منتديات حوامل النسائية - شاركوني تجاربكم رجاءا يا اخوات...

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - شاركوني تجاربكم رجاءا يا اخوات... (https://naqatube.com/showthread.php?t=41388)

شاركوني تجاربكم رجاءا يا اخوات...

سلام يا بنات.. انا عضوة جديدة وارجو مساعدتكم رجاءا ما تبخلو علي بردكم
انا متزوجة تقريبا سنة ونص .. بعد الزواج بست أشهر إكتشفت انو عندي تكييس المبايض.. وما صار حمل حتى الان.. نصحتني الدكتوره اني اجرب احمل بدون اي معالجة لكم شهر وازا ما صار شي ارجع عندها وأبدا بالعلاج.. ووافقت على كلامها واتئنيت ولسى ما خضعت لاي نوع من انواع العلاج..
المهم... دورتي الشهرية ما منتظمة بسبب التكيس وغالبا ما بعرف ايمتى عندي الاباضة.. بسس الدورة المو منتظمة.. المهم يلي صار اخر شهر كالتالي:
شريت تست لفحص الاباضة وفحصت مخاط عنق الرحم وحاولت افحص درجة حرارتي اليومية صباحا لمعرفة اباضتي: النتائج كانت كالتالي : فحص الاباضة كانت موجب يوم 30 من ديسمبر الماضي والتست وظيفتو يبين الاباضة هلال 48 ساعه القادمة, درجة الحرارة ما حسيتها زبطت معي كتير مع انو بنفس يوم فحص الاباضة الموجب ارتفعت درجة 0.2 وكانت فقط ليوم واحد.. فما حسيت درجة الحرارة لعبة دور معي قوي ربما لاسباب عدة انو ما كنت انام منيح بالليل . لكن بان عندي فحص مخاط عنق الرحم كان واضح بلزوجتو وطولو.. فكانت عندي هالنتائج لتنين يلي من خلالهن بظن انو فعلا كان في اباضة ب 1.1.2011
المهم كما معروف انو بعد الاباضة ب 14 يوم او ماكسيموم 16 تيجي الدورة.. وانا اليوم صرت باليوم ال 17 ولسى ما اجت.. فممكن احتمال من الاحتمالات يكون حمل.. بس يلي صار اني عملت فحص حمل بيوم ال 16 وكان سالب وانا صرت اليوم ال 17.. فما بعرف شو رايكو؟ انا مستبعدة انو الدورة تيجي لانو صارت مارقة عن ايام الماكسيوم, فممكن يكون حمل ولسى ما ظاهر.؟ او ممكن انو ما كان اباضة اصلا ومشان هيك ما اجت الدورة لسى؟ محتاره كتير صرت اشك بالتست يلي سويتو للاباضة انو ممكن مو مزبوط.. وشكي نابع من شغله وحده بس انو لما عملتو صحيح شفت خطين بس الخط التاني ما كان كتير قوي متل يلي جبو , علما انو سويت قبلها وكان الخط يكون ما واضح ابدا .. فما بعرف ساعدوني شو ممكن يكون .. بإنظاركم انا رجاءا حبيباتي. والسلام