|
يومياتي انا واللي حابه تصير رشيقه مثلي ...
بسم الله الرحمن الرحيم
اول شي اسعد الله اوقاتكم بكل خييييير... انا ولدت من ثلاثه شهور تقريبا ...قبل كذا وزني كان كبير يعني 102 ونزلته لحد السبعين ومع الحمل رجع اضعاف ..بعد الولاده الحين 88 وحابه ابدأ نظام رجيم ورياضة وبإذن الله هدفي الاول :80 هدفي الثاني :70 هدفي الاخير :65 ولو وصلت السبعين خير وبركه من الله المهم كتبت هذا الموضوع وراح انزل فيه رجيمي وجميع الانظمه اللي راح امشي عليها ..وراح اكتب ان شاء الله يومياتي عشان اتشجع .. واي وحده حابه تنظم لي وتشاركني تشرفني وتسعدني مشاركتها .. وهدفنا بإذن الله نكسب صحتنا ونستعيد رشاقتنا .. وتتحسن نفسياتنا وترجع ثقتنا بنفسنا .... ارحب بكل اخت حابه تنظم لي بس تكتب وزنها الحالي وهدفها ويومياتها ورجيمها لو مي حابه تتبع نفس رجيمي .. انا بنزل اول نظام راح اتبع وببدأ فيه من بكرا السبت ان شاءالله .. وهو نظام الدكتور فادي وفي كثير جربوه ويمدحونه .. وبسوي رياضه الدراجه الثابته لاني مقدر اخرج من البيت عشان ولدي اللي تقدر تمارس رياضة المشي افضل .. وبشرب اعشاب مساعده من شاي اخضر وكمون وليمون وغيرها .. وراح اكتب كل هذا في يومياتي ... ادعو كل وحده دبا مثلي للمشاركه ..hwaml8 |
رد: يومياتي انا واللي حابه تصير رشيقه مثلي ...
بنتظارك يا الغلا وان شاءالله توصلين مرادك ياارب,,,
|
رد: يومياتي انا واللي حابه تصير رشيقه مثلي ...
الافطار اليومي :
بيضتين مسلوقتين + خياره + مورتاديلا حسب الرغبه ( السبت ) الغداء / سلطه مشكله بدون جزر العشاء / لحم مشوي + زبادي خالي الدسم ( الاحد ) الغداء / دجاج مسلوق او مشوي + زبادي العشاء / 2 بيضه مسلوقه + سلطه ( الاثنين ) الغداء / جبن خالي او قليل الدسم + توست بر + شاي العشاء / لحم مشوي او صدر دجاج مسلوق او مشوي ( الثلاثاء ) الغداء / حبه او حبتين كيوي ..ارجو التقيد العشاء / تونه + خبز بر + عصير برتقال غير محلى ( الاربعاء ) الغداء / شوربة خضار مسلوق العشاء / تونه + سلطه ( الخميس ) الغداء / لحم مشوي + سلطه العشاء / صحن شاورما ( فقط هذا اليوم ) ( الجمعه ) الغداء / دجاج مشوي او مسلوق + سلطه + زبادي العشاء / مورتاديلا + توست بر + لبن اليوم الثامن يوم مفتوح لكن بحذر طبعا هذا الاسبوع الاول وفي تكملة النظام وراح انزله الاسبوع الجاي بإذن الله لان مدة الرجيم شهر وكل اسبوع نظام جديد .. وزي ماقلت اللي حابه تنظم لي تتفضل الدعوه عااااامه .. |
رد: يومياتي انا واللي حابه تصير رشيقه مثلي ...
تسلمين ام تميم وحياك يالغلا
|
رد: يومياتي انا واللي حابه تصير رشيقه مثلي ...
سلام حبايبي كيفكم ..
انا اليوم صحيت الظهر عشان ولدي الله يصلحه سهرني .. المهم فطرت / موتاديلا شريحتين + كأس شاي بسكر الرجيم باقي الخياره خليتها لوقت الجوع وحذفت البيضتين .. الغداء ماتغديت للحين لاني من اول ماصحيت ربطت المشد على بطني وفعلا ماني حاسه بالجوع بس بعد شوي بتغدا والغدا اليوم عباره عن سلطه ... محد فيكم شرفني ليش معقوله مافي بالمنتدى دبا الا انا؟؟؟؟ |
رد: يومياتي انا واللي حابه تصير رشيقه مثلي ...
هلا والله زهرة البنفسج
تو أشوف موضوعك ،، أنـــــــــــــــــــــــــا معك بسوي رجيم ،، بس الجدول ماراح انتظم عليه ،،هههههههه ،،من أولها ،، بكتب يومياتي معك وش أكلت وش سويت ،، يالله أنا وياك نحمس بعض ،، وزني ،،،،،،،68 للأسف كان 63 وأبي انزله سته كيلو ،، واليوم ،،،،أول ماصحيت أكلت رطب ،،وقهوه ،، والعصر ،،تغديت كاس حليب وللأسف حليته سكر عادي ..وربع خبزه بر أنا مسويتها ،،،بس العشاء ،،باقي وشكلي ماراح اتعشاء مرره ماسويت رياضه ،،الدوره جات اليوم hwaml4hwaml4 عندي سير كهربائي ،،بمشي عليه إن شاء الله بكره ،، مشروبي ،،قهوه عاديه العربيه ،،وزنجبيل أخضر بنعناع،، وشاهي أخضر بنعناع ،،،وكلها بدون سكر ،، |
رد: يومياتي انا واللي حابه تصير رشيقه مثلي ...
ياهلا والله خالة سلطان مع انك منتي دبا لكن حياك
طيب ياقلبي والله اني فرحت فيك لاني فقدت الامل ان احد يشجعني قلت شكلي انا بشجع نفسي اكلك كذا كويس بس ياريت تستبدلي السكر بسكر الرجيم انا اخذ تروبيكانا سلم حلو مره ولو ماتحبي خذي ملعقه صغيره وحده باليوم ولا تزيدي عليها |
رد: يومياتي انا واللي حابه تصير رشيقه مثلي ...
انا تغديت سلطه مشكله بدون جزر وشربت كأس لبن قليل الدسم
وللحين ماتعشيت بروح اجلس على الدراجه لاني في البدايه ومنقطعه عن الرياضه راح ابدأ بربع ساعه وبزيد بالتدريج |
رد: يومياتي انا واللي حابه تصير رشيقه مثلي ...
يالله ان شاء الله تكوني رشيقه في الصيف يتفاجؤون فيك
وااااااو مين الحلوه هاذي بس البن مايسوي امساك أو اشربي اكتيفيا |
رد: يومياتي انا واللي حابه تصير رشيقه مثلي ...
بااااااااااالتوووفيق حبااااااااااايبي
اناالحمدلله وزني بالحمل مايزيدواايد وزني صار67وللحين ثابت وماااخذه راحتي نظامي فطوري كاس حليب اوكافي اوشاي وخبزه اوساندويش الغداشوربه خفيفه_بعض الايام مااتغدا العشا رزوايدام واحياناساندويش وبس وبنزل وزني لـ60بس بعدماافطم بنتي لانه مايصيراشرب اعشاب الريجيم واناارضع بتجيهابالحليب |
| الساعة الآن 08:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .