|
حروف البوؤح
السلآم عليكم http://forum.hwaml.com/imgcache2/hwa...640638_209.gif
أسعد الله أوقآتكم بكـل موده http://forum.hwaml.com/imgcache2/hwa...640638_209.gif رآح أبدأ بدون أي مقدمآت الموضوع وبأختصارعبارة عن : حروف ابجدية متتالية لنبدأها بسلسلة من البوح من حرف الألف ليأتي العضو بكتابة خاطره او همسة او ما يجود به نبض قلمه او شئ منقول يعبر عن نفسه لتبدأ بنفس الحرف المطلوب وهكذا تتوالى الحروف تباعا وصولاً إلى حرف الياء وتكرر العملية تلقائيا في حال وصولنا إلى حرف الياء آمل أن تنآل هذه الابجديه على ـآ أعجآبكم http://forum.hwaml.com/imgcache2/hwa...640637_700.gif * وَ أتمنى ـآ التفآعل * بلييز مآبي ردود سطحيه مثل يسلمو _ يعطيك العآفيه ... الخ واذا بغيتو تردون اتمنى ـآ تشآركون باللعبه أن ششآء الله الموضوع مآيكون مكرر وبسم الله نبدأ بحرف أ |
رد: حروف البوؤح
راح ابدا بقصيده لشاعر الامير عبد الرحمن بن مساعد
استاهلك ابسألك .. هو أنا استاهلك ؟! استاهل الدمع اللي جرّح وجنتك ؟ استاهل اني اعشقك ؟ ابسألك عن حالنا .. انتي وانا ياللي احس .. انك انا حالنا ما هو غريب انّا نكون متأكدين ان الفراق ما هو بعيد بالرغم من جرح السنين عشقنا دايم يزين ماهو غريب .. اني لو مرة في همي نسيت وبكلمة جرحتك قبل ما تتألمين .. اللي ينزف هو دمي ابسألك ماهو غريب .. استاهلك ابسألك لو قلت لك ان الحنان اللي في قلبك ينبت من الصخر الزهر .. وان النهار اللي في خدودك يخلي النسمة عطر .. وان العذاب اللي في عيونك يعلّم الناس الشعر .. ولو قلتلك اني احبك اكثر من هموم البشر وكثر الجفا وكثر السهر ... لو قلت لك وانك اقرب من عيوني للنظر كل الذي اقدر اقوله واللي ما اقدر اقوله استاهلك .. حبيبتي ؟! وباجاوبك .. للأسف ما به احد يستاهلك تقبلي مروري سوسه |
رد: حروف البوؤح
بعض الكلام أحيان خنجر.. وسكين
إن ما طعن شق الصدرحيل.. وأدماه واللي سأل عن إبرة البنج.. مسكين للبنج وقت إليا انتهى صاح ويــلاه تـــــــــــــــــــــــــــــــــــــــــــــــــ ــاء |
رد: حروف البوؤح
تاهت بي جميع العناوين قلت الوداع وجاوبـت دمعـة العيـن تجـرح بساتيـن الخـدود النديـه واغضت وشفت بعينهـا الحزن حزنيـن وصاحت على الفرقا انـا مـو قويـه وجاوبتها ارجـوك تكفيـن تكفيـن والله دمعك يشعـل النار فـيّـه وقالـت تعاهدني عـهـاد المحبـيـن الله يخـون اللـي يخـون بخويّـه قلـت ابشري واللـي خلقـك لاتظنيـن حرااااام ماغيرك عشقـت آدمـيـه وقصّت شعرها قلت انـا وش تسويـن قالـت ابـي مـن غرتي لـك هديـه ونادتنـي الغربه علـى الهـم والبيـن احسّـب الأيـااااام روحـه وجيّـه وفي كـل ليله ترتسـم بيـن رمشيـن خيالهابيـن الـرمـوش الشقـيـه غربة سنه فـي ذمتـي غربـة سنيـن متى علـى الله يلتقـي الحـي حيـه خلاص هانت مابقـى غيـر يومـيـن خـلااااااااص قفّت غربـةٍ جرهديـه ورجعت شوقي في خفوقي براكيـن ورجعـت انـا كلـي لها جاذبـيـه وسألت ما ردّوا وانا اصيح هي وين وكلٍ نثر مـن داخـل العيـن مَيّـه وفـي معمعـة حزني تلقيـت رمحيـن قالـوا توفـت غافلتـهـا المنـيـه وفـي غرغرتها ماذكرت غيرحرفيـن تشهـدت بسـمـك شـفـاه البنـيـه وتزاحمـت فـي داخلي ألـف سكـيـن والحزن يطويـنـي ثمانيـن طـيّـه صدمه وجابتنـي علىالارض نصفـيـن وشلـون راحـت دون ذنـب وخطيـه تكفون دلـونـي علىالقبر هالحـيـن مـاعـااااد فيـنـي للصبر مقـدريـه ووقفـت اطالـع قبرها بيـن نصبـيـن وجلست اضـم اغلـى النصايـب عليّـه واصيح وش بك يا غلا مـا ترديـن اشتقـت همس إشفاهك النرجسـيـه وش فيك جيت من السفر مـا تهليـن ماهي بلك عـاده ولا انتـي رديـه وحاولت في لحظة جنون اجـرح الديـن وازيـح تـربـة قبرهـا فـي يـديّـه وبالغصب شالوني حشـا تقـل مسكيـن واصـرخ بهم والله والله حـيّـه اقفت وتاهـت بـي جميع العنـاويـن والحـزن يلعب داخلـي سامـريـه ورجعت لـدروب الشقـا قبـل عاميـن مدري مـن اللـي صـار فينـا ضحيـه |
رد: حروف البوؤح
هوانت ناديت وإلا الصوت يخيلي
يامن ضلوعي إذا ناديت سمعنك أشتقت لك حيل وودي أسئلك قلي أشتقت لي وإلا طيوف الشوق ماجنك |
| الساعة الآن 12:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .