|
**كبسة سمان ولا أطيب منها **
http://up.hwaml.com/download.php?img=1750
من أول كان في بالي أنزل لكم من طبخي لاكن ماصرت لي فرصه وأجت مسابقة المشرفه العزيزه روح الورد وتحمست أني أنزلها لكم .. وطبقي اليوم غير وكانت أول مره أجربه وأتهور وطبخه إلي أهو الدجاج السمان (كبسة سمان ) وعذروني أني ماصورت الخطوات لأن ماتجتمع تصوير وشغل وأنا أحب لامسكت الشغله أضبطها ولا أنشغل بغيرها .. لاكن بشرح لكم الخطوات وبالتفصيل .. المقـــــــــادير : دجاج سمان أستخدمت 12 حبه .. بصله كبيره +ثلاث فصوص ثوم .. معجون طماطم .. دارسين العدد 3 أعواد وسط + ليمون أسود 2 وسط.. زيت للقلي .. بهارات مشكله ( أشتريها من العطار حب وأطحنها )+ فلفل اسود ملعقه صغيره+ ملح .. رز ( أستخدمت رز الشعلان ) فلفل أخضر .. الطريـــــــــــــقة : حمست البصل على نار هاديه إلين تغير لونه أضفت الثوم لين طلعت ريحته وحطيت السمان وأكيد بعد ما أنغسل ونظف عدل .. مع التقليب خمس دقائق ومن ثم معجون الطماطم والبهارات المشكله والفلفل الأسود والليمون والدارسين .. وثم مويه مغليه المفروض لغمر الدجاج فقط أنا زدت المويه عليه .. وأضفت الملح ( حتى ما أنساه hwaml7) ويكون شكله واضح إذا أستوى ومايطول .. الرز يتربص بمويه دافيه + ملح .. وهم الزبيب بمويه دافيه بعد غسله وتنظيفه.. وبقدر ثاني : شوية زيت +دارسين العدد3 صغيره + قرنفل العدد4+وهيل حب على حسب رغبه خليتهم على النار ثلاث دقايق ثم أضفت الرز وقلبته شوي وأضفت ماء ماكثرته لأن الرز أتربص زين ( فيه من يحب يطبخ الرز بالمرق الخاص بالسمان أو الدجاج أو اللحم والكل بحسب مايرغب أنا طبخته بمويه فقط لان إلي عندي مايحبونه لانه يكون دسم ) أضفت شويت ملح وعليت على النار .. والحين جاء دور الزبيب على نار هاديه جداً يحمس البصل جوانح لحد ماتغير لونه لبني فااااتح أضفت الفلفل الملون (أخضر +أصفر +أحمر +برتقالي) ومع التقليب خمس دقائق أظفت الزبيب ووشوية مرق من السمان ملئ الفنجال فقط .. وماننسى الرز نكون منتبهين لحد ماينشف من المويه أنوطي النار حيل ونظيف لرز الفلفل الأخضر وحده تكفي ويسكر القدر ونخلي الرز يطبخ على بخاره .. لانشفت موية الزبيب نظيف من الرز إلي سويناه عليه المقدار إلي تحبين وتظيفين عليه موية الزعفران ومع التقليب حتى يتوزع الرز مع الزبيب والبصل والفلفل أنا أضفت معهم بطاطس مقلي مقطع صغير ومع باذنجان وغطيناه لحد وقت التقديم .. و النتيجة عند التقديم : http://up.hwaml.com/download.php?img=1751 http://up.hwaml.com/download.php?img=1749 وفي النهاية ماننسى http://forum.hwaml.com/imgcache2/hwa...534287_916.jpg وأتمنى يكون أعجبكم وأي سؤال أنا حاضره ,, |
رد: **كبسة سمان ولا أطيب منها **
مشاااااااااااااااءالله تسلم ايدييييييييييييييييك ياااااااااالغلااااااااا
وتقولي لي بالرسايل موشي الاشي واااااااااااو مشاااءالله ... |
رد: **كبسة سمان ولا أطيب منها **
ربي يسلمج يالغاليه وكلج ذوق ..
سعدت بردج وربي يعطيج العافيه ,, |
رد: **كبسة سمان ولا أطيب منها **
تسلللللم ايــــــديك ياروووووحي طيبه كتييييييير ..
ربي يعطيك الف عااافيه .. فديــتتك ياعسسل .. |
رد: **كبسة سمان ولا أطيب منها **
وااااااااااااااااو شكلها مرة مشهية
تسلم الايااااااااااادي الله يعطيك الف عافية |
رد: **كبسة سمان ولا أطيب منها **
صباح الورد
مشاءالله عليك وربي شي حلو اول امرره اشوف السمان كبسه شي جديد علي ان شاءالله بسويها الله يسلم يدينك من النار |
رد: **كبسة سمان ولا أطيب منها **
ما شااااااء الله عليكى سمسومه
ربي يعطيك الف عافيه على المجهود تسلم الايااااااااااااااااااااادى حبيبتى |
رد: **كبسة سمان ولا أطيب منها **
يااااااااااااااااااسلااااااااااااااااااااااام يااااااااااااااااااسمااااااااااااااااااااااسم
أبدعتي............... بس غريبه السماااااااااااااااااااااااااااااااان مااااااشردت يوووووووووووم جيتي تنتفين ريشهااااااااااااااا........×خخخخخخخخخخخخخخخ منوووووووووووه فيه شده يلحقهااااااااااااااااا |
رد: **كبسة سمان ولا أطيب منها **
ماشاء الله تبارك الرحمن
الله يعطيك الف عافية غلاتووو طريقة جديدة للكبسة ورااااائعة ماشاء الله عليك تسلم ايدينك |
رد: **كبسة سمان ولا أطيب منها **
لبيه سمسومة قلبي على هالعشا بس هالسمان
|
| الساعة الآن 12:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .