|
كيف انزل جنين ميت
اخواتي في الله انا حامل في الاسبوع التاسع واخبرتني الدكتورة الخاصه ان الجنين متوقف نبضه في الاسبوع الثامن وذهبت للمستشفى اكدو لي نفس الشي وعطوني موعد بعد اسبوع الحين صار لي يومين من وقفت الدوفاستون وبديت اشرب قرفه بس ما نزل مني شي وما احس باي شي فحبيت اسال البنات اللي مرو بنفس حالتي ايش اشرب او اسوي علشان ينزل في البيت مابي اروح المستشفى لاني جربت الطلق الصناعي في اجهاضي السابق وكان في الاسبوع ال19 فمابي اعيد التجربه المؤلمه مرة ثانيه فالله يرزقها بالحمل السليم الثابت اللي تساعدني قبل موعدي 28-2
|
رد: كيف انزل جنين ميت
اشدعوه بنات 6 مشاهدات ةلا حتى دعوة الله يسامحكم
|
رد: كيف انزل جنين ميت
الله يعوض عليج اختي ويرزقج بالدريه الصالحه انشالله
اختي لاوم تتابعي عند الدكتوره مدام اعطتك موعد الاسبوع الجاي لا تسوي شي ابد واتريي اذا مانزل بروحه لازم تسوي تنضيف والله يعينج ويصبرج |
رد: كيف انزل جنين ميت
حبيبتى لا تخافى وربى يعوضك بالخلف الصالح ان شاء الله .
بس يا حبيبتى انتى ما ينفع تنزليه بنفسك وان شاء الله تتبعى مع الدكتوره وهى بتفيدك ... بس اللى انا عارفه ان القرفه حلوه لانها بتفتح الرحم وبتسهل نزوله . حبيبتى انتى ممكن تطرى تعملى عمليه تنظيف لو احتجتى . بس لو لازم تعملى اعمليها لان بقايا الحمل فى الرحم بتعمل مشاكل وتاخر للحمل ... ربنا يعوضك ويعوضنى بالذريه الصالحه والحمل العاجل غير الاجل يارب ... بس انتى استودعيه عند ربك ويااارب لا اله لا الله وحده لا شريك له له الملك وله الحمد وهو على كل شئ قدير سبحان الله الحمد لله الله اكبر لا حول ولا قوه الا بالله العلى العظيم |
رد: كيف انزل جنين ميت
حبيبي لاتخافي انتي كان اجهاضك المره الي قبل في الاسبوع 19يعني الجنين مكتمل النمو وحجمه كبير عشان كذا تألمتي بس المره هذي راح يكون الألم أخف ماأقولك مافيه الم لا فيه بس بشكل أخف من الي قبل أقلها اذا كان معك نزيف شديد ماراح يعطونك تحاميل تفتح الرحم ولاشي على طول بيدخلون غرفة العمليات واذا كنتي ماتبين تسووين عملية التنظيف عليك بالمشروبات الساخنه مثل القرفه وغيرها
والله يعوض علي وعليك ياقلبي وكل شي بأجره وان شاء الله اربي بيرزقني وبيرزقك وكل محرومه (ربي لاتذرني فردا وأنت خير الوارثين ) |
رد: كيف انزل جنين ميت
أختي ريماس أسأل الله العظيم أن يعوضك خير مما فقدتي ونصحية من أختك لاتروحين المستشفى مادام ميت وحجمه صغير أنا قبل اسبوع سقطت لكن يبغى منك صبرواحتساب اصلا كذا او كذا هو راح ينزل إصبري عليه وانتظري لين ينزل أنا جلس ببطني 3 اسابيع ولاتخافي مايسوي تسمم حمل لنه اصلا صغير بنفس عمر جنيني لذا أنصحك تشربي مغلي القرفة مع القشروالزنجبيل والسكر اعمليها مثل القهوه وحطيها بترمس وطوال يومك أشربي منها وكل يوم الصباح قومي اغلي حليب وحطي فيه عشبة مريم بعدما تكوني طحنتيها وحطي ملعقه كبيره يوميا لين يبدأ ينزل معك افرازات وبعدين يجيك ألم انا ماكان عندي ألم ولا اي دم ولا شيء ولكني أسبوع كامل وانا اشرب يوميا واقوم بشغلي العادي في البيت وراح يبدأ مغص ويشتد ويشششتد ويشتتتتتتتد ويروح ويجي وكل لحظه أقوى من الثانيه إنتي ادعي ربك وأقرأي سورة الزلزلة قد ماتقدري واستغفري كلما جتك راحه بين لحظات المغص والله والله والله إذا صبرتي وصابرتي راح تنزليه في البيت ولاتحتاجي تنظيف ولا لعب من الدكتوره والسسترات في رحمك واستمري على القرفة حتى بعد التسقيط وحتى وان رحتي بعده وسويتي اشعه وقالت لك الدكتوره باقي بقايا في الرحم لازم تنظيف او إبر تنزيل لاتعمليها أبدا لأن هذا طبيعي لأنه اول يوم تسقيط ولابد يكون فيه بقايا دم وقطع صغيره راح تنزل مع النزيف العادي زي الدوره تاخذ من اسبوع لأسبوعين انا سقطت الخميس اللي فات الفجر جلست من يوم الأربعاء العصر الساعه 5 إلى الخميس الفجر الساعه 4وأنا مغص يروح ويجي ويشتد ومافي دم كثير (الله يكتب الأجر بس) ولما رحت يومها الصباح الساعه 8 قالت الدكتوره باقي بقايا ولازم تنظيف قلت لها ماابي التنظيف قالت على الاقل تنويم ونعطيك مغذي وابر تنزل البقايا قلت لها طيب يادكتوره البقايا دم راح ينزل طبيعي مادام الجنين والمشيمه نزلت قالت يمكن ويمكن لا قلت لها معليش مابي تنويم ابرجع بيتي واشرب قرفة وسوائل ساخنه وباذن الله بيخرج كل شيء ولو جاني نزيف او تعبت راح اجي او اروح لأي دكتوره عادي قالت خلاص تطلعي على مسؤليتك قلت لها توكلت على الله بطلع على مسؤليتي وكتبت لي علاج وطلعت على مسؤليتي وطول الأسبوع وانا اشرب قهوة قرفة مع الزنجبيل وعشبة المدينة وآكل تمر لأن الشيخ قال انه يقوي الرحم بعد الاجهاض و شوربة ومرق وكل شيء ساخن ورحت تمام الأسبوع لمستشفى سليمان الحبيب ودخلت وعملت لي المختصة أشعة وأخذت صور الأشعه للدكتور وشاف الأشعة قال مافي اي شيء الرحم نظيف الحمدلله ونصحني الدكتور بالاستمرار في تناول حامض الفوليك لمدة ثلاثه شهور ورجعت بيتي وحمدت الله اني ماسقطت بالمستشفى ولا سووا لي تنظيف ولا لعبوا مثل اللعب في إجهاضي الأول بغيت أموت من الدكتوره والسسترات كلما جت واحده شمرت عن يمينها وكمان بعد التنظيف صحيت من البنج كان أحد قطعني من تحت ولا حملت إلا بعد سنتين الحمدلله على كل حال أسأل الله العظيم ان لايحرمنا الأجروأن يجعلهم شفعاء ويجعل كل ألم كفارة لذنوبنا أعتذر عن الإطاله ولكني حبيت أنقذك من عبث مرحلة الاجهاض والتنظيف وربي يسهل لك امرك ويهون عليك وتذكري يا أختي (ان الشجاعة صبر ساعة) إصبري على ألم واحد خير لك من الصبر على ألمين وربي يرفع عنك ويشفيك ويعوضك يارب وكل اخواتي طمنينا عليك ..
|
رد: كيف انزل جنين ميت
اختي الزهراء مشكورة على ردج اللي ريحني ةان شالله راح امشي عليه وبصراحه يعجز لساني عن شكرج ولاكن لك مني وعد ان شالله انا رايحه العمرة ولن انساكي من الدعاء عند الكعبه بان يحفظ لكي الله زوجك ويسخرة لكويحفظ اولادك ويرزقكي بالذريه الصالحه ان شالله وان يعوضنا الله ان شالله بالحمل السليم التام
وسوال الدم بيكون دم نفاس يعني اقطع الصلاه والا اصلي |
رد: كيف انزل جنين ميت
اختي الكريمه
الحريم الكبار دائما ينصحون با الرشاد ينزل بقايا ما في الرحم وكمان الحلبه تشد الظهر وتقوي الجسم |
رد: كيف انزل جنين ميت
الله يعينك
|
رد: كيف انزل جنين ميت
اختي الزهراء اشكرج بصراحه مشيت على كلامج والحمدلله بفضل الله وفضلج نزل الحين بس حبيت اسالج عادي بعد ما ينزل الجنين ينزل الدم عليج بغزارة مع الاحساس بدوخه خفيفه والم في الظهر انتي صارلج نفسي ومتى وقف النزيف
|
| الساعة الآن 04:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .