منتديات حوامل النسائية - أغلى هديه من الخآلق قصة ولآدتي ُّّّّ

بسم الله الرحمن الرحيم

كيفكم يـآـآ أإأحلى كروششـآـآت وأحلى أإأمهـآـآت

أإأبشركم ولدت يوم الثلآثـآـآء تـآريخ 8/2/1432

الساعه 35_10صباحـآـآ

طبعـآـآبالأول قعد ينزل معي مويـآـآت قبل كم يوم من يوم الولآده وخفت ونزلت موضوع بدردشة حوامل لآني خفت من هآ المويـآـآت إمكن تكون موية الجنين وتنقص وأنـآ
خلصت التـآسع ودخلت بالعاشر لي أربع أيام وماشاء الله لقيت ردود ريحتني
المهم بعد مانزلت الموضوع بديت أحس بمغص ببطني وألم خفيف بظهري بس كان جدآآ خفيت قمت ألعب مع خواتي وأسولف وأضحك عادي لين الساعه 1 بالليل يوم الإثنين وبعد السواليف والضحك مشيت شوي بالبيت وبعدهـآ نمت جنب أمي لآن كانت خايفه كانت تقولي بعد ماخبرتهـآ بالمويات قالت بتولدين نمي جنبي ونمت جنبهـآ وعلى صلآة الفجر قومتني أمي أصلي وقامو خواتي يصلون ويجهزون للمدرسه وأنـآ أقوم من على السرير إلآ يجري على رجلي مويه
ودخلت الحمام الله يكرمكم ويجري ويجري المويه لونهـآ أبيض وأخضر
بعدهـآ غسلت وتوضيت وصليت وأنـآ أسجد إلآ يمسك ظهري ذآك الألم ومغص ببطني مـآ قدرت أقوم من السجده إلين راح المغص وبعدهـآ قمت وقلت لأمي
قالت لي أمشي أمشي ودخلت الحمـآم الله يكرمكم وأخذت دش دآآفي وكان المغص يجي ويروح
يعني كل خمس دقايق ونزلت من الحمام ورآحو خواتي المدرسه وأنـآ أمشي وكل ماجا المغص أتمسك على باب أو أتكـآ على جدآآر
وكانت أختي إللي بثاني ثانوي تشوفوني تقول يووه أحس حتى بطني أنـآ قامت توجعني وقامت تدعي يارب أجي من المدرسه وألآقيك وآلده وتروح
المهم وأنـآ يزيد علي الوجع يزيد قلت لأمي خلآص ماقدر يالله على المستشفى
شربتي حليب وماقدرت أشربه وإستفرغته ونزلت كل إللي ببطني إستفرغته
وغير كذآ قبل بيوم شربت خرووع وكان عندي إسهـآل يعني ذآعلى ذآ
بعدهـآ قالت لي أمي يالله إلبسي العبايه بصحي أبوك وأنـآ أنتظر يروح المغص عشان ألبس العبايه كان إذآ رآح المغص أقدر أسوي شي أمـآ لما يجي مـآ أقدر أتحرك بس أتنفس بقووه وسريع
لبست العبآيه وعلى الدرج بالنزله يجي المغص وقفت لين مـآرآح وبسرعه ركبت السياره ورحنا المستشفى والحمد الله المستشفى كانت قريبه من بيتنا
وصلنا وأنـآ بالسياره قبل مانوصل جاء المغص ونزلت رآح ودخلنا الطوآري
وعلى جات ممرضه وشافت الضغط والثانيه جات وشافت السخونه
ويسألوني كم بيبي معك أقولهم مـآ معي أحد هذآ أول وآحد
وجات ممرضه وعطتني إبره وسألتهـآ وشو ذآ قالت هذآ عشان المغذي بالولآده
وبعدين دخلت دكتوره بس مو دكتورتي لآنهـآ لسى ماجات
كشفت لي هنديه ويووووووووووووه من الكشف ألم ثاني بس كانت تقولي خذي نفس إرتاحي عادي
أخذت نفس وقتلهـآ إستني لمـآيرووح المغص قالت لآ أحسن والوجع فيه كشفت وقالت 2 سانتي
ونزلت وتدخل علي أمي وتقولي خذي نفس وحتى الممرضات كل شوي وحده تدخل تقول مدآم خذ نفس
تجي مرره ثانيه الدكتوره وتكشف وتقول ماشاء الله 4 سانتي ماشاء الله مدآم إنتآ رحم بسرعه يفتح
المهم قالت يالله ولآده فوق
تجي أمي تقولي أدعي وأنـآ أقرآ وأدعي الأدعيه المسهله وأقرآ سورة الزلزله
ويجلسوني على كرسي ويطلعوني وأخوي وأمي وأبوي معي زوجي كان بجده
ومادرى بحالتي الحمد الله
طلعوني بغرفة الولآده وتجي ممرضه وتقيس الضغط وتجي الثانيه وتاخذ حق السخونه وأنـآ كل ماتدخل علي وحده أقولهـآ عطيني مهدئ أو مسكن بس يرفضون يقولون بعدين ماتقدرين تولدين
ويعطوني اللبس ويقولون لي إلبسي وألبس وتجي دكتوره مصريه تكشف وتقول ماشاء الله بسررررعه ولآده 9 سانتي وتركبني العربيه وتجري بي ويحطوني على السرير وتتصل وتنادي دكتورتي وقامت تقول ألحين إذآ جـآء الوجع إدفعي زي البرآزو وتعطيني إبره مخدره
المهم ويالله دفعه دفعتين وتقولي الدكتور يالله إدفعي لما تحسي بالوجع وإدعي وأنـآ أدفع وأدعي
وبعدين طلع الرآس بس ماحسيت بطلعته وبعدهـآ خلآلآلآلآلآلآلآلآص إرتحت بس إني ماسمعت صوته

وشوي أسمع صوته لما تغسله الممرضه وجابتلي أحلى عزوز وقالت مدآم شوفوي وأنـآ خلآص مـآ أشوف شي شفته لبي قلبه الله يحفظه
جت الدكتوره يالله الحين الخياطه بس ما حسيت فيهـآ أبد وخلصت بسررعه
وأنـآ بشطارتي مسويه نفسي بقوم بمشي خلصت قالت الدكتوره وين ماتقدرين تمشي حطتني على سرير ثاني وأخذوني على غرفة التنويم وأنـآ أخذتهـآ نوووومه

والحمد الله ولدت بسلآمه وماطولت بدآ معي الطلق الساعه 6الصبح وولدت 10 و35دقيقه الصبح يعني بس التعب أربع ساعات

طوولت معكم
بنصحكم باالأدعيه والأذكـآر وسورة الزلزله وكمـآن لمـآ يجي المغص قولو لآإله إله إلآ الله لآ حول ولآقوة إلآ بالله الله يسهل عليكم يارب
والتنفس كمان له دووور تنفسو بطريقه صح ولآ تصرخووووون أبد

الله يسهل على إللي ماولدوويرزق كل من تتمنى .

اللهم آآمين ....