اح ـتواني واح ـتويته 03-12-2011 06:47 AM خذاني وقتي القاسي من الطفله ولعبتها   خذاني وقتي القاسي من الطفله ولعبتها خذاني مع سنين العمر وطفالي نور شمعتها كبرت أكثر وصرت اكبر من الطفله ولهفتها ادون بالشعر أنـا جنون وطيش حكايتها ثلاث اصحاب لها احباب دليل ورمز شقاوتها هذا وذاك عيال الخال والثالث ولد خالتها لعب وخبال بليا اسباب لجل تنشاف ضحكتها لعب اطفال دور عرسان وهذي هي بدايتها ويختلفون هالاصحاب منهو عريس فرحتها وهالطفله عروس صغير تهديهم بصرختها وتقعنهم هم العرسان وكلهم نجوم ليلتها وبالطرحه مع الزفه وصلنا لحد نهايتها وتجي امها لها تنادي تخرب جو جمعتها لبيييه يايمه ركض وتنسى رسوم حفلتها يلا يبنيتي تأخرنا وتناظر عقارب ساعتها تتمتم تو الناس يايمه والروح مخنوقه بعبرتها ليه الحين بس نرجع تصيح وتطيح دمعتها تكفين خليني بس اليوم مع ساره بغرفتها يايمه للحين مامليت من ساره وجلستها ساره تصير للطفله بنية بنت جدتها تحبها مووت هالطفله رفيقة درب طفولتها ترد الأم على الطفله وهي تلبس عبايتها خلاص بس يابنتي خذي ذكرى عروستها وراحت الطفله تودعهم لمعة حزن بنظرتها راحت بعيد عن ذاك المكان خلت فيه همستها واخذت معها للذكرى عروسة ساره وصورتها كبرنا كلنا الخمسه وتركنا الطفوله وروعتها تركنا معها رقتها ولون وذوق وردتها بس بقلووبنا باقي شجوون وطير محبتها ممآآ رآآق لي

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .