|
طلبتكم لا تردوني
السلام عليكم ورحمة الله وبركاته
شخباركم خواتي عساكم طيبين, طلبتكم خواتي هالشهر صار معاي شئ غريب و مو عارفه هل هو حمل او لا, اخر دورة لي كانت تاريخ 23 شهر 1 وظلت لغايه 29 وبعدين انا طول دورتي 25 يوم يعني المفروض تجيني تاريخ 17 او 18 جدي يعني المهم انها ما شرفت يومين بعدين نزل عليي دم خفيف ومعاه قطعه صغيرة واليوم التاريخ 20 قعدت الصبح مافي شئ بعد العصر مشيت وايد وتعبت اشوي والحين نزل علي دم مو قليل ولا وايد, وانا محتارة ما ادري هل ممكن يكون حمل او لا وللعلم ترى انا دورتي تجيني بألم في بطني بس الحين مو حاسه بشئ هالمرة بس ينزل مني دم وبكرة عندي موعد في العياده ومحتارة , اول مرة بروح اراجع لانه صار لي سنه و4 شهور ما قط حمل ومو عارفه شلون يعني الدكتورة بتفحصني لانه ينزل علي دم واخاف يكون في حمل فما يصلح اتسوي لي اشعه ومحتارة يا خواتي افيدني؟؟ :( |
رد: طلبتكم لا تردوني
ان شاء الله حامل بس طلبي منها تسوي لج تحليل دم قبل الاشعــه عشان تتطمنين اكثر
وان شاء ربي يرزقج ويرزقنا بالحمل السليم طمنيناا حبيبتي عليج.. |
رد: طلبتكم لا تردوني
هلا اختي سموة المشاعر مشكورة على الرد رحت امس العياده والدكتورة سوت لي اشعه على الرحم وطلع مافي شئ بس قبل ما اروح ليها سويت تحليل حمل وطلع سالب :(
والله اني تضايقت وقعدت اصيح وقالت لي الدكتورة كل شئ عندي اوكي بس قالت يفضل اني اعمل اشعه صبغه عشان اشوف اذا يمكن عندي انسداد او مشاكل في قنوات فالوب وانا قريت عن هالصبغه في النت وخايفه اني اسويها ومتردده صراحه :( |
رد: طلبتكم لا تردوني
الله يسهل امرك وتكوني حاااامل يارب يارب
|
رد: طلبتكم لا تردوني
مشكوره اختي حبيب عمري بس حضرتها شرفت :(
|
رد: طلبتكم لا تردوني
اف خساااره
ان شاء الله تحملي الشهر الجاي يارب |
رد: طلبتكم لا تردوني
وعليكم السلام ورحمة الله وبركاته. .
أنا قعدت سنة وستة شهور .. وأدري بمشاعرك .. وأدري بمشاعرك لما تجي الدورة .. لكن لا تيأسي فيه رب والله كريم عظيم أطلبيه في كل سجودك أن يرزقك وربي إن شاء الله يرزقك .. وأقرائي سورة البقرة يوميا .. وأقرائي على بطنك سورة الفاتحة سبعة مرات كل يوم .. وكذلك المعوذتين والاخلاص ثلاث مرات يوميا .. أسأل الله تعالى أن يرزقك بالذرية الصالحة عاجلا غير أجل .. |
رد: طلبتكم لا تردوني
مشكورة اختي والله يثبت لك حملك ويرزقني ويرزق كل محرومه :)
|
رد: طلبتكم لا تردوني
الله يرزقش يارب ،،
|
| الساعة الآن 05:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .