب البنت تصحح لأمها الشي الغلط وسالفه الخدامه بصراحه هذي ما في احد يرتاح بالخدامه انا شقتي كبيره ووودي بخذامه بس والله مابي اجيب لي زوجي لانه ما راح يأخذ راحته ولا انا بأخذ راحتي ووالله يهديها وهي من حبها تسوي لك جذي بس انتي لا تزعلينها ولا تزعلي زوجك |
| الساعة الآن 06:17 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .