|
قصتي وانتوا احكموا
السلام عليكم ورحمة الله وبركاته
في البداية ترددت كثيرا علشان اكتب هالموضوع بس من كثر ماجلست اضغط على نفسي والدموع من عيني لاتجف قررت اخذ رايكم اذا ربي بلاكي برجال فقير عاطفيا ولا يعرف الرومانسية الا على السرير وحتى عالسرير مقصر اذا ربي بلاكي بزوج عااااااااطل لانه كا يشتغل والشركه فلست ومع هذا لايبحث عو وظيفة ليمشي الحال اذا ربي بلاكي بزوج يكره يخرجك او يمشيكي لانه بسبب بسيط يكره خرجات الحريم على قولته حتى مع اهلة واقرب الناس له اذا ربي بلاكي بزوج 24 ساعه حابسك في البيت مايخليكي تروحي الا عند امه وهي كبيرة في السن وكلامها مايناسبك اذا ربي بلاكي بزوج مايحب ينزلك عند اهلك حتى لو امك طاحت ويدها تعورها انا زوجي كوكتيل من هذا كله يعني هو ماكمل دراسته للابتدائي ووقف الغبي الاهبل وياما امه نصحته انه يكمل وياخذ عالاقل الثانوي بس رفض مع انه شاطر <<<<<< هذا كلام امه وخرج من المدرسة وجلس سنوات كثيرة عاطل ولكن واحد من قرابتنا وظفه في المطار حق جده براتب ماكان يحلم فيه 4 الالاف بس الغبي تركه بحجة مافي عطله لاخميس ولاجمعه الا حسب ظروف العمل وقبل يتركه انبسط فيه وجمع تقريبا 80 الالاف <<<<< هذا كلام امه قبا مايتركه وجلس سنوات يدور احد يبحث له عن وظيفة ومايعرف يبحث بنفسه المهم جاء عنده ولد عمه قبل يتزوجنى وقله في شغل في شركه مااقول عليها الا حسبي الله ونعم الوكيل فيها الراتب 2500 رضي فيها علشان بس يتزوج وينستر المهم جلس سنه وبعدها جاء خطبني وانا ماكنت اعرف ان الشركه خاصة وممكن في اي وقت تنفش وتطرد موظفيها وبعد زواجنا ب3 شهور فلست الشركه وطردت تقريبا 50 شخص من ضمنهم زوجي ولا اعطوا حقوقه اللي هو يقولي عليها تقريبا 14 الف الا نصها وفوق هذا كله ماعنده سيارة مع ان عنده فلوس تجيب لنا سيارة صغيرة بس هو يبي جيب علشان يروح يصيد صقور وطيور <<<<<<< ماعلينا نجي للمهم من قبل مانتزوج وايام المكلة كان يقول ماراح احرمك من اهلك لو اش يصير وكل اسبوع بنزلك عندهم وراح نعمل زي الشفتات اسبوع نجيهم واسبوع يجونا وانا كنت مغفلة وصدقت كلامه وتزوجنا وكنت كل اسبوع اقوله يالله الاسبوع هذا دورنا يقول فارقيني ماابغي اروح والا دبري نفسك اذا بتروحي خلي اخوكي او خالك يجون وانا الهبلة مااصدق انه بس يرضي واروح اتصل علي خالي لانه يجيب طالبات من مكه لجده فاستغل الفرصة الاربعاء انزل عند اهلي على امل الجمعه يجي ياخذني وهو يتصل ويقول خلي اخوكي يجيبك وانا علشان خايفة يزعل واقول لاخوي هيا رجعني بيني وخلي حرمتك وولدها يشوفونها اهلها <<< يعني حجه بحاجه وظلينا على هالحاله بس قرات في منتديات انه الزوج اذا عودتية تروحي اي مكان بدونه يتعود ولاعاد يوديكي فقررت ابط ياهو يوديني او اجلس في بيتي المهم بعد ماتزوجنا وتقريبا ب3 شهور صار عاطل ومن هنا بدات المشاكل يعني اذا قلت له هالاسبوع دورنا ننزل لاهلي يعصب ويزعل وصار يسهر للساعه 3 قبل لبفجر ومايصحى الا الساعه 2 الظهر والصلاة انا اصحيه لها واحيان يصحى واحيان لا واذا صحى يغيب او يروح اي مكان ويقولي صليت فماابغي اظلمه هو صلي والا لا مع انه محافظ على الصلاه الا الفجر يتعبني لحد مايصليها الاحد اللي راح كلمتني اختى وقالت امي طاحت عالبلاط ويدها صار تعورها وانا اتصلت على امي اطمئن عليها وقالت انا طيبة بس امي علشان ماتبغاني اتعبه واجي ازورها قالت كذا وهذا الكلام الساعه 9 الصباح وانتظر المحروس يقوم وماقام الا على صوت الجوال يرن لواحد من اصحابه وبعد ماخلص قلت اقوله الحكايه واخليه ينزلني عند امي وتوقعوا اش قال لي وهي اصلا خالته قبل تصير امي قلي : اخرجي من الغرفة وطفي النور والباب ابي انام انا هنا انصدمت المهم خرجت ورحت غرفه ثانية واقفل على نفسي وصحى الساعه 3 ودق باب غرفتي ومارديت وراح بعد العشاء وجاب عشاء وناداني ولا جيت ولا اكلت لقمه تخيلوا من الساعه 4 قبل الفجر يوم الاثنين لحد الساعه 4 قبل الفجر يوم الثلاثاء وانا مااحط في فمى الا مويه بس واستغل وقت مو في البيت واروح الله يكرمكم دورة المياه لحد ماجات الساعه 2 بعد الظهر من يوم الثلاثاء وحاول ينزلني عند اهلي وعلشان امه بتروح معنا ماحبيت ابين لها المشاكل فرحت معه وكله كوم ومايحب نخرج نتعشي او نتمشي لوحدنا يعني كل ماقلت له نتعشي برا او نتمشي يقولي: اتصلي على اختى وزوجها اللي هو اخوي وخليهم يجون ونتعشي برا كلنا اقوله : انا اختك كرهتاه (بس علشان نخرج انا وهو لوحدنا) : يعني مانعرف نروح لوحدنا الا لازم معنا حرس قلي : يااختى تجي والا مانروح اجلسي انطقي في البيت وانا اصلا مااحب خرجت الحريم <<< طيب ليش متزوج قبل يومين قلت له نفسي اروح عند جدي نشوفه وهو في مكه طاالع فيه بعين كلها زعل وعصبية وقلي : اللي مايجينا مانروح له <<<< يعني جدي انسان كبير في السن وتبغاه هو اللي يجينا كفايه مارحت عايدته في العيد وبعد هالكلام والا امه تناديه وتقوله بنروح نتمشي الارض الخضراء وخلي حرمتك (اللي هي انا) تجهز ثلاجه شائ وثلاجه قهوة وجاني مسررررررع وفرررررحان وقلي : اهلي بيروحون يتمشون روحي معهم وامك واختى وولد اختى جايين واخوي وزوجته بيروحون روحي انبسطي انا هنا وقلت : مابروح معاهم قلي : ليش قلت : انا متزوجتك مو متزوجه اهلك يودونيو ويجيبوني قلي : روحي معهم بلا تعقيد انا مافيه اروح قلت : انا بطلت يا انا وانت مع بعض او لا ورحنا واخوي وحرمته لوحدهم يتكلمون واخوة وزوجته يضحكون مع بعض وهو ولافكر يجي ياخذني نتمشي لوحدنا افكر ابعد عنه لو اسبوع الين يتادب ويصير رجال ويشتغل بدل مايعتمد على اهله وبين كل فترة وفترة يجي يقولي ابوي اعطاني فلوس والا اخوي الفلاني اعطاني فلوس والا اخوي الثاني والا امي كلمت اهلي يمكن يقنعوه ولكن حطوا اللوم كلع عليه ومحد يدري عني اني كل ليلة ابكي حتى شهر العسل حقي ماتهنيت فيه اسفه عالاطاله بس والله جعبتي مليانه بس قلت هذا كفايه اليوم واخذ رايكم مع العلم اننا لسى ماكملنا سنه زواج ولا عمري حسيت اني عروس |
رد: قصتي وانتوا احكموا
يا حبيبتي والله كسرت خاطري ان عروس تكتب هذا الكلام المفروض انك في عز ايام لعسل
اسمعي حبيبتي كثير رجال مايعرفون يعبرون بس عادي هذا الشيئ اذا انت واثقه من انه يحبك واما ما يحب طلعات الحريم ولازم تطلعين مع اهله وكل هذا الكلام ابدا مو مقبوووووووووووول بس بالنسبه لي كله شيئ ومسالة مايشتغل هذا شيئ ثاني بالحال يابنتي هذا شرعا لازم هو يتكفل بمصروفك مو الناس تعطيه وعفوا وين كرامته لما ياخذ من امه ولا اخوه وين المرجله والله لو يقعد في سوبر ماركت لو يشتغل كاشير في محل بس مو عاطل مايصير تخيلي لو تجيبن عيال من بيصرف عليهم اخوه كذا بتذين عيالك حرام ويقولون وش فرقنا عن عيال عمي والله لو ايتام شوفي اكيد اهلك بيلومونك لانك ماحطتيهم بالصوره ووضحتيلهم الامور كامله فهميهم كل شيئ ويارب وقتها يقدرونك وبعد كذا روحي عندهم يا يشتغل ويتوظف ويجيب سياره ويتعدل ولااااااااااا انت وقتها قرري بس مايصير تتزوجين واحد بس عايش يستمتع على السرير ولا مسؤول عن مصروف ولا اي شيئ حتى الترفيه مره صعب يعني انت مو جاريه عنده هذه نصيحتي واكيد القرار راجعلك وقبل كل شيئ اكثري من العاء بان الله يوفقك لما فيه خير لك في دينك ودنياك والله يهديه |
رد: قصتي وانتوا احكموا
حبيبتي اانا بعد مع ام كتكوته شوفي الرجال اذا عودتيه على طبع يتطبع به الين يشيب فاشوفي روحي بيت اهلك وقولي لهم كل شي وحطيهم بالصورة وبيني له انج انتي مايمشي معج لف او دوران وكل بنت تتمنى زوجها جنبها ينفق عليها يمشيها يطلعها مو كذا مرة وحده وبيني له ان مو انتي اللي تمشين وراه صدقيني ياعمر ي توج ببدايت زواجج اذا انتي حاسه من البدايه مافي ابد اي تقارب روحي قبللاربي يكتب عيال ويكونون الضحيه انا مو قصدي انا افرق لكن انا اقول الكلام الواقعي وهذا على كلامج نص الكلام اللي قلتيه مو كله اجل كيف لو كله؟؟ هذا ةانتي ببدايه زواجج عمري روح لابوج او اخوج الكبير وقولي لهم كل شي يااما يتصلح ويصير حله حال الرجاجيل وينفق علي بالمعروف يااما يشوف حل لنفسه والله يكتب مافيه الخير يارب ولاتنسين صلي واستخيري واستغفري وادعي له ترى باب الدعء مفتوح مايتقفل ابد
|
رد: قصتي وانتوا احكموا
والله كلام اخواتي صحيح لو بكره جبتي اولاد من بيصرف عليهم هو موحاس بالاهميه اتجاهك
ومقدر اهله لانهم يصرفون عليه فاانتي وش تبين من رجل عاطل وعديم مسؤليه ؟ وخواتي ماقصروا بكلامهم كفوا ووفوا الله يعينك على مابلاك والله انقهرت عليك ياقلبي تقبلي مروري وطمنينا عنك فديتك |
رد: قصتي وانتوا احكموا
روحي ربي يفرج همممممممك
والله انك تستاهلي كل خير |
رد: قصتي وانتوا احكموا
اسال الله العظيم رب العرش الكريم ان يفرج همك وهم كل مسلم يااارب العالمين ويهدي زوجك لك ويحصله وظيفه يااارب ادعي له واكثري من الاستغفار وان شاء الله تفرج عليييك يااارب وعليك بصلاة الليل و الله تجدين فيها راااحه عظيييمه والله العظيم
|
رد: قصتي وانتوا احكموا
انا من كثر مااستحملت خلاص قررت
امس العصر قلت له نزلني عند اهلي <<< ابغي اشوف يسالني اش السبب قلي : مافيه روحه واذ معزمه دبري لك احد قلت : بكيفك بس انت الخسران واتصل على شخص يفهمنى من صوتي بدون مااتكلم وقلي اش فيكي كنتي تبكي وانا احاوا اخبي عليه وهو خالي قلت له تعال اذا تقدر وفاضي وتخيلوا خالي هذا في مكه وقلي لو عندي مليون شغله اجيكي وهالشخص انا عنده ابكي وهو مايهمه وكل شوي يالله السرير يالله السري جاء خالي ونزلني عند اهلي ولما وصلت لاهلي انصدمت انهم واقفين معه في حكايه ان اهله يصرفون عليه وتعبت ونفسيتي زادت سوء وزهقت وقلت لاهلي كلامي الاخير : يايشتر سيارة زي الناس والعالم ويدور وظيفه ويخرجنى والا بلاش بيت ابوي فيه مع العلم ان ابوي متوفي له 3 سنوات وكان طلب زوجي وخطبني من ابوي ووعده زوجي اني يحطنى امانه ويحبني ولما اقله وين وعدك لابويه ؟ يقولي : انا ماوعدت امشيكي واوديكي واجيبك انسان سلبي ومن امس وانا كل ماجابوا سيرة اني ارجع له ابكي واصمم على راي واخته واقفه معه وتدافع عنه وانا مالي الا النت اقراء فيه واضيع وقت ولكن صممت اني ماارجع له تخيلي اذا اهلك مايوديكي هم الا اذا هو يبغي ولي تقريبا شهر وانا انام في غرفه لوحدي بعيده عنه واستحملت لحد مافاض بيه احس بتجنن |
رد: قصتي وانتوا احكموا
ماحد بيحس فيك الا نفسك
فعشان كذا الشي اللي يمليه عليك ضميرك وتحسي انه مناسب سوي وماعليك من احد ومو لازم تاخذي راي احد لان لااهلك ولا اخواته حاسات بالوضع فعشان كذا لاترجعي له الا لين تتنفذ شروطك ويتوظف هو موعاجز عشان يجلس يطلع ويبيت بالبيت تمسكي بكلامك ولا تخلي احد يجبرك على شي ماتبينه والله ييسر عليك |
رد: قصتي وانتوا احكموا
ياحياتي والله اني حاسيت فيكي يالغلا ياحياتي وش تبين واحد ماعنده وظيفه ولاسياره
ولاتخرجين ولاتطلعين يتحكم فيكي انا تزوجتك ولاتزوجة اهلك وهم لي يجيبون واهم الا يمشوني سلامات والله لو انا بدلك وش ابي واحد مثل هذا استغفرالله العظيم ياحبيبتي لاتزعلين مني من شان كلمي انتي خذي قرارك بيدينك لاتستعجلين واذا صار عندك عيال من بصرف عليهم انتي ولا اهلك يالله ربك يفرج همك ياعمري انتي كثر من الاستغفار وصلاة الليل والله يسخر زوجك ويهدي يارب |
رد: قصتي وانتوا احكموا
والله عورتي قلبي
بس ما اقول الا الله يساعدك والمفروض زوجك تأذبينه روحي عند اهلك وخلي له البيت كم يوم يمكن يحس بفراقك ويرجع يصير عاقل |
| الساعة الآن 05:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .