|
مشكله صديقتي تحتاج مساعدة
مرحبا
عند صديقتي مشكله وقلت بطرحها هني أكيد بتجاربكم تساعدوها مشكلتها زوجها كثير صامت مايتكلم معها في شي وكتوم وهي ماهي عارفه ايش تسوي دائما هاملها ليطلعها ويتحجج بالشغل حتى في يوم إجازته يقول تعبان ماليخلق طلعه وهي جميله وماعليها كلام تصدقوا هو من النوع ألنكتي واجد يسولف من أصحابه والمقربين وهي قليل مع انو يحبها وهو اختارها من قبل كل يد لعها أخر دلع بس ها ألسنه ماتدري ايش صار فيه تحاول تفتح مواضيع وتمزح بس هو مايتجاوب مها يهز رأسه ويشغل نفسه بالتلفون هي الشي محيرها ليش منقلب عليها كذي ولاتقولو يعرف وحدة لا هو يحبها وما عنده هالسولف حتي لماتزعل منه مايفكر يراضيها وكله يقول ماعندج سالفة او يتهرب مايحب يواجه المشكلة إلي بينهم شنو الحل تعبت الله يجزيها كل خير من ردت hwaml13hwaml7 |
رد: مشكله صديقتي تحتاج مساعدة
يمكن السنة اللي فاتت اللي هو كان كويس فيها ماوجد منها اللي بدو اياه
طبعا بكون شي معين ما تكلم هو معها فيه بصراحة او كلمها وه يما طبقته فغير من اسلوبه ومعاملته وممكن صديقتك من النوع الممل نوعا ما الله يعينهم |
رد: مشكله صديقتي تحتاج مساعدة
والله الرجاجيل كل سنه اردى من الثانيه
استغفرالله بس الحين زوجي كذا هو صامت خلقه بس اول كان مايرفض لي طلب واروح اتمشى كثير واروح الرياض والخبر ويراضيني والحين تعالي شوفي والله اتطلبه اروح الريااض بنتي ماعندها بجامه تلبسها ولا انا ماعندي عبايه والله عبايتي هاريه واعذارة ياكثرها |
رد: مشكله صديقتي تحتاج مساعدة
الله يكون في عونها ...الافضل تحاول انها كل يوووووم تسولف عليه وتهذر على راسه وتكثر اسئله ...عشان ينطق وبكذا يتعود على السوالف ...وبتشوف اذا ماتكلمت معاه هو بيكلمها ويسولف عليها من نفسه...
والله يهدي سرهم لبعض ياااااااارب |
رد: مشكله صديقتي تحتاج مساعدة
انا مع كلام آختي طيبة القلوب
وتجرب تشاركه بشي الي يحبه ويتابعه عشان تفتح بينهم حوار هو يحب يتكلم عنه ومع الايام تفهمه اكثر يمكن هو ميوله غير وهي غير الصداقه بلعلاقه الزوجيه لها دور بعد لتفاهم ه>ا بعد حل ثاني غير الي قالته اختي وتغير روتين البيت مثل موقع الاثاث ومن ستايلها واسلوبها يعني هيك شي والصبر الصبر الحياهـ كلها يبيلها صبر مافي شي من يوم وليله يتغير مع الايام كل شي يتعدل وبنهاية الدعاء هو مفتاح القلوب وربي يهدي سرهم |
رد: مشكله صديقتي تحتاج مساعدة
مشكورين وجزاكم الله خير بس ياريت الي مرت بالحاله هذه تشاركنا بس هي تقول اني مومقصره معه في شيء
المشكله دوامه يخلص اخرالليل ومايرجع البيت يطلع مع اصحابه واذا رجع مايروح لها الغرفه لانهم عايشين مع اهله يجلس تحت بروحه وهي تنتظر في النهايه تتملل وتنام واليوم الثاني يروح الدوام نفس الحاله كل يوم حتي مايبيها تتصل تكلمه وهو في الدوام الله يهديه شنو هالحاله مافي تواصل بينهم الله يعينها |
رد: مشكله صديقتي تحتاج مساعدة
انا اشوف الرجال متقلبييييييييييييييين واذونا معاهم
انا بداية زواجي زوجي سمن على عسل مره طيووووووووووب وكله غزل فيني وحركات اخذنا سنه تغيرررررررر احس مو مثل قبل والله فعلآ الرجال كل مالهم ويصيرو اردى من قبل عورو قلوبنااااااااا واذونا ياليت بس جالسين بيت اهالينا اريح لنا واحسن.. وقولي لها لو بتجلس تتابع فيه وتلاحقه بتتعب ماايبغون الشي الإ بمزاجهم واذا بغو الشي جاو لك يتمصلحون ويتميلحون واذا خلصو من الحاجه رجعت حليمه لعادتها القديمه والله المستعان |
رد: مشكله صديقتي تحتاج مساعدة
صدقيني اختي معظم المشاكل بين الازواج متل هالمشلكه
................الله يعينها خلاص تتصرف مثله ....... |
| الساعة الآن 08:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .