منتديات حوامل النسائية - (يارب سبحانك تحي العظام وهي رميمه) تعالوا طموني في امل اللي بطني يعيش

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

(يارب سبحانك تحي العظام وهي رميمه) تعالوا طموني في امل اللي بطني يعيش

السلام عليكم خوواتي

اللهم اجرني في مصيبتي وخلفني خير منها
بنات في يوم الاربعاء الصباح كنت بيت اهلي وانا حاسه انا اللي بطني من يوم السبت تقربيا معا احس فيه بس قلت يمكن يكون نايم او مايتحرك بسبب كبر الجنين جاء زوجي الصباح يوم الاربعاء اخذني من بيت اهلي قلتله ابي اطمن على البيبي اروح اشوف لاني ماحس بحركته ابد
والله يابنت اني كنت متردده اروح ولا بس ربي اللي الهمني اني اروح دخلت على الطورئ قلت الطفل مايتحرك عندي من اربع ايام قالت الدكتورره يؤيؤيؤ لزم اشاعه قلت يالله ان شاء الله خير الفجعه يوم اشوف الدكتوره وهي تناظر السونار وهي عيونها طايره هذا للي ذبحتني تخيلوا قالت لزم تنويم قلت وش السبب قالت الطفل مافي نبض <<<<<< جعلكم ماتجربون الحظه هذي انا من غير شعور تمسكت معطف الدكتوره وقعدة ابكي ابكي الدكتوره تقولي احتمال يكون خط لا تضيقين صدرك بسرعه سحبت نفسي من غير ماتدري واطلع برا اول من فكرت فيه اكلم امي وانا متهاره من الصيح يعمري امي ضاق صدرها لانها عارف انتي تعبت بالحمل هذا بس الحمد الله على كل حال طلعت برا رحت لزوجي لقيته بسياره هو وولدي ركبت السياره وانا منهاره قالي وش فيك قلتله بنتي مافيها نبض احتمال تكون متووفيه من اربع ايام وربي اشوف زوجي وهي تدمع عينها لان وربي تعلقنا فيها بس الحمد الله
رحت لمستشفى على حسابي اسوي سونار اقول لعلى يكون السونار خربان عندهم ونفس الكلام والله ماتصدقون ان ذيك الحظه كانت رعب لي
رحت لمستشفى وسو لي تنويم ودخلت الساعه10 ونص والله يابنات دخلت غرفة الولاده متاملين ان راح اولد طبيعي بس ماافي طلق ابد سحبوا مني دم وخذوا مني تحاليل بنات وانا بغرفة الولاده اسمع وحده تصيح تولد وربي ادعيلها وانا الله يعلم بحالي وفجاءه اسمع صوووت النونو وربي قاعده اصيح وربي انها احلى لحظه الله يخليها لامها يارب وتقرا عيني يارب بالطفل السليم الكامل يارب
يوم صار المغرب طلعت على مسوليتي لانه يوم اربعاء ومافي اطباء بس بيحطوني تحت الملاحظه انا قلت ماتحمل جو المستفيات بطلع وطلعت انا بيت اهلي الحين بس مازال معي الالم طلق بارد وبطني احس يتكور ويصير قاسي مره ثم يرتخي
بنات بس بسالكم هو في امل ان الله يرد الروح لبنتي واذا ولادتها القها حيء وربي اكتب وانا اصيح على امل ان شاء ان الله يحيي العظام وهي رميمه وربي بنات خايفه تكون ميته واخاف من الحظه اللي يطلعونها مني وشلون يصير شكلها وربي خايفه دعووواتكم لي الله يخيب ظنهم ويحيرالاطباء فيها
يارب
زوجي يقول لا تقولين متوفيه لما ادفنها بيدي بنات دعووواتم لي باليوم الجمعه ان الله يخيب ظنهم وابشركم ان بنتي نفخ ربي الروووح فيها ورجع النبض
يامبدئ يامعيد انك تعيد الحياة وترد الرووح لبنتي يارب يارب يارب دعوواتكم لي