|
ملف لجميع طرق تمرة النفاس بالصور
المقااادير :2 كاس تمر منزوع النوى نص بيالة ماي ملعقتين سمن أو زبده ( مو لازم ) للي مسوين رجيم 2 ملعقة رشاد الطريقه : نحط التمر والزبده والموويه في قدر على نار هاديه والافضل نحط الحديده بين الجدر والنار عشان ما تحترق التمره http://forum.hwaml.com/imgcache2/hwa...892419_779.jpg ونقلبهم عدل مدل الين ينعجن ويصير لـــيــــــــن ويكوون ذاايب في بعض .. الافضل انكم ماتحطون ماي بس سمن او زبدة لان الماي راح تغير طعم التمر http://forum.hwaml.com/imgcache2/hwa...892419_283.jpg نطفي النااار ونحط الرشااد عليه ونقلبهم شووى .. ووبس ( هذي طريقة التمره العااديه ) http://forum.hwaml.com/imgcache2/hwa...892419_425.jpg في تمرتي للنفاس والدوره احط فلفل اسود مطحون ورشاد حب غير مطحون وكمون مطحون وسمن وحبة البركة حب غير مطحون وووووبس ونفس طريقة التمر هذي الحين نجي للاظاافات اللي جربتها معها : 1/ ملعقة كموون حب + حبه حلووه " مخلوطين مع بعض ونطحنهم طحنه خفيفه .. رربع طحنه يعني المهم يصيروون مجروشين اهم شي .. مو نااعمين ! 2/ ملعقة حبه سوداء 3/ نص ملعقة فلفل اسود مطحون .. حطي اول ربع ملعقه وجربيه وبعدين ( زيدي على حسب درجة تحملك ) 4/ نص ملعقة زنجبيل مطحون نحط هالمقادير عليها ونخلطهم مع بعض http://forum.hwaml.com/imgcache2/hwa...892418_257.jpg شاايفين عاليمين الفلفل والزنجبيل - وبالوسط الرشاد والكمون وحبة الحلوه - واليسار الحبه السوداء عشان تكون واضحه لكم .. نحفظهم بعلبه او حافظــه طعام ونستخدمها اخر ثلاث اياام .. من الدوره المفروض االتمرة تؤكل طول ال40 والدورة عشان تنظف من الدم هذا من تجربتي في الدورة والنفاس تاكلين منها طوول اليووم مع القهوه او بدون ( او مع حليب كر دي دي الازرق للي يحبونه )الافضل مع القهوة عشانها حارة راح تنظفج من الدم (( نصيحة لكم )) هذا شكلها النهاائي : http://forum.hwaml.com/imgcache2/hwa...892418_221.jpg الطريقه الثانيه زي مانتو شايفين المقادير بالصوره وانتي بكيفك يمكن تزيدين ولكن الرشاد يكون ملعقه صغيره لهذي الكميه لان الرشاد ماتكثرين منه http://forum.hwaml.com/imgcache2/hwa...892416_695.png نذوب الزبده http://forum.hwaml.com/imgcache2/hwa...892417_436.png يطحن الرشاد ويرش على التمر http://forum.hwaml.com/imgcache2/hwa...892417_416.png http://forum.hwaml.com/imgcache2/hwa...892418_119.png يعجن بالزبده ويكور http://forum.hwaml.com/imgcache2/hwa...892417_323.png التمر بالدخن اللى اعرفه... تاخذين حبات تمر في قدر وعليها ملعقة سمن على النار لين تلين ويذوب السمن وقبل ترفعينها عن النار ترشين عليها شوية دخن وثواني على النار مع التقليب المستمر وترفعينها .. سهله وماتاخذ وقت وفيه ناس بدال الدخن تحط طحين محموس ....... وبس مادري عاد هاذي الطريقه اللى انتي تبينها او غيرها ... قهوة النفاس مادري وش تقصدين .. يمكن تقصدين اللى يبيعونها الحريم مخلطه وجاهزة انا اشوف ان افضل قهوة للنفاس قهوة قشر ... ماله داعي نشرب شي مخلط ماندري وش مكوناته التمريه على طريقه اهل اليمن وبالصوررر المقادير 2 صفار بيض 2/1 كاس سكر علبه قشطه ( وممكن استبدلها بكاس من الحليب بس خليها تقيل زي القشطه يطلع الطعم حلو كمان لاني جربت الطريقتان) ملعقه كبيره نشاء( هنا السر لانه راح يخليها مقرمشه وطريه) ملعقه بيكنج بودره 2/1 كاس سمن شويه فانيليا 2 ونصف كاس من الدقيق وللحشوه تمر منزوع النواه زيت ماء ضيفهم مع بعض وخليهم على النار حتى يكون التمر سائل متماسك وهذه صوره المقادير... http://forum.hwaml.com/imgcache2/hwa...892419_304.jpg واليكم الطريقةةةةةةةةةةةةةة نضيف السمن والسكر في وعاء http://forum.hwaml.com/imgcache2/hwa...892419_974.jpg تم نضيف الحليب والفانيليا والبيض http://forum.hwaml.com/imgcache2/hwa...892419_598.jpg وبعد ان يمتزجوا هيكون شكلهم زي الصوره http://forum.hwaml.com/imgcache2/hwa...892419_275.jpg عندما يختلط المزيج نبدا باضافه ملعقه النشاء والبيكنج بورده والملح والدقيق طبعا لاتضيف الدقيق مره وحده لا ضيفه على مراحل http://forum.hwaml.com/imgcache2/hwa...892419_513.jpg وبعد العجن المستمر راح تصير العجينه بهذا الشكل http://forum.hwaml.com/imgcache2/hwa...892419_850.jpg خليها ترتاح لمده عشر دقائق ومن ثم اقسميها قسمان بحيث يكون قسم اكبر من الاخر القسم الاكبر افرديها واجعلي عليه معجون التمر والقسم الاخر لديك خياران ( 1- ابشري العجينه فوق التمر بعد ادخالها في الفريزا لمده 10 دقائق حتى تريحك في البشر 2- قطعيها مربعات كبار ورصيها فوق العجينه.. والصور تحكي http://forum.hwaml.com/imgcache2/hwa...892419_178.jpg وراح يزيد معاكي من العجينه لو القالب صغير افردي الباقي وقطعيها مربعات صغار واحشي كل مربع بالتمر ولفيه على شكل دائره واجعليها في القوالب الصغيره بحيت في كل جنب تكون 3 دوائر حتى تصير معاكي شكل حلو زي الصوره http://forum.hwaml.com/imgcache2/hwa...892419_157.jpg وهذا شكلها النهائي اخيرااااااااااااااااااااااااااا http://forum.hwaml.com/imgcache2/hwa...892419_346.jpg وهذه الدوائر الصغيره منها 3 ولكن في كل دائره توجد 3 دوائررررررررر ركزوا مع الشكللللللللللللل http://forum.hwaml.com/imgcache2/hwa...892419_414.jpg وهذا شكلها النهائي ... http://forum.hwaml.com/imgcache2/hwa...892419_475.jpg ملاحظةةةةةةةةةةةة قبل لاتدخليها الفرن خليها يسخن شويه |
رد: ملف لجميع طرق تمرة النفاس بالصور
يعطييييييييييييييييييييييك العاافية ومااقصرتي,,
|
رد: ملف لجميع طرق تمرة النفاس بالصور
وهذي طريقة قشر القهوه يشرب مع التمر http://forum.hwaml.com/imgcache2/hwa...894758_662.jpg المقادير: غرفتين يد قشر القهوة غير المطحون ( انخليه أولا ) 3 عيدان قرفة بحجم وسط ( أغسليها أولا ) 3 حبات تمر خلاص او تمر تنك ( فكي النوى ) 1 ملعقة صغيرة سنوت أخضر 1 ملعقة صغيرة حبة سوداء 2 فنجان ( زي فنجال القهوة ) سكر والسكر حسب الرغبة وكثري إذا تبينه 7 ونصف كاسةمتوسطة مــاء تبينه ثقيل خففي مقدار الماء الطريقة: تضع المقادير على النار لمدة ربع ساعة تصفى في ثلاجة{تيرموس} القهوه |
رد: ملف لجميع طرق تمرة النفاس بالصور
مااقصرتي والله,,,
|
رد: ملف لجميع طرق تمرة النفاس بالصور
ماشاء الله ان شاء الله اجربها وتكون مفيده ان شاء الله
الله يعطيك العافيه والله فيه حريم يطلعون من النفاس مايطهرون والبطن منتفخ هذا معناته مافيه تغذيه سليمه |
رد: ملف لجميع طرق تمرة النفاس بالصور
|
رد: ملف لجميع طرق تمرة النفاس بالصور
يسلمووو موضوع روعه
بس مستغربه نص الكلام رايح باليسار مو باين |
رد: ملف لجميع طرق تمرة النفاس بالصور
يعطيك العافية موضوع رائع
|
رد: ملف لجميع طرق تمرة النفاس بالصور
مشكوره يالغلا على مجهودك
|
رد: ملف لجميع طرق تمرة النفاس بالصور
يعطيييك العافيه ماقصرتي
|
| الساعة الآن 11:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .