|
للي ولو قيصري :( ياليت احد يجاوبني
السلام عليكم ورحمة الله وبركاته
مساء صباح الخير انا الحمدالله ولدت على خير ولله الحمد في كل الاحوال ولدت قيصري بس عندي كم سؤال بحكم خبرتكم الله يرزقها كل خير وييسر لها كل عسير اللي ترد علي لاني مرة محتارة ومادري من الجأ له بعد الله غيركم * الدكتورة ماعطتني موعد فمادري اذا لازم اراجع والا لا ومتى ؟ * بالنسبة للخياط انا توي طلعت من المستشفى يعني لي من ولدت 4 ايام وقبل ماطلع غيرو ضماد الخياط متى افكه ووشلون اعتني فيه * نصحوني استخدم عالخياط عصار ميبو ع الخياط فمادري كم مرة احطة وكيف * متى تقدر الوحدة تقوم من فراشها عادي :( *بالنسبة وانتو بكرامة البراز متى الوحدة تتبرز طبيعي لاني ماحس اني تبرزت عادي وخايفة يكون عندي التصاقات او شي كذا لاني بالمستشفى ماتبرز الا لما يعطوني تحاميل او شي زي كذا ولا احس انه طبيعي * الكحة متعبة مع العملية وش اسوي :_( اخيرا وليس اخرا اكيد في اشياء اخطيتو فيها وقت النفاس مع العملية ياليت تنصحوني لاني مره متوهقه وضاااااااايق صدري |
رد: للي ولو قيصري :( ياليت احد يجاوبني
اولا الحمد لله ع سلامتك
وبالنسبة لاسئلتك ترى انتبهي تضحكي مع الحريم لان زي ماقلتي الكحة وكمان الضحك والعطس يخلوكي تشدي العملية وتعورك وعن سؤالك ( متى الواحدة تقدر تقوم من فراشها عادي ؟) يختلف من واحدة للثانية انا كنت احتاج من يقومني من الفراش اول خمس أيام وبعدين صرت اقوم لوحدي الحمدلله وبالنسبة للعملية انتي ارجعي للدكتورة مابين 7 إلى 10 ايام هيا يمكن نست ماتكلمك او يمكن حسبت ان عندك معلومة لانه ضروري ترجعيلها لان في غرز في الجوانب ضروري تسحبها وتشيل لك الضماد ومن بعدما يشيلولك اللاصق خلاص تعتني بنفسك من باب انك تمسحيها بالمسحة الطبية عدة مرات باليوم في حريم ينصحوكي تمسحيها بالمرة كمان بس ترى السوائل تضر العملية وتخليها تطول لين تتعافى وكمان ذي الفترة لمن تتروشي لاتوصلي المويا للعملية غسلي اطرافك وصدرك بطريقة ان المويا ماتوصل لبطنك وبعدما تشيلي اللاصق عادي تروشي بس نشفي مكان الجرح كويـــــــــــــــس وما اعرف ايش هوا عصار ميبو !!! انا ماحطيت شي غير مسحه بالمسحة الطبية من لمن فكولي اللاصق بعد عشر ايام ومن بعد اسبوعين بدأت امسحه بالمرة المنقوعة شي بسيط وبالنسبة للحركة عادي امشي ح تحسي تعب بالبداية بس بعدين ح تحسي نفسك خفيفة تقدري تمشي الصعب عليكي هو النهوض ثم الاستلقاء اما المشي مايتعب وحاولي تسترخي لمن في ضيوف لاتتكلفي وتجلسي او تنحرفي ع جنب لو انتي منحرجة من الحريم انك منسدحة.. عادي خلي وراكي مخدات كثيرة عشان تكوني شبه جالسة واهم شي انتبهي تنامي ع جنب لانه بيفك الخياط من الجنب وبالنسبة للتبرز انتي اصلا اغلب طعامك كان سوايل الايام اللي فاتت لذلك طبيعي مايكون متجمع في امعائك شي وياليت تكثري من السوائل ذي الفترة عشان مايكون البراز صلب لانه لمن تدفعي مع التبرز تألمك العملية وبالنسبة للنصايح مع النفاس ترى كلي عادي اكل الوالدة وكثري من الحبوب السمرا واللحم او الدجاج لان هذي تقوي الجسم وتعافيكي بسرعة ولاتشيلي اي شي اثقل من مولودك وارتاحي قدر الامكان بس لاتنسي المشي لانه يسرع بالمعافاة اما الملابس الداخلية اكيد بيوجعك الكلوت لمن يكون فوق العملية البسي اوسع من مقاسك وحطيه من فوق السرة واذا كان مازال عندك التهاب من القسطرة فاكثري من السوايل عشان يخف الالتهاب بسرعة واشتري غسول من الصيدلية يريحك من الالتهاب لو كان فيكي وان شاء الله ماتكوني تحسي بألم من التبرز لانه انا صار عندي شرخ في المستقيم وماتعالج الا بكريم من الدكتور هذا اللي اذكره حاليا والله يعافيكي ان شاء الله نسيت اقول في مشكلة عويصة تواجه الوالدات قيصري وهي الغازات بسبب فتح البطن يدخل هوا تقدري تقلصيها بالاستغناء عن الحليب نهائيا استبدليه باللبن او اي شي فيه كالسيوم وشوفي في النت ايش المأكولات اللي تسبب غازات وتجنبيها واذا كانت الغازات تتعبك جدا كلمي دكتورتك وهيا تعطيكي دواء ليها شوفي موضوعي ذا ممكن يفيدك http://forum.hwaml.com/t33365.html كل شوية اذكر معلومة واجي هنا اعدل الرد واكتبها اكيد بيجي ببالك موضوع الربط على البطن بالمشد ترى راجعت دكتورتي بعد شهر من الولادة عشان موضوع مانع الحمل وبالمرة سألتها :هل عادي اربط مشد ع العملية؟؟؟ قالت : عادي , بس المشد من غير رياضة يرهل البطن , والافضل هي التمارين لوحدها هيا شرحت لي تمارين اللي تنزل الكرش تقدري تلقيها هنا بالنت لو دورتي بس بدري عليكي موضوع التمارين واذا تبغي تلبسي مشد ع بطنك استني شوية لمن تتعافي ولا تلبسيه الا لمن تنامي عشان يشد البطن لتحت من غير ترهل والافضل انك ماتشديه عشان مايجرح العملية انا مالبسته غير يومين وتعبت منه حسيت الجرح يوجعني منه |
رد: للي ولو قيصري :( ياليت احد يجاوبني
اقتباس:
انا راجعت بعد 10 ايام بالضبط وانا خياط تجميلي .. اقتباس:
برضو قالي الدكتور اذا طلع عادي اهم شئ المسحه الطبيه من ثلاث الى اربع مرات وكنت امسح بــ مر منقوع بماي مره في اليوم بس خفيف يعني بدون ماابلل الجرح اقتباس:
الصراحه لااستخدمته ولااتوقع انو حلو علشان مايزيد ليونة الجرح ومايطيب بسرعه .. اقتباس:
عادي كنت اقوم واريح اشوي وامشي كثير احيانا امشي ساعه الصبح وساعه بالليل لان المشي حلوو لاكن لاتعبين نفسك انا قالي الدكتور اذا تعبتي من المشي ريحي وامشي اقل شئ ربع ساااااااعه اهم شئ تمشين اقتباس:
اكثر شئ تعبني بس كنت اكثر سوائل وابعد عن الحليب احيانا اكل ملوخيه اقتباس:
خخخخخخخخخخخخخخخخخخخخخ مؤلمه بس حمد لله ايام وتعدي واخذي لها شوية عسل تهديهااا اقتباس:
عني انا كنت مبتعده عن الرز والمكسرات واقللل قد ماقدر من الحلااااااااا واكل تمره مع رشاد كثيررر وعصيررررررررررررررررات بس اهم شئئئئئئئ اكثري من الاستغفااااااااااااااااااااااااااااار خصوصا وانتي تمشين راح ترتاحين ويوسع لك الله في رزقك ويبارك في ولدك واتمنى افدك اختك زفاااااااااااااااااااااااااااااااف دعواتك لي بالولد الصالح المعافىى ^_* |
رد: للي ولو قيصري :( ياليت احد يجاوبني
ام اسكندر يعطيك الف الف العااافية
مشكورة ياقلبي افدتيني كثير ياقلبي الله يفرج يريحك مثل ماريحتيني |
رد: للي ولو قيصري :( ياليت احد يجاوبني
:(
وين الباقين |
| الساعة الآن 06:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .