منتديات حوامل النسائية - بر بر بر - كل يوم بر .؟ رحله عآئليه برّيه ..

http://forum.hwaml.com/images/smilies/biggrin.gif http://forum.hwaml.com/images/smilies/biggrin.gif http://forum.hwaml.com/images/smilies/biggrin.gif

أبوي : هآآه وش رايكم ياعيالي نكشت يوم الخميس للبر ..؟
عزوز : ايه يبه تكفى من زمان ماكشتنا
جوري :يبه يبه نبي نشوي تكفى
نوره : يبه نبي نجلس لين الليل ونشب ضو ونتكي حولها ونعيش جو انتيكي http://forum.hwaml.com/images/smilies/biggrin.gif
أمي : ايه خلاص انتم تولمو بس ونامو بدري بنطلع من الصبح ترا ..

أنـا : سلآمات انتم ماتشبعون من البر؟ كل ابو دايم بر بر بر .. معليش يبه معليش اخواني معليش يمه ,, اذا انتم كلكم تحبون البر انا وش ذنبي اني طلعت عاهه وماحبه .؟ من يجلس عندي بالبيت مابي اروح روحو انتو
أمي : عندك الشغاله ..
انا / والله تخيلي انا والشغاله بالبيت بروحنا لاامعليش ..بروح لبيت جداني ..

أمي اقول ههأ بلا قعده بلا بطيخ ,,
أبوي : الطلعه عائليه لو ماتحبين روحي عشاني وانا ابوتس

أنـا واوجه نظرات لامي .. يعني شوفي الفرق بالاسلوب http://forum.hwaml.com/images/smilies/biggrin.gif <حقيره ههههه
أبشـر يبه بروح عشانك بسسسس http://forum.hwaml.com/images/smilies/frown.gif

..

يوم الخميس الساعه ست ونص تماماً ...
طق طق طق ...
أنا / هاه خير من احد يزعج الساعه ست ونص قسم بالله بزران قريح وقرقح انقلعو ولااشوف احد معتب عند الباب بنام بجمع نوم مانمت زين الاسبوع ذا
نوره / قومي قآمه .. يالله عجلي تجهزي بنروح البر ,,
أنا / ليه كم الساعه بعد ؟
نوره / ست ونص
انا / وجع احد يروح البر من الساعه ست ونص http://forum.hwaml.com/images/smilies/eek.gif
اقول امرحو بس وش هالتوقيت الغلط اففففف
ابوي / يالله قومي وساعدي امتس بالعزبه وحطو اغراض الغداء والشوي ..
أنـا / يووووه يبه بعد بتتغدون وتسوون الغداء هناك ..؟
ابوي / مالها طعم الا اذا سويناه هناك يالله وانا ابوتس انجزي http://forum.hwaml.com/images/smilies/biggrin.gif

..
بالمطبخ ..
شنطه عزبه + قدر كاتم + ملاعق صغار +ملاعق كبار +سكاكين +بيالات +فناجيل +اباريق ودلآل
أمي مدهره تخم ذا وتحط ذا وتسكر الشنطه ..
جوري .. يمه خوذي خبز وجبن عشاان اذا جعنا وكذا ..
عزوز يمه عادي اخذ الكوره .؟
امي /ايه ابد خذ اللي تبي العبو واستانسو http://forum.hwaml.com/images/smilies/biggrin.gif
نوره / اجل باخذ معي حبل نلعب شبرا امرا شمس نجوم

امي عبيـر وراتس قاعده كنك حصاة رزاح لاتنشال ولاتنزاح ,, قومي ساعديني يامال الصلاح ..
أنا .. يمه ورا ما تربطون المطبخ ورا السياره وتاخذونه معكم كله .. موب تسنه ازين من هالقروشه ؟
امي / قومي بس طلعي هالشنناط انتي واختس وعجلو البسو يالله بنطلع ..

على الساعه 7 وربع الكل راكب بالسياره ..
الاجواء بالسياره مقسمه ثلاث اجواء وكل مرتبه بالسياره كأنها منطقه http://forum.hwaml.com/images/smilies/biggrin.gif
أول منطقه - مرتبه - امي وابوي .. سوالف وحش وشغل ودوام ومدري ايش ..
ثاني منطقه -مرتبه- انا ونوره ومحمد --> يتهاوشون ويتماعطون الشوش وفجاءه يهجدون وكل واحد يناظر جوال الثاني وارسل لي هالاغنيه وارسل لي هالصوره ..
انا مشغله الايبود وقاعده اتمل بالمخلوقات اللي جنبي ...
ثالث منطقه - جوري وعزوز - ازعاج وصجه ومؤثرات صوتيه بالسياره .. طيور الجنه عندنا .. ان شغلنا الدي في دي صجونا زياده وان طفيناه صجونا مافيهم ملح ..http://forum.hwaml.com/images/smilies/biggrin.gif

مع اختلاط الاصوات والازعاج بالسياره فجاءه ....
وقفنا على جنب .. ودق اشاره ابوي http://forum.hwaml.com/images/smilies/biggrin.gif
يالله انزلو اانزلو بنشرنا ...
أخواني : وااااااوووو ونااااسه اكشن يلا خل ننزل يالله يالله..
أمي : لاتروحون بعيد عن السياره عشان ماننسى احد ..
ابوي وحمود يفككون بالكفر ويضبطونه ..

وكل شوي موقف سياره ..
اللي يقول امسك بزرانك عن الخط http://forum.hwaml.com/images/smilies/biggrin.gif
واللي يقول تبون خدمه .؟
واللي يقول اشقلكم بموتري لبيتكم ؟
واللي يقول انادي لكم سطحه ؟

أمي : عزوز لاتبعد يبوي .. وانتي ياجوري البس جزمتك لايقرصك شي
وانتي يانوره لاتلعبون كوره قدام الله وخلقه عيب تراتس كبيره انطقي انتي وياه اشوف
أنا / اوووفف بدايه خير هالرحله السعيده http://forum.hwaml.com/images/smilies/rolleyes.gif
امي / وراتس مكشره اللي يشوفتس يقول مغصوبه على الروحه ..
انا / لابالحيل مانغصبت والدليل اني ناشبه لكم ابي اروح البر
امي / روحي اعتبريها سياحه غيري جو ووسعي صدرك مافيه ازين من البر يفتح النفس يالله من فضلك ..
انا / يمه تسمعين بالسياحه .؟ http://forum.hwaml.com/images/smilies/frown.gif سياحه في بر؟ نزهه في بر؟ تراب في تراب وان كان فيه طبيعه فهو شوك وشجره نابته بالغلط .. وين المتعه بس ؟
ولافوق هذا كله ناويين تمطرسون وتسوون رز وتشوون ولا بعد بتجلسون لين الليل الله يعين بس http://forum.hwaml.com/images/smilies/biggrin.gif
اجل حمود بيسوي الغداء اععععععععععععععععععععععععععععععع
امي / ياشينتس تكفين احمدي ربتس غيرتس يتمنى هالطلعه ..
انا / يارب لك الحمد والشكر على هالنعمه .. عساها دايمه يارب ..

ابوي يالله ياعيالي وانا ابوكم اركبو خلاص صلحناها ..
ركبو كل شخص ورجع مكانه ..
ابوي هاه كل واحد يتفقد خويه اللي جنبه ..ليانا ناسين احد ..
امي ... عبير - لبيه
نوره - لبيه
محمد -تراكم نسيتوني وماجيت <يستظرف كالعاده
جوري وعزوز - لبيه
امي ... ايه اشوا كلهم فيه مانسينا احد ..http://forum.hwaml.com/images/smilies/rolleyes.gif

بعد حومة التسبد من الطريق الوعر اللي مدري وش يبي وكله مطبات وحصى ..
وصلنا تحت هذيك الشجره ..
تم تنزيل الاغراض وتهيئه المكان ...
وانا اللي استلم لي مركى وبطانيه وانسدح <ماتعوق خخخخخخخخ
ابوي :قومي وانا ابوتس وسعي صدرتس واستانسي ماجبناكم هنا عشان ترقدون http://forum.hwaml.com/images/smilies/biggrin.gif
امي / قاعده تغلى من اليوم وهي تحلطم
انا / ان شاء الله يبه سم ابشر لعيونك بس http://forum.hwaml.com/images/smilies/biggrin.gif

يالله يانوير ومحيمد شوتو علي الكوره بجي العب معكم ..
بكل جفاااسه .. شاتها محمد واذ فجائتن على راسي طراااااااااااااااااااااخ ..
أنـا / وجـــــــــــع يا^%$#@$#@%$# انقلع ياسخيف الشرهه على اللي بيلعب معكم .. وخرو بس هونت معاد ابي العب انتم وكورتكم الفاشله http://forum.hwaml.com/images/smilies/rolleyes.gif

اقول بدال هالكوره بس تجون نلعب حبشـه ؟http://forum.hwaml.com/images/smilies/biggrin.gif
اخواني اول نبي نلعب كوره ..
انا / ابرك حـزه
بروح السياره اخمد وياويل اللي يفتح علي الباب http://forum.hwaml.com/images/smilies/biggrin.gif http://forum.hwaml.com/images/smilies/rolleyes.gif

جا وقت الغداء ..
الله يبه رصيص يهبل طعمه ..
اخواني بين صجه ولجه ..
ابي شوي يبه .. يمه عطيني خبزه ,, يمه ابي كولا ,,, يمه فيه سفن ..؟
تغدينا وخلصنـآ ..
جلسنا جلسه عائليه .. وقام ابوي يذكرنا ببعض الوصايا والعبر
ثم قام يسولف عن حياتهم منول وكيف كانو يكرفون وكذا ..http://forum.hwaml.com/images/smilies/biggrin.gif

شطحت كعـآدتي وقلت ,,,,
يبه وشلون عرفت امي ..!! http://forum.hwaml.com/images/smilies/biggrin.gif
قام يضحك ابوي قال وشلون يعني ...
قلت اقصد وشلون عرفت عايله امي وش جاب لجاب http://forum.hwaml.com/images/smilies/biggrin.gif
قال كلنا من قبيله وحده ومنول العرب معروفين ..
وابوها صديق ابوي ,,
قلت انا بكل حمـاس / اخسس http://forum.hwaml.com/images/smilies/biggrin.gif
امي / وش اخسه هاه ؟http://forum.hwaml.com/images/smilies/biggrin.gif
انا / لااقصد يعني حركات وكذا .. طيب شفتها عند الغدير وجازت لك وهي تعبي مويه لاهلها وخطبتها خخخhttp://forum.hwaml.com/images/smilies/biggrin.gif
امي / مأثره عليتس المسلسلات واجد
ابوي يضحك /http://forum.hwaml.com/images/smilies/biggrin.gif لااماعندنا هالخرابيط ابوي نوا يزوجني وقال بزوجك بنت صديقي وبس http://forum.hwaml.com/images/smilies/biggrin.gif
قلت انا / ايه يحليكم لايقين لبعض http://forum.hwaml.com/images/smilies/biggrin.gif
جوري / يوووه يمه http://forum.hwaml.com/images/smilies/frown.gif ليه ماوديتونا معكم لزواجكم |؟

عــم المكان بالضحك http://forum.hwaml.com/images/smilies/biggrin.gif http://forum.hwaml.com/images/smilies/biggrin.gif
وقام ابوي لاذان العصر ...
بعد صلاه العصر ابوي راح يلعب مع اخواني ,, وانا وامي قمنا نمشي http://forum.hwaml.com/images/smilies/biggrin.gif>بتمصلح معها
أقول يمه ..ترا بنام عند جداني اربعاء وخميس وجمعه ..
امي / وليه تنامين .؟ بعدين كن ماعندك بيت كل فتره وفتره تروحين تنامين ,,
نامي ببيتنا وارجعي لبيتهم .,,
انا / يمه يحول تراهم اهلك بعدين مافيها شي وجدتي تستانس اذا جيت
امي / اي بالحيل دابله تسبدها ومقاحر معها ,,, مافيه نوم وبس

انـا .. يممممه شوفي وش ورانا يمممه كلب بسم الله من وين جاء؟http://forum.hwaml.com/images/smilies/eek.gif
امـي /هدي لاتركضين لان ان ركضتي بيلحقنا ... هرولي بخفيف ..

رجعنا للمكان والكلب ابعد شوي ...
جا ببالي فكـره .. بحكم ان الجو شبه نار وضو واخواني فيهم فسقه خل العب عليهم لو مره وحده بعمري .
>>حقيره ..هههههههههههههههههه
قلت اسمعو بنلعب سباق واللي بيوصل للشجره هذيك هو الفايز طيب ؟
قالو طيب ... طبعا الكلب حول الشجره هذيك واكيد اذا شافهم يركضون بيلحقنا وبيصير اكشن وفله

طبعا بدون بزران جوري وعزوزي على جنب يالله اشوف ..
انطلقنا للسباق ورجعنا والكلب ورانا ينبح وجاي يركض من بعيد ...
واخواني يصارخون واللي تصيح واللي يركض ويصارخ اركضو اركضو جا جا جا
يوم وصلنا عند اهلي وهو يرجع ويبعد ,, قلت انا خسااااااااااااااره ماجا هنا ..
عطتني امي محاضره عشاني لعبت عليهم وخليته يلاحقهم ههههههههه http://forum.hwaml.com/images/smilies/biggrin.gif
انا بكل برود / يحوول يمه هذا جزاي بخليهم يستانسون
امي / وين يستانسون روعتيهم على هالعصر حرام عليك ,,
انا / ابرك موب ميتين بعدين خلهم يجون شجعان http://forum.hwaml.com/images/smilies/biggrin.gif

جا المغرب وبعد صلاه المغرب ,,
تم شبة النار وتمت قهوه المغرب ...
بوسط القهوهـ جانا حشره تطير وزززززز وززززز وزززززززز
انا / وااا قومو قومو قومو يالله يبه تكفى خل نرجع
ابوي / وراه تونا العلم على هالوقت وش زينه
أنا / يبه لا تكفى حشرات شف ذا اللي يطير وشو خنفس ولا وش وعععع والله ماجلس مالي دخل
حمودي / يـــعننــي رقيقه واخاف من الحشرات ..
انا : انـت انطم جعله تجي براسك يارب
اقول اوص لااحطها بظهرك ,,
قليل ادب انا اكبر منك احترمني ياحمار http://forum.hwaml.com/images/smilies/rolleyes.gif
اختي بكل ظرافه / عزيزتي عبير بخصوص اانك خايفه من النحله اللي تطير مسويه حليمه بولند مثلا ؟
انا / عزيزتي نوره بحكم انك صايره مهايطيه من لعبتي معهم كوره ,, مالك معاذ مثلآ ..؟

رحت السياره وجلست اتاملهم من بعيد << جوي غلق http://forum.hwaml.com/images/smilies/biggrin.gif http://forum.hwaml.com/images/smilies/biggrin.gif
لين ما هداهم الله وقضو متقهوين وطفو النار وضفو العفش ورجعنا ,,,

بوسط الطريق ...بدا اخوي يستظرف ..
عبير توني ادري انك جبانه ...
انا / تدري ليه ؟
ليه ؟
لانك اخوي ..
نوره /ههههههههههه
انا / محمد ليه انت ماصل .؟
تدرين ليه ؟
ليه ؟
لانك اختي .؟
نوره / هههههههههههههههههه
انا نوره ليه انتي ساذجه http://forum.hwaml.com/images/smilies/biggrin.gif
نوره / لانكم اخواني وكل واحد اخبل من الثاني ..
محمد/ شايفتنا نكت انتي وياراسك .؟
نوره / لآ ألغـاز ..
أنا / غاز ولاسرندل .؟؟ ها ها ها
روقونا بس واهجدو الجو روقان وابي اعيش جو مع الاغنيه ..http://forum.hwaml.com/images/smilies/biggrin.gif

فجاءه انقلب الحال بالرجعه ..
جوري يمااااااااااااااااااااااااااااااااااااه شوفي عزوز يمعط شعري ..
عزوز يممممااااااااااه شوفيها تلعب بالقيم بوي ..
جووري / والله نصاااب يمه شوفيه
امي عبير انتي اقرب لهم خليها تنقز عندكم
انا لايمه فكيني تكفين حط حيلهم بينهم تجي وتبثرني ..
امي أقول هها بس وفكينا من الصجه ..
انا سمعاً وطاعه مولاتي http://forum.hwaml.com/images/smilies/biggrin.gif

نوره ومحمد يتهاوشون ووصل الامر الا بقس وكف وتسطيير

وباالنهـآيه خسرت نوره وجلست تصيح لين وصلنا البيــت http://forum.hwaml.com/images/smilies/biggrin.gif

زئـر ابوي عليهم وهجدو وكل واحد منتفخ على الثاني .. بعكس الرروحه متحمسين وكل واحد متحمل الثاني ...http://forum.hwaml.com/images/smilies/biggrin.gif

وهذا هو حالنا بكل طلعه بـر او سفر ...

مسكت معي اكتب موضوع ولا لقيت الا هالشي بخصوص ان اهلي يخططون على طلعة بر ..http://forum.hwaml.com/images/smilies/frown.gif

تكلمـو عن طقوووسكم بالبـرآآري http://forum.hwaml.com/images/smilies/biggrin.gif