|
مشكلتي مع زوجي ساعدوني
السلام عليكم ورحمة الله وبركاته
اهلين كيفكم انا عضوه من المنتدى بس ماحبيت ادخل باسمي لان لي معارف هنا وما ابي احد يدري منهم احسن ما ابي صورة زوجي تهتز قدامهم مشكلتي مع زوجي عجزت ماقدرت افهمه مره اقول بخيل مره اناني مره كريم مره حبوب انا بقولكم مشكلتي معه واتمنى انكم تساعدوني لان وربي معتبرتكم مثل اخواتي واكثر لان مااقدر اشتكي لاهلي مابي يقلقون علي ومابي ياخذون موقف من زوجي وما ابي اشتكي لصديقاتي اخاف منهم يقلبون علي بيوم من الايام ماااااالي الا انتم طلبتكم ساعدوني صار لي متزوجه سنه ونص وعندي منه بيبي اول ماتزوجنا الكلام والحب والطلعات والنوم والدلع وماكان يبين احمل وكنا متفقين نجلس ست شهور بعدها احمل وسبحان الله ربي كتب لي الحمل وبالعكس فرررررح مرره وطول فترة الحمل هو كويس معي بس يقهرررني مايحسسني بخوفه علي ومايحسسني بشوقه لي او ولهه بس يعني كان يطلعني يغيرلي الجو كلامه معي حلو بس بعد ماولدت تغيييييييير علي شهرين بعد ماولدت واهو متغير بس معصب ومايصرف علي ولا يعطيني ولا ريال وكان يقول انو مامعه ولما يجي اخر الشهر ياخذ من اللي معي ويقول بعوضك وكل مره كذا ولا اشوف شي وسكت ماقلت شي ولا اشتكيت لاحد بعد شهرين حسيت انو رجع مثل اول بس مايقولي مثل اول او يدلعني لا مرررررره كريم مع اهلي ومع غيرهم مايقصر لما اقوله شي بس معي لا مادري ليه حتى انو رافض انو اتوظف مع اني شارطه عليه واللي يقهرني انو يقدم الناس علي يسلفهم ولما اقول عطني يقول مسلف فلان قلت وانا قال استحيت منه انتي اصبري الشهر اللي بعده وكل شهر يوعدني يقول بنسافر واذا استلم راتبه قالي مابقى معي شي اجار البيت والقروض والفواتير غير كذا مايجلس معنا الا ساعه او ساعتين والباقي جالس بروحه وكم مره انط عنده من غير لايحس بشوف وش بسوي ما الاقي شي عليه وماعنده هو هالخرابيط طيب انا وش ذنبي ابي اكون مثل غيري والمشكله راتبه حلو مو قليل ابدااااا ش رايكم وش اسوي معه تعبت تعبت ساعات افكر ارجع لاهلي واخليه بروحه بس واخاف من بنات الحرااااام انا متاكده مليون بالميه ان يحبني وانا احبه بس وش اسوي معه ساعدوني ابي يحس بقيمتي ساعات اقول بقدم على وظيفه ومالي شغل فيه ابي اثبت نفسي والله يبنات انو قطعني عن الناس حتى عن صاحباتي بس الحين رجعت لهم والنت يقول لاتجلسين علي والنت لما يدخل وانا اتفرج على فيلم ولا مسلسل يقول وش تطالعين في هالتفاهات يعني شنو اسوي اجلس اقابل الجدران مثلا مايبي اي صله لي مع احد.. طلبتكم سااااااااااااااااااااعدوني انا الحين متهاوشين عشان هالسالفه استنى الحلول منكم .. الله لايرد دعوه لكل من يساعدني .. |
رد: مشكلتي مع زوجي ساعدوني
يااختي
اصبري على زوجك دام انه يصلي ويصوم ويخاف الله فيكِ الرجال بصورة عامه لمن ماديتهم تكون تعبانه نفسيتهم تتعب كمان اصبري عليه وادعيله |
رد: مشكلتي مع زوجي ساعدوني
ياقلبي اصبر والدعاء يمكن يمر بضيقه ومشكله
|
رد: مشكلتي مع زوجي ساعدوني
حبيبتي امي كانت كانت مثلك واخس اخواتها ماكان يخليها تروح لهم احيان من عند الباب يرجعها بس انتي خليك حكيمه واسمعي كلامي وجربي طيعيه فاللي يبغاه ولا تحاولين تزعلينهوبالسياسه والدلع والله يمشي على كيفك بس ابد لا تعاندينه واذا قال لك لا قولي حاضر واللي تبغينه يصير خليك دايم شياكه حتى ولو كنتي لابسه بجامه سرحي شعرك واتعطري وجطي ميك اب على خفيف واتدلعي عليه ترى مافي رجال ماتقدر عليه زوجته الا بالسياسه والحكمه ومع شويه دمعتين على كلمتين معسولتين صدقيني غير يصيير خاتم فا اصبعك ولاتنسين صلاه الليل والدعاء الله يوفقكم ويسعد قلوبكم سوي اللي قلت لك وردي لي صدقيني مجررربه
|
رد: مشكلتي مع زوجي ساعدوني
عادي ياقلبي دي مو مشكلة لا تشيلي هم شي لا فلوس ولا سفر ولا اهلك ولا تلفزيون ولا نت راح يغير زوجك فكري كيف تسعديه حتى لو مالقيتي رد مقابل منو او تعويض اهم شي يخاف الله وتقولي يحبك كدا الرجال تمر عليه فترات تحسيه هو مو فاهم نفسو كيف الي عايشين معاه انتي عليكي بطفلك وعليكي بنفسك وبيتك وزوجك ابدا لا تتخلي عنو وقت مايكون هو متغير عليكي لانها بداية مشكلة كبيرة راح تواجهيها دايما حسسيه انك عايشه معاه افضل عيشه ومافي زيك وامدحي ولبي طلباته ولا تقصريه ولا تحسسي انك زعلانه منو صارحية اذا طالت الفترة عليه وهو كدا لتنبيه وراح يرجع ويقدرك وحتنبسطتي الله يسخركم لبعض ويسهل اموركم يارب
|
رد: مشكلتي مع زوجي ساعدوني
شوفي حبيبتي باين ع زوجك انه يمر بفتره صعبه
اكيد عنده مشكله ومايبي يقولك عشان ماتشيلين هم ولاتضايقين كذا اغلب الرجال الامور الماليه بالذات مايحبون ان زوجاتهم تعرف عن هالشي اصبري وبالعكس كل شي يقوله - حاضر وع امرك ولاتنسي الكلام الحلو لايفارق لسانك ابد والابتسامه والله يسخركم حق بعض ويبعد عنكم عيال الحرام |
رد: مشكلتي مع زوجي ساعدوني
اكتري من الاستغفار ....
وصلاة قيام الليل ..والحمدلله مصيبتك هيك ..الحمدلله بس بدها مسالة وقت .. |
| الساعة الآن 04:46 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .