مشكلة
 

السلام عليكم ورحمة الله وبركاته

هل يوجد علاج للمشكلة .. مشكلتها مشكلة : أولا ليست متزوجة وليست متوظفة. جالسة في البيت

هي خجولة جدآ .. وعاطفية .. وانطوائية .. ومو إجتماعية .. و....

كثير تفكر وتتمنى أن تكون إجتماعية لكن لا تقدر .. وتخاف أن تمشي لوحدها في

الشارع لتذهب إلى صديقتها .. وإذا ذهبت زيارة إلى خالاتها مع أهلها تكون وجودها

مثل عدمه .. لا تتكلم يعني ماتسولف . وتكون مبتسمة فقط . ولا تضع عينيها بعين الذي يتحدث معها

هل يو جد علاج أو حل لهذه الحالة ؟وهل يوجد طريقة لتتغلب على الخجل

رد: مشكلة
 

في علاج يمكن تحس اللي حولها مو متقبلها
لازم من نفسها هي اللي تتغير يعني تختلط مع الناس اول مو الناس اللي بعاد مثل اول تبتدي مع اهل بيتها بس.. بعدها هي من نفسها بتواجه الناس اللي بعاد بس يبيلها فتره مو قصيره عشان تتقبل التغيير .. وبتشوفينها تتغير ترى اقولك عن تجربه مني شخصيا ..الحين انا الحمد الله والشيء الثاني ما تفكر وشو بيقولون عنها لما تتكلم لان اصلا مافي احد بيهتم اول بدايه بتهتم وشو بيقولون عني بس اقول ماراح يقولون شيء ويمكن مافي احد يتقبل هذا التغير بس تطنش لمابيتعودون عليها بصير الموضوع عادي

رد: مشكلة
 

إختي .. إش تقصدين بأهل بيتها ، تقصدين مثل خواتها و زوجات إخوانها . تجلس معاهم

أما خالاتها نادر مايزورونهم بالبيت يمكن بالشهر مرة . حتى أهلها مايزورون خالاتها في بيوتهم.

وخوالها منقطعين عنهم مايشوفونهم إلا بالمناسبات . يمكن صار حالتها كذا من أهلها صح

بس ياريت فيه حل . عشان تتغير للأحسن

رد: مشكلة
 

لازم تكمل دراستها وتخطلت وتجتمع مع الناس لازم تكون واثقه بنفسها وتعيد ثقتها بنفسها
ولازم لو في احد في سنها صديقه او اخت يشجعوها بدون مايحسسوها انها نافصه او فيها خلل ويكون افضل انها تجتمع بغير اهلها توسع علاقاتها مو شرط تتعرف اقاربها اهل بيتها الي عيشين معاها لازم يعرفوها على ناس اكتر عشان تخطلت وافكارها تتوسع ومبادى الحياه تتتغير بنظرها وافضل حل انها تدرس اي شي ماتجلس في البيت البنت مالها الا الدراسه الين الله يكتب نصيبها ويحياتي انشالله قدرت افيدك بشي بس انا تقريبا زيها من ناحية الخجل لكن دحين فكيت كتييييير عن اول

رد: مشكلة
 

الله يجزاكم خير ..

بس من ناحية الدراسة ماعتقد تتقبلها .. لأن كثير قالولها ورفضت لأن من زمان تاركة الدراسة بسبب ظروف لها . والحين ما تبي تكمل .. ودخلت معهد كمبيوتر وأخذت الشهادة
والحين حابة تدور على وظيفة بس ما حصلت .. ياريت اللي تعرف عن وظيفة أي وظيفة حتى لو مشغل تقول

وهي في القصيم

رد: مشكلة
 

ايه اهلها اللي في البيت خواتهاواخوانها وزواج اخوانها ..
وثاني بعد يمكن بعد ما عشانها ما تدرس تحس بالنقص ترى بتتجاوزها بس هي اذا تبي تتغير بتتغير مو احد يقولها لازم بقناعه شخصيه وثانيا خليها تدرس بتشوفينها ان شاء مثل ما تبين واحسن

رد: مشكلة
 

ياحياتي عليكي الله يرزقك ياقلبي بولد الحلال ويرزقك بالوظيفه والله لازم تدورين على وظيفه يالغلا حرام عليكي تضلين محبوسه كذا ياقلبي خطلطي مع البنات وكوني واثقه من نفسك يالغاليه ماعندك صديقة او بنات خالتك بنت عمتك علشان تقدرين تسولفيم معاهم ياقلبي
والله ياقلبي انا كنت مثلك لاتخافين قبل لاتزوج بعد ماتزوج الله لايوريكي مااسكت حتى اهلي يقولون انتي ماتسكتين ولا دقيقه ههههههههههههههههههه اول كنت سحويها وخجوله والحين ههههههه راح الخجل كلها فديتني ^ـــ^ انا اقولك توظفي افضلك ياعمري علشان تقدرين تخطلطين في المجتمع

الله يوفقك ياعمري وراح ادعيلك يااختي

رد: مشكلة
 

سيدة الغرام .. الله يجزاك خير على الكلام اللي قلتيه

هي دورت على وظيفة و ماحصلت والحين تفكر تدخل دورات بس مادري حصلت ولا لا.
هي عندها صديقات وبنات خالتها بس مايزورونها .. يتكلمون بالتليفون والموبايل وبينهم مسجات بس
الله يعطيكم العافية