|
فيه امل؟؟
السلام عليكم
كيفكم يا اخوات ؟ ان شاء الله بخير ابغى ادخل في الموضوع ما ابي اطول عليكم بنات الشهر هذا جتني كل اعراض الحمل من مغص من الم في الظهر من كثرة نووم لدرجة اني اتاكدت اني حامل وكمان الي اكدلي ان الدوره متاخره يومين ووقلت بسوي تحليل منزلي عشان اقطع الشك باليقين وما اوهم نفسي كثير ويوم سويته ظهرلي خط واحد والمفروض الدوره تجيني يوم 15 وما جات وانا تعبت والنفسيه تعبانه من كثر الاوهام والتفكير وكمان الرحم عندي نظيف ما فيه اي افراز يدل على ان الدوره بتجي واليوم جتني زي الاوجاع خفيه جهت المبيض الايسر وبعدين انتقلت للايمن وراحت وكل الي احس فيه اوجاع في ظهري ومغص يجي خفيف ويروح ياترى يا اخوات هذي علامات للدوره و لامجرد انها متاخره ولا ممكن يكون هرمون الحمل ضعيف وما ظهر في تحليل المنزلي ورجاءا بايش تنصحوني انتظر ولا اروح اسوي تحليل دم بليييز اي وحده صار معاها مثلي وبعدين عرفت انها حامل تقلي عشان اعطي لنفسي امل ولو واحد في الميه واملي في الله اكبر من كل شي ربي اكرمني وارزقني بالذريه الصالحه المعافاه يارب العالمين |
رد: فيه امل؟؟
حبيبتي اعراض الدوره تتشابه مع اعراض الحمل
يعني يمكن يكون حمل بااذن الله لاكن انصحك تستنين لمدة اسبوع لانه تااخر يوم ولا يومين ماهي مده كاافيه وبعدين انا غابت الدوره عني 19 يوم وسويت تحليل في البيت وطلع خط واحد بس وجاني احباط ورحت للمستشفى وقالتلي الدكتوره مافي حمل وكملت عادي تصدقين انه بين في الاسبوع السابع يعني رحت وسوتلي سونار وطلعت حامل في 7 اسابيع في ناس ما يبين عندهم وفي ناس ما شااء الله يبين لو هي حامل في اسبوع تختلف من وحده لثانيه لاكن انتي خلي الاسبوع يعدي وكمان انتبهي على نفسك والله يرزقك بالي في بالك |
رد: فيه امل؟؟
يا عمري مشكووره على ردك الحلو الي برد قلبي شوي والله يتمم حملك وتقر عينك برؤية ضناك معافا كامل الخلقه لكن والله العظيم التفكير بياكل مخي لكن مالي غير الصبر وراح استنى كمان عشر ايام واسوي تحليل دم
بس نسيت كمان اعراض جتني خلال الشهر الاسبوع الي فات كله جاني صداع لدرجة انام وانا مصدعه واصحى وانا بعد مصدعه واحيان كانت تجيني دوخه مع لوعه وصدري حجمه كبر وظهرت حولين الحلمه حبوب وانتفخ بطني من تحت لكن كنت اقول انها علامات دوره وخلاص بتنزل لكن من يوم عدى موعد الدوره راحت كل هالعلامات والله شي يحير ومن جد يجنن ودي اشيل فكرة الحمل لكن وسواسه والاعراض الي تجي تخلي الوحده غصبن عنها تفكر اسال الله السلامه ويكتبلي الي فيه الخير |
رد: فيه امل؟؟
حبيبتي ماابي اصدمك بس بقولك اش صار معي
انا هالشهر اول مره احس وخلاص اقول اني حامل لدرجة اني صرت اكره زوجي وصداع مايفارقني وكثرة النوم والتعب لو جيت اطلع الدرج او انزل ووووووووو كل علامات الحمل والدورة تاخرت 6 ايام <<<< اول مره تسويها واروح اجيب التحليل المنزلي واعمله ويطلع خط وابصراحه زعلت زعل حتى زوجي كان كل يوم يسالني جات الدورة وانا اقوله لا ويفرح لحد ماشرفت وانقهرنا انا وهو بس وكلنا امرنا لله وامس خلصت ومن قبل ماتخلص بيومين وانا احس بدوخه واحيان اجي اوقف احس نفسي بطيح واحيان وانا في دورة المياه تجيني دوخة كاني بطيح في دورة المياة وبطنى يوجعني من وقت لاخر والنغزات تلعب معي مره في اليمين ومره في اليسار ومااقدر اطول اجلس على بطنى بس وكلت امري لله |
رد: فيه امل؟؟
حبيبتي انا عندي نفس اعراضك والدوره متاخره لها7ايام سويت تحليل دم اليوم الرابع طلع مافي حمل واليوم سويت تحليل البول الله يكرمك وطلع خط واحد وزوجي سال دكتور قال احتمال يكون حمل كاذب الله يرزقني وياك وكل محرومه
|
رد: فيه امل؟؟
الله يرزقناا حبيبتي والله الاوهاام والشكووك اوجعت قلوبناا وروسناا الله يرزقناا ياارب ويفررح قلووبناا .. انتي ادا كملتي 5 اياام روحي حللي وادا الامكانياا تمام حللي رقمي افضل والله يكتبك الحمل السلييم يااارب .. وبشريناا ..
|
رد: فيه امل؟؟
ان شاء الله تكوني حامل
انا الدوره متأخره صار اله 18 يوم وخايفه احلل ان شاء نكون حوامل وكل بنت تتمنى بس انتظري اسبوع وروحي حللي |
رد: فيه امل؟؟
ان شاءالله يكون حمل ياقلبي
بس انتي لاتفكري كثير ترا التفكير يذبح وكمان يلخبط الهرمونات ومثل ماقالت لك الاخت في بنات مايبان معاهم الا متاخر مثلي انا بان معاي الحمل قبل لاتتأخر الدوره في اسبوع اللي بتجي حللت تحليل منزلي ودم وطلع في حمل انتي لافكري ياعمري وحاولي ترتاحي وسلي نفسك بأي شي اقرأي قرآآن واكثري من الاستغفار آآآآسفه كثير على الاطاله ... |
رد: فيه امل؟؟
مشكورات حبايبي علو مرووركم الي نور صفحتي والله يجزاكم خير
وان شاء الله ربنا يجبر خواطرنا ويعطينا الذريه الصالحه المعافاه وانا راح انتظر كم يوم وبعدين اسوي تحليل دم وان شاء الله ربنا يكرمني ربي لا تذرني فردا وانت خير الوارثين |
رد: فيه امل؟؟
الله يفرح قلبك
|
| الساعة الآن 12:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .