|
ياهمي ودي ارتاح منك
بسم الله الرحمن الرحيم
ياخواتي عندي هم وهو من تزوجت واهل زوجي مارتحت منهم بس يجون عندي وانا شقه صغيره وهم كثار طبعا يعزمون على وانا مادري حتى بناتهم المتزوجات يجن مع رجلهن وعيالهن وربي مت من الشغل قسم بالله من تزوجت كل عطله مادري غيرهم بالطريق طبعا بالطياره طفشت صارلي سنتين من تزوجت ماسافرت مارحت مكه احس بضيقه طبعا عندي واحده تدرس بالجامعه مع انو عندهم جامعه بمنطقتهم بس خبث طبعا عندهم انا زي الخدامه يجمعن الصحون لي ويوسخن البيت والله يكبن العصير والقراطيس تحت الجلسه من والبنت الي عندي لها غرفه وانا غرفه والصاله والمجلس حمامين قسم تجمعو عندي يدخل بالغرفه وحركات طفش وخبال وثقل دم وبس يبن السوق غصب يكنن بنات عز طفشت الي مهمم بي انو زوجي ضعيف قدامهم يعامنلي زي الخدامه ويبغاني من الصبح اشتغل واكد ولاانام تعبت من الوضع انا الحين شاكه اني حامل ماابغى اخسره ساعدوني بس مايحبن عندي شي زين قسم بالله ياخذن حتى الكركم والبهارات واكوابي راحتت شفتها بيتهم طفشت سامحوني مااقدر اكتب جمل مفيده احاول اكتب الي قاهرني عشان تساعدوني ماابغى اخسر طفلي طبعا فيه ولد اختهم عايش معهم عمره16قسم بالله احسه طبينتي يدخل غرفتي يخلي زوجي ينام عنده ومايبغاني اقرب من زوجي اكرهه كثير ماحبهم ملييييت زوجي ضعيف قدامهم بس ينقلن له الكلام بسببهم زوجي حرمني اتصل عابنات اختي وحاجات وحاجات الله يعين ايه |
رد: ياهمي ودي ارتاح منك
سلامتك من الهم خليها على الله ترى بعض اهل الزوج ما ينطاقون انا ما استجري اشتري شي انا وبنتي يفضحن الدنيا ويوم حملت مبروك ما قالو لي ويوم ولدت محد جاني وكل شي اجيبه لهن ما بين بعيونهن ادعي الله يفرج علينا هنيال من بات مظلوم ولا بات ظالمhwaml17
|
رد: ياهمي ودي ارتاح منك
اختي المشكله من وراي يمدحني قدام زوجي وقدامي يسوون حركات تقهرني حتى لوشكيت لزوجي مايصدق طبعا يتصرف بالبيت كانه بيتهم انا طبعا خدامه زوجي كان متزوج وحده قبلي عاشت سنتين وهربت كانت صدق خدامه ساكنه معهم بيتهم طلقها وقالت لمن تزوجت الله يعينها على اهله مشكلتي زوجي قايل ماتدرين عليهم بش وحلف اخر مابيني وبينه لو ارد مليت من كثر مايشوفني ضعيفه
|
رد: ياهمي ودي ارتاح منك
أم مقبل والله الحاله من بعضها ولكن وش تسوين
بتقولين مابي أهلك او ماحد يجيني في البيت قويه بتكون ولكن وش تسوين مالك الا الصبر واحتساب الاجر عند رب العالمين |
رد: ياهمي ودي ارتاح منك
الله يكون بعونك ويسهلها عليكي يارب زعلتيني عليكي
ياربي لسا في ناااااااااس هيييييييييك !!!!! طيب مابتقدري تضلي بغرفتك لحالك بس يكونوا عندك؟ والله حالتك حالة ,,ياعمري اصبري الله معك مابعرف شوبدي قولك طيب انتي لاتعطيهن وجه آآآآآخ الله يحل كل مشاكلك يارب مافي غير الدعاء ووكلي امرك لله |
رد: ياهمي ودي ارتاح منك
الله يعينك بس بصراحه دام البيت ماهو ملكك لوحدك خلاص طنشي البيت خليها خاربه عايمه من النظافه وش تستفيدي من نظافتك غير استقبال لهم ولا تقدير ولا شي عليك بغرفتك واشيااء زوجك واعتبي نفسك مثلهم االبيت ماهو لك وكلن يشيل وسخانه نفسه اذا وسخ المكان عليك بصحتك واهتمامك بزوجك ولا تصيري خدامه لااحد وتحاولي ترضيهم لان هذا يزيد الوضع وسوي طباخك العادي ويووم تكوني مع زوجك لوحدكم تفنني بطباخك عشان يعرف الفرق والراحه من غيرهم صدقيني محد بيقدر جهدك وحتى زوجك راح يتعود انه بس تكرفي ارجع اقول اهتمي بصحتك وعليك بالسان الحلو لهم من غير خدمه احد وعليك بالاخير والاهم بالدعاااء
|
رد: ياهمي ودي ارتاح منك
ربنا يكون بعونك
|
رد: ياهمي ودي ارتاح منك
أنا بأكلمك بصراحة وأبيك تقري ردي
القوية ماحد يقدر عليها ابدا ابدا بمعنى انك متساهلة معهم هذا اللي يخليهم يركبون فوق راسك... انا مااقول روحي لزوجك واشتكيلة لا , ولا اقول اطرديهم او سوي مشاكل معهم ,, بس أنصحك لا تسعين لكسب ودهم يعني بالعامية لاتطيحي نفسك عليهم .... اذا جات وقت زيارتهم لملمي كل الاغراض الخاصة فيك حتى لو كانت بهارات او غيرها وحطيها بعلب بغرفتك ,, وبيتك خليه حوسة عااااااادي واكل مو لازم تبدعين ((قدر كبسة )) بالليل و((قدر كبسة)) بالنهار اساسا ماراح يتعبك... واذا قال لك زوجك رتبي او اغسلي قولي خل احد يساعدني انا حامل وخايفة عالبيبي ... اما غرفتك هذي مملكتك المفروض تتقفل وماحد يدخلها ابدا .. اذا كان زوجك موافق ان احد يدخلها غيرك بدون رضاك ردي علي وانا اعلمك شو تسوي |
رد: ياهمي ودي ارتاح منك
اقتباس:
اقتباس:
اساسا اهل الزوج ما يبين في عينهم عندي مرت اخوي اظنهآ من فصيله الحيونآت لدرجه تبي اختهآ تتزوج قبل اختي وهي راعيه حنك وكل مجلس تقعد فيه تتكلم على اختي جعل لسآنهآ الشلل جعل كلامهآ يعود عليهآ مير اختي مصليه مسميه تمشي تبآري الحيط دقه قديمه لا جوال ولا انتر نت وتدرس في الكليه مقآبله دروسهآ بس حسبي الله عليهآ ونعم الوكيل تغآر منهآ عشنهآ تنجح جعل ربي ما يوفق ذا السوسه اللي تطلع حكي على اختي شوفي كيف زوجآت الآولآد قويآت بس اظنهآ معآدله اذا صآرت زوجه الولد طيبه ركبو فوق راسهآ اهل الولد واذا صآرت فآرسه ركبت هي على اهل الولد وكلن موب راضي بس يازين الحل الوسط |
رد: ياهمي ودي ارتاح منك
قسم بالله ياختي يدخلها هذا الولد بدون ماادري اذا انشغلت بالمطبخ يروح يدخل بالغرفه مره انهبلت زوجي نايم واسمع صوت السير طبعا بغرفتي لمن جيت لقيته بالغرفه اصلا العيله كلها يسووون حاجات زي الحراميه وانا موضعف بس زوجي يعصب مره رديت عاخته والله باحترام سوالي قضيه وش اسوي مره نسيت اقفل باب الغرفه قسم بالله بابدل ملابسي مادريت غير اخته كبيره متزوجه فتحت الباب وقالت باشوف خزانه اخوي واوقفت واطلعت قسم بالله فجعتني مااقدرت ارد قلة ادب مره جبت عطر غالي وشافن داعيته قلت هذا عندي قالن وينه وجبت طبعا كان مخلص والاماجبته اعرفهن راح يخلصنه المهم سكتن ولمن شافن زوجي قالن حلو العطر قلت لزوجي صح قيمته 500قال ايه سكتن شايفه كانهن بيكشفني هل العطر لي والا لقطته من احد مليت والله لواقوله وش الحركات ماخلص بس مره جتني امي بوقت دراسه ماكان عندي غير البنت المهم بعد اربع ايام جت البنت وقالت مادريت ان امك فيه ياعالم بيت واحد ومادرت ان فيه احد طبعا بعد اربع ايام سلمت عامي مادرت الاخت وجتني اختي وعيالها تغدو عندي لمن كانت امي فيه المهم تجي وتسوي لها قهوه وترمي صحون غداها عاالطاوله طبعا كانت بنت اختي تساعدني كنت تعبانه وفشلتني طبعا مره جت عندي زوجة صديق زوجي المهم المره حست بالحركات وصرحتني وهي اول مره اشوفها تقولي ماارتاحت لها اسمعن اتصلت امه عليه وهزات زوجي وقالت اختك ماعندها شي والله اكلها وشربها ويعطيها زوجي علما ماديتنا انا زوجي ماتتحمل قليله على فكره هم زي خلية النحل مايحبون الدخيل يهاجمونه والله اسميهم جنوب افريقيا لهم عادات اذا جلست معهم احس اني من كوكب اخر مع اني اتعرفت من خلال دراستي ووظيفتي سابقا على ناس مختلفين بس مثلهم ماشفت ولا راح اشوف اسفه عالايطاله بس سامحوني ماعندي الي اشكي له ويوجهني صح
|
| الساعة الآن 04:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .