منتديات حوامل النسائية - تشيز كيك الاوريو

http://forum.hwaml.com/imgcache2/hwa...106869_554.jpg

هالتشيز كيك ماخذته من موقع كرافت.. وطلع تشيزي مثل ما يحبه اخوي ومن كثر ما عجبته طلب اني اسويها مره ثانيه حق الديوانيه ... بالنسبه لي حسيتها ثقيله والناس اذواق :> ..وحسيت انها محتاجه كريما تخفف ثقل الجبن لقيت وصفه نفسها بنفس موقعهم بالضبط بس كميه الاوريو في البيس مع الزبده زياده و فيها ساوركريمبهاللينك... الصراحه ما ذقتها راحت سيده ديوانيه اخوي وعليهم بالعافيه... انا بذكر الطريقه الثانيه بس بحجم الاولى لان صينيتي وسط :>

المقادير:
-كوب اوريو مطحون ( اهم كاتبين 30 حبه )http://forum.hwaml.com/imgcache2/hwa...106869_519.jpg
- 2 م ك زبده ذايبه ( اهم كاتبين ربع كوب)
-3 حجم عائلي جبن فيلادلفيا ( 300 غ ) او 4 من حجم 8 اونص
-كوب سكر
-4 بيضات
- كوب كريمه حامضه
-1 م ص فانيلا
-20 حبه اوريو ارباع.. تقدرون تستخدمون بداله الميني

الطريقه:
نسخن الفرن على درجه حراره 170 ... وانا اسوي خطوه احتياطيه تعلمتها من مارثا ستيورات اغطي القالب بقصدير عشان لا تطلع الحشوه برا من القاعده

http://forum.hwaml.com/imgcache2/hwa...106869_685.jpgناخذ الاوريو ونضيف له الزبده ونحطه بالقاع ونضغطه بقاع قلاص عشان يثبت وانا ارده الثلاجه عشان تجمد الزبده بالاوريو

http://forum.hwaml.com/imgcache2/hwa...106869_314.jpg نخلط الجبن مع الكريماhttp://forum.hwaml.com/imgcache2/hwa...106869_610.jpg
نضيف باجي المقادير ونخلطها لين تتمازج عدل ( السكر والفانيلا والبيض )

http://forum.hwaml.com/imgcache2/hwa...106869_927.jpg

http://forum.hwaml.com/imgcache2/hwa...106869_697.jpg نضيف الاوريو ونخلط بالقفشه او السباتشولا عشان لا يتفتت الاوريو

http://forum.hwaml.com/imgcache2/hwa...106869_878.jpg نحطه بالقالب وندخله الفرن من ساعه الى ساعه وربع.. السنتر مرح يكون ثابت 100% وعادي بيثبت بالثلاجه :>... بعد ما نسكر عليه نخليه يبرد قبل لا ندخله الثلاجه.. انا اخليها بالفرن بس ابطل الباب واخليها ساعه ونص تقريبا

http://forum.hwaml.com/imgcache2/hwa...106869_813.jpg
ندخلها الثلاجه تبرد يوم كامل قبل التقديم .. زينوها حسب الرغبه وبالف عافيه

http://forum.hwaml.com/imgcache2/hwa...106869_137.jpg